MATTHE 11:14 - Cho Bible Common Language 2016

¹⁴ Ngami ah ng’thu pyein cu nami yum ah a kyak ung, Johan cu dang lawk khai ciah Elijah ah kyak ci, ci cun phi nami yum khai.

MATTHE 11:14 Referans Kwoze

MALAKHI 4:5

“Cun ung phi küikyang ci la kyihkyawk nak vai ah Bawipa ah law nak kä ak phaa law pha ung kei naw prophet Elijah cu ka ning tüih law pe gui khai.

LUKA 1:17

Ani cu Bawipa ah lam ung lam ma ciah kya ne, profet Elijah ah mäih ah khüighaat ne hlüngtai khai. Ani naw pa la hta atäng ah om ba sak goi khai; ani naw ng’thu kä ngai ciah chang gui düng ciah lu ng’lang nak ung ng’hlah law ba sak gui khai; Khanpughi ah hmawk ah ng’düi ge khai gui ah Bawipa ah chang gui cu ana m’cäi gui khai,” cine pyein ci.

1 KORIN 3:2

Nangmi cu guh ciah ei kä nami ei pha thei ci kya sei, suuktui bäng ka ning tu gui ah kyak ci. Cun ung phi nangmi naw cun hngaw kä nami k’düük m’khüt ci.

JOHAN 16:12

Kei naw akda ka ning m’cäi gui vai om ba ci, cun ung phi avan nangmi naw kä nami shüm yawp khai kyak ci.

EZEKIEL 2:5

Cun ah ng’küknet ciah chang gui naw ami ning ngai ung phi, kä, ami ngaih ung phi, ami ng’lung ah prophet om ciah hmat khai gui nei.

THU PHLAAN 20:4

Cun kawn ah mangkiaang gui cu ka hmuk ci. Cun ung ngok ci gui cu m’khoichaa nak vai ah huham ami peit gui ah kyak ci. Cun kawn ah Bawipa Jesuh ah m’dang ah düng nak la Khanpughi ah ng’thu ami pyein ah hmawk ah ami ngawn gui ah, ami mümcha gui cu ka hmuk ci. Ngami naw khiküi la ani ah gup cu kä khawihnah ci gui. Ami m’calai la ami kut ung phi khiküi ah m’hnüt nak cu kä la tuk ci gui. Ngami cu ghing ne tho law ba u ne, Bawi Khrit awn atäng ah khokum phiaa ghaa ung ghangpughang ah mäih ah uk tuk ci gui.

MALAKHI 3:1

Hlüngtai ciah Bawipa naw, “Kei ah hmawk ah lam pyang khai ah ka ng’shä cu ka tüi lawk khai. Cun kawn ah nang naw na shui ah Bawipa cu ang ghit ah pum im ung gawk lawk khai. Nang naw na hmuh ah ka ng’shä cu law ne ka thukhän cu ng’shäu khai” cik ci.

MATTHE 11:13

Johan ah ng’dang law nak ung khüt lawk khai ah profet gui la Mosesah ng’thukhän naw khankho ah mawng cu pyein pyii ci gui.