MATTHE 11:19 - Cho Bible Common Language 2016

¹⁹ Chang ah Htapa cu ei ne, aw ne law sei phi, nangmi naw, ‘Teng tu vä, shin ah chang cu, ei aih aw aih ci nei. Akhawn look ci gui la changshe gui ah teihpüi ah kyak ci nei,’ cine nami pyein ci. Khanpughi ah hmuhmat nak akcang ah a kyak cu, acun ah hmuhmat nak ungka gawk lawk ciah, a mawng gui naw ng’dang sak ci gui nei” cine pyein ah gui ci.

MATTHE 11:19 Referans Kwoze

LUKA 19:7

Acun gui hmu u netah, chang gui naw, “shin ah chang cu kat nak bik ciah im ah kai khai ah hteit ci nei” cine ng’htau ci gui.

LUKA 14:1

Kyin nak ah hnüüp ät ung Bawipa Jesuh cu Pharisee ang vai tumat ah im ah ei ei tuk khai ah hteit ci: cun yah ung Bawipa Jesuh cu chang gui naw adäm ah m’kein ci gui.

LUKA 7:29

Khanpughi ah ng’thu ngai ne Johan ah tuihnim nak gah ci gui ah akhawn look ci gui la chang akda cu, acun ah ng’thu ng’ya u netah yeikyai ci gui nei.

NG'THU K'THUUK~ 17:24

Lunglang ciah chang naw cuivai ne hnünthawh nak bu ci, cun ung phi chang ang naw dam ne khaw yau ci.

ROMAN 15:2

Mikmi mi van naw ayum nak kä khäng htek tu phak ciah phäi nau gui, ami yum nak a khän htek law tu vai ah, ngami ah yeikyai nak la ni kyom nak cu mi pyang khai.

JOHAN 2:2

A cu ah Bawipa Jesuh ah nu cu om tuk ci. Bawipa Jesuh la angdüihpüi gui cun phi hta m’um nak ah khü tu gui ci gui.

THU PHLAAN 7:12

“Amen! Mi Khanpughi cu hlüngtai nak, bämang nak, cüivai nak, yeikyai nak, chang m’sui nak, m’kümtou nak la küikyang nak gui awn, ang shon päng ung kümbe ne om sä, Amen!” cine m’lau ci gui.

NG'THU K'THUUK~ 23:21

Awktat ci la ei tat ci gui cu pyam nak pyang ciah kyak ci gui. Na bilawh phung cu ei la ih bäng ah a kyak ung nang cu tuhbäi ge suishe na sui khai.

MATTHE 5:46

Ning m’hni gui ci bäng nami m’hni tu ba ung, a i chaa ah Khanpughi naw m’cümhnah nak ning pe gui khai ang? Akhawn look ciah chang gui naw phi acun ah mäih ah bik ci gui nei.

SAM 109:20

Bawipa, ka ga gui, akshe ah ng’thu ne na hnu ng’tuk püi ci gui cu, a cun ah mäih ah m’kyuk gui ä!