MATTHE 10:5 - Cho Bible Common Language 2016

⁵ Ang düihpüi chang gha-lei-goi cu Bawipa Jesuh naw shikchaa m’cäi ne tüi gui ci; “Chang pakhui hei gui ah kho gui ung la Samaritan gui ah pigaw gui ung kä nami hteh vai.

MATTHE 10:5 Referans Kwoze

JOHAN 4:9

Cun ah hnumi naw, ‘Nang cu Jew chang ah na kyak ci, kei cu Samaritan chang ah ka kyak ci, a i vai tui na na ng’yoih ang?” cik ci. (Jew chang gui cu Samaritan chang gui ah ei awk nak ung, kä ei aw tu man ci gui ah kyasei, cun ah a pyein ah kyak ci.)

1 THESSALONIAN 2:16

Keimi naw hun nak ah mawng changpakhui hei gui-am ng’thu kami m’thein phi tha na ne na ma na gui ci gui. Cun ah ami kyak cu ang täi sei ami cheishoh nak ami kümbe sak nak ah kyak ci. Cun ah kiasei tuhbäi ak hnu ah Khanpughi ah m’lungshe nak cu ngami ah khan ah gawk pyi ci nei.

LUKA 17:16

Cun kawn ah a kho pei ah m’khuuk doong ne kawp ne, abäkhäk ah mawng cu m’tamkhah ci.

LAMKTU 10:45

Chang pakhui hei gui cun naw phi Khanpughi ah Mumcha Theing cu gah tu u khä tah, Joppa ah kaa Peter awn a täng ah lawk ci gui ah Jew chang gui cu ang htei ah cäicat ci gui.

LUKA 9:2

Cun kawn ah Khanpughi ah uknak kho ah mawng ami pyein vai la gawpai ci gui ami gai sak vai ah mawng m’cäi ne tüi gui ci.

LAMKTU 1:8

Cun ung phi na mi khan ah Mumcha Theing a kyum law ah a kyak ung, nang mi cu hlüng tai nak awn nami be khai. Cun kawn ah nang mi cu Jerusalem, Judea, Samaria lah khaw cawi ah khüt neh kei ah mawng pyein ciah saksi ah nami kyak khai” ci neh kyak na gui ci.

JOHAN 20:21

Bawipa Jesuh naw, “Nami khan ah ding gei nak om sä, Kapa naw kei ana tüih law ah mäih ah, kei naw nangmi cu ka ning tüi gui ci nei” cik ci.

JOHAN 7:35

Jew chang vai gui naw, “Mikmi naw shui ne kä mi hmuh vai ah, a hawi lam ah hteit khai ang? Mi chang gui ah om nak Karik mang gaw gui ah hteit ne m’theithang gui khai ang?

JOHAN 4:5

Ngami cu Samria kho Jakob naw a hta Josef-am a peit ah lo pei ah, Saika pigawnu ah gawk lawk ci gui.

LUKA 10:33

Cun ung phi Samaritan chang tumat cu cun ah lam ung a hteh nak lam ah leim ne ng’yän ciah chang cu hmu netah, ang htei ah m’gein ci.

MATTHE 4:15

“Zebulun khaw la Naphtali kho, Tuinu ah hteh nak lam ung om ci gui ah Jordan tuinu vang ga kho, Chang pakhui hei gui ah om nak ah Kalile kho!

LAMKTU 8:1

Cu hnüüp ung tün neh Jerusalem ung om ciah khritha gui cu, ak she ah dudeiu nah gui ci ci gui. Cun ah kiah sei ngah mi cu Judea khaw lah Samaria khaw yung ah püipiang yawp u sei. Ang düihpüi gui bäng om ba ci gui.

JOHAN 8:48

Ngami naw Bawipa Jesuh-am,” Nang cu Samaritan chang, khoshe ah kai nei “Kami cicu kä hman ne ma?” ci nak ci gui.

JOHAN 4:20

Keimi Samaritan chang gui naw, shin ah m’htung ung Khanpughi kami khawihnah ci, nangmi Jew chang gui naw, Jerusalem ah Khanpughi nami khawihnah ci” cine pyen nak ci.

LUKA 10:1

Cun kawn ah Bawipa Jesuh naw ang khah püi chang sing chih-kip-lei-goi cu ghü ba gui netah, chang sing goi ciah ng’khap sak gui ne, amät ah a hteh law nak vai ah pigaw gui ung tüi gui ci.

MATTHE 22:3

Ani naw ak changshäm gui tüi gui ne, akhü tu ah chang gui cu khü sak gui ci. Cun ung phi a u kä law hlü khätah,

MAKUH 6:7

Cun kawn ah Bawipa Jesuh cu apigaw ah pei ng’et yung pigaw gui ah hteit ne m’theithang gui ci. Ang düihpüi gha-lei-goi cu khü gui netah, sing goi ciah ng’khap sak gui ne, pigaw gui ah tüi gui ci. Ngami-am khoshe m’khütnäng nak ah huham phi ap gui ci.

LUKA 9:1

Bawipa Jesuh naw ang düihpüi sing gha-lei-goi cu a pei ah khü gui netah, khoshe m’khüt nak la nat nak näng nak ah hlüngtai nak la m’khüt näng nak cu ap gui ci.

JOHAN 17:18

Nang naw kei cu m’dek khan ah na na tüih law ah mäih ah, kei naw ngami cu ka tüi gui ci.