MATTHE 10:7 - Cho Bible Common Language 2016

⁷ ‘Khankho uknak ng’et lawk ci nei,” cine ng’thu pyein vä!

MATTHE 10:7 Referans Kwoze

LAMKTU 28:31

Ani naw Khanpughi ah uknak kho a mawng thu phi pyein ne, Bawipa Jesuh Khrit ah mawng phi abü ang ngaih ah thamah nak awn m’theithang gui ci.

MATTHE 3:2

“Nami shetkat nak ng’nü ung ng’yu ba vä, Khanpughi ah uknak kho cu ng’et law pyii ci nei” cine ng’thu pyein ci.

LUKA 9:60

Bawipa Jesuh naw, “Aksi cu aksi gui naw m’cim u sä, nang hteit ne Khanpughi ah Uknak kho ah mawng cu na pyein vai nei” ci nak ci.

MATTHE 4:17

Cun ung tüi ne Bawipa Jesuh naw, “Nami shetkat nak ng’nü ung ng’yu ba vä, khankho uknak ng’et law pyii ci nei” ci ne ng’thu pyein lawk ci.

LUKA 16:16

Tuihnim Johan kä a ng’dang pha ung Moese ng’thukhän gui la profet gui ah cacim gui cu kümbe te ci. Johan ang dang kawn ah tün ne, Khanpughi ah uknak ah mawng ng’Thu Ni cu pyein sak law ah kyak ci. Chang akda gui Khanpughi ah uknak kho ah ng’gut ne lut lawk ci gui.

LUKA 9:2

Cun kawn ah Khanpughi ah uknak kho ah mawng ami pyein vai la gawpai ci gui ami gai sak vai ah mawng m’cäi ne tüi gui ci.

ISAIAH 61:1

Uktu Bawipa naw ang mümcha awn kei cu na be sak ci. Ani naw na ghü ne na tüi ci, Dukhaih ci gui ah ma ah thu ni hteh pui vai ah, Am lung kyong she-kak ci gui gai sak vai ah, pha ne ami chum gui ah luat nak ah mawng thu ng’shäu vai ah, Thawng ung kium ci gui ah ng’pängze nak vai ah.

MAKUH 6:12

Ang düihpüi gui cu hteit u ne chang gui ami katnak ung kaa ami ng’yu ba vai ah ng’thu pyein ci gui.

LAMKTU 10:25

Peter a luh law vai am Konelius naw a na do ne a kho pei ah m’khuuk dong ne ngok ci.

LAMKTU 4:2

Ngah mi naw sih nak ung ka thawh ba nak ah mawng, m’dang ciah Bawipa Jesuh ah thawh ba ah mawng cu, m’thein gui ni khä tah ngah mi cu m’lung k’she ci gui.

JOHAN 3:2

“Rabbi, nang cu Khanpughi ah tüih law ah saya ah na kyak ciah kami hmat ci nei. A i ah kyasei ci ung, Khanpughi naw a täng ah kä a om püi ah chang naw, nang ah bi ah cäi aih gui vai cu kä bi hlawt khai nei” cine pyein ci.

LUKA 9:6

Ang düihpüi gui cu ng’düi law ne hteit ne apigaw päng ung hun nak Thu Ni ng’shäu ne pyein u ne, gawpai ci phi gai sak ci gui.

MATTHE 23:13

“Thuvi ciah Pharisee gui la thukhän saya gui, nangmi ung thüinak aih om ci. Nangmi cu khankho ah chang gui naw ami kai nak vai ah m’kawt nami khai ci. Nami mät phi kä nami lut ci, lut hlü ne tha nak ciah chang phi kä nami luh sak ci.

MATTHE 21:43

“Cun ah kyasei kei naw akcang ka pyein cu, Khanpughi ah uknak kho cu nangmi ungka la ba ne, düng nak awn vuipai khai ah chang gui-am pe gui khai.

MATTHE 21:31

Cun ung phi kä hteh ah om ci. Cun ah chang goi ungka a u naw ang apa ah beit ng’yak ciah a kyak kaw!” cine ng’shi gui ci. Ngami naw, “Hta vaipi naw beit yak ci nei,” cik ci gui. Bawipa Jesuh naw, “Kei naw akcang ka pyein cu, khawn look ci gui la chang hlawhlang gui cu, nangmi ah mä ma pi ne, Khanpughi ah uknak kho ah gawk khai gui nei.

MATTHE 11:1

Bawipa Jesuh naw cun ah ang düihpüi gha-lei-goi cu m’cäi gui netah, acun ah kho pei yung pigaw gui ah ng’thu pyein ne m’theithang gui khai ah hteit ci.

MATTHE 10:8

Akgaw gai sak vä, aksi m’ghin ba vä, kheei lei ah ei gui theek sak vä, khoshe gui k’täm vä, Khanpughi ah m’gein nak kä khleih ah nami gah ci kyasei, chang gui am a phu kä lak ah vah pe vä.