MATTHE 11:17 - Cho Bible Common Language 2016

¹⁷ ‘Keimi tumkhawng u ngä sei phi, nangmi kä nami ng’lam ci, keimi ng’äi kyap u ngä sei phi nangmi kä nami kyap ci’ cine ng’hawh tuk ci gui.

MATTHE 11:17 Referans Kwoze

ISAIAH 30:29

Cunung phi nangmi khanpughi ah chang gui cu yeikyai u ne, thingcim ciah pawi mü ung nami ng’äi ah mäih ah ng’äi nami m’cu khai. Israel gui shungvong gui ciah Bawipa ah Taigü un ah amihteh nak lam ung, puläi tum nak ung hteit ci gui ah mäih ah nangmi cu yei kiai nak om khai.

MATTHE 9:15

Bawipa Jesuh naw, “Chumah khai ah pamihta ah a teihpüi gui cu, cun ah pamihta awn a täng ah ami om yah ung, thüisei khai gui ang? Cun ung phi cun ah pamihta cu ngami ungka la ne ami hteh nak püi vai ah a khin gawk lawk khai nei. Cun kawn ah ngami cu ei hlawi khai gui nei.

JEREMIAH 31:4

Hnü ät mä kei naw ka ning cokyang ba gui mä khai. Hnü ät mä nangmi naw nami thing sheei tum ne yeikyai ne nami ng’lamba mä khai.

MATTHE 9:23

Bawipa Jesuh cu yungbawi ah im ah gawk law netah, gook htüm ne, tum ng’lam ci gui cu hmu gui ci.

1 GHANGPUGHANG GUI 1:40

Ngami ami van naw ani cu läk u ne, phyung lawi tum ne, yei ne m’lau u ne, kho ng’lei thüng sei m’lau ci gui.

LUKA 15:25

Cun yah ung a hta ang vai pi cu lo ah hteit ci. Lo ah kaa law ba ne, im pei ah ang et law ba ung ami tum ng’lam gui ah k’aw cu ng’ya netah,

ATÜNNAK 50:10

Jordan ah hni law lam Atad khlang hmun ung gawk law u neta, akshou m’lau ne kyap ci gui. Joseph cu cun ah hmun ung khaw hnüüp chih ung kyap ci.

MATTHE 11:16

‘Tuhngawi chang gui cu a i awn m’tumtäng gui vai ang? Ngami cu sumlei hmun ung ngok ciah ak hmaw hta awn täng ci gui. Ak hmawhta gui amshah naw, a hei am shah-am,

MATTHE 11:18

Tuihnim Johan cu ei phi hlawi ne, yu phi kä aw ne, nangmi ah om nak ah gawk law sei, nangmi naw “Shin ah chang cu khoshe ah kai nei,” nami cik ci.

LUKA 7:32

Ngami cu sumlei lam ung ngoh u neh, ‘Akni ah tum ung kä nami ng’lam ci, thüi kyah nak ng’äi m’cu ung phi kä nami thüi kyap ci’ cine ng’htau ci gui ah ak hmawhta gui awn täng ci gui.

LUKA 8:52

Bawipa Jesuh naw, “Kä kyap vä, shin ah ak hmaw cu kä sik ci nei, ip ci nei” cik ci.

LUKA 23:27

Chang gui akda naw a hnu ah läk lawk ci gui. Hnumi gui amshah gui cu ami ng’kyang k’beeih ne kyap ne läk law tuk ci gui.