MATTHE 10:8 - Cho Bible Common Language 2016

⁸ Akgaw gai sak vä, aksi m’ghin ba vä, kheei lei ah ei gui theek sak vä, khoshe gui k’täm vä, Khanpughi ah m’gein nak kä khleih ah nami gah ci kyasei, chang gui am a phu kä lak ah vah pe vä.

MATTHE 10:8 Referans Kwoze

LAMKTU 3:6

Cun kawn ah Peter naw, “Kei ung ghui ngui kä om ci, cun ung phi kei ung om cicu ka ning pek khai: Nazaret Bawipa Jesuh Khrit ah ming awn, tho ne na hteh vai, kei naw ka ning khän ci nei,” ci neh kiak nak ci.

LAMKTU 4:30

Gawi ci naw a gai nak vai, na kut yu k’phiat lawä; Na shäm ah Bawipa Jesuh ah ming theing awn cäi aih vai gui lah ngaih khit vai gui gui cu, yuk m’dang lawä” ci neh Khanpughi ah taigü ci gui.

LUKA 10:9

Cun ah pigaw ung gawpai ci gui nami gai sak gui vai. Cun kawn ah ngami ung, “Khanpughi ah Uknak kho gawk law pyi ci” cine nami m’thein gui vai.

MATTHE 10:1

Bawipa Jesuh naw ang düihpüi chang sing gha-lei-goi cu khü gui netah, khoshe gui ami k’täm nak hning vai la gaw nak phung ami gai sak nak hning vai ah, huham cu pe gui ci.

MAKUH 16:18

Ngami naw k’phyu k’nget ami k’pan ung phi bäi, sih nak vai ah ng’tuui tui ami awk ung phi bäi, ngami ung sih nak kä om khai. Gawpai ci gui ah khan ah ami kut taih ne gai sak gui khai gui” cine m’thein gui ci.

KHEI NAK 18:7

Cun ung phi nang la na hta gui bäng naw vah sonkiang la Atheing Pikbäih Hmun ung taigü bawi ah bi vai avan cu nami kümbe sak khai. Shin gui cu nangmi ah bi vai kyak ci. A i ah kyasei ci ung kei naw taigü bawi ah kyak nak cu m’cümhnah nak ah ka ning pe gui pyi ci. Kä bi tu hning ciah chang atheingcim gui ah pei ah ang et law tu ung ngawn vai.”

ISAIAH 55:1

Bawipa naw pyen ci, “Tui gha ciah chang nü law vä — shin ung tui om ci nei! Ngui kä tak ciah chang gui law vä — htam’guh khleih ne ei law vä! Law vä! Wine la suktui khleih vä — nang ung a i phi kä ng’pyi khai nei!

MATTHE 10:7

‘Khankho uknak ng’et lawk ci nei,” cine ng’thu pyein vä!

MATTHE 10:9

Ghui la ngui ni, khawh cham ni gui m’khäp ne kä nami k’bah vai.