MATTHE 11:16 - Cho Bible Common Language 2016

¹⁶ ‘Tuhngawi chang gui cu a i awn m’tumtäng gui vai ang? Ngami cu sumlei hmun ung ngok ciah ak hmaw hta awn täng ci gui. Ak hmawhta gui amshah naw, a hei am shah-am,

MATTHE 11:16 Referans Kwoze

LUKA 13:18

Bawipa Jesuh naw, “Khanpughi ah uknak ah kho cu a i awn täng ci ang?

MAKUH 4:30

Cun kawn ah Bawipa Jesuh naw, “Khanpughi ah uknak kho cu a i awn m’tumtäng vai ang? A i awn m’tumtäng ne m’dang vai ang?

MATTHE 23:36

Kei naw akcang ka pyein cu, shin ah a mawng ama gui ah hmawk ah tuhchü chang gui cu shetkat nak gah khai gui.

MATTHE 12:34

K’pyu m’äm mah gui, nangmi cu changshe ah nami kyak ci kya ne, a i hawk chaa ah ak ni ah nami ng’thu hlawt khai aw? M’lung kyong ah be ne om cicu m’gawngshai ung ng’thu ah lut lawk ci.

NG’ÄI KYAH 2:13

O Jerusalem, m’hni aih ah Jerusalem, kei naw a i ka pyen hning khai aw? Kei naw a i cha ah ka ning shungvong hning khai aw? A u phi shin ah mäih ah kä yai ca khai nei. Nang ah leigai cu khogi kä om ciah tuinu ah mäih ah kyak ci. Ngaih u vai ai phi kä om ci.

MATTHE 24:34

Kei naw akcang ka pyein cu, shin ah mawng avan cu tuhbäi ghing ciah chang gui kä ami sih pha ung gawk lawk khai nei.

MATTHE 11:15

Cun gui cu ak hnga om ci phung naw ngai ne ng’ya u sä.

MATTHE 11:17

‘Keimi tumkhawng u ngä sei phi, nangmi kä nami ng’lam ci, keimi ng’äi kyap u ngä sei phi nangmi kä nami kyap ci’ cine ng’hawh tuk ci gui.

MATTHE 23:7

Sumlei hmun gui ung phi chang gui naw ami chang m’sui vai ng’ya hlük ci gui. ‘Sayapa’ ciah chang naw a khü gui vai m’hni ci gui.

MAKUH 12:38

Cun ah am theithang gui yah ung Bawipa Jesuh naw, “Thukhän saya gui cu nami geing nak gui vai, ngami cu suinu sui ne, chang ah ng’shei ne hteithton hlük ci gui. Sumlei hmun ung phi chang naw ak chang m’sui gui vai ng’ya hlük ci gui.

LUKA 11:43

“Pharisee gui aw, nangmi ung shetkat nak om ci, nangmi cu pum im kyong ung hlüng pi ciah ngoh nak la sumlei hmun ung chang ah chang m’sui nak cu nami ng’ya hlük ci.