MATTHE 10:42 - Cho Bible Common Language 2016

⁴² Kei naw akcang ka pyein cu, kei ah kang khahpüi gui ung kaa, akhmaw pi-am tui k’gei m’yak ät tu ciah chang cu, kei ah kang khahpüi ah gah ah m’cümhnah nak cu, kä gah ah kä om khai.

MATTHE 10:42 Referans Kwoze

HEBRU 6:10

Khanpughi cu käng kuktak ci. Ani naw nami bilawh la, nami m’hni nak ang dang vai ah cau tün ne tuhbäi ung khüt sei, krihta tumat nami ng’theithang nak tu cu käm hnih khai nei.

MATTHE 25:40

Ghangpughang naw, ‘Kei naw akcang ka pyein cu, shin ah ka nau gui ung kaa, yoken pi ciah chang, nam hteihtang tu phung avan cu kei na nam hteihtang ah kyak ci nei’ cine kyak nak khai.

MATTHE 18:10

“Nangmi naw a u ak hmaw hta phi kä nami yoshe nak vai. Kei naw ka ning m’thein gui cu, ngami ah khankho chang gui cu, khankho kapa Khanpughi ah ma ah angtäi sei om ci gui.

2 KORIN 8:12

Nangmi naw na mi peit hlü cang ah a kyak ung Khanpughi naw, yum nakcang awn nami peit cu ning dou pe gui khai, nangmi ah kä peit nak hning cu Khanpughi naw kä ning k’thäh gui khai.

LUKA 6:35

Nangmi cu nami gaa nami m’hni vai, chang ah khan ah akni nami bi vai. Gah ba vai ciah kä ngaih u en ah nami ng’pu tu vai. Cun ah nami bi ung nangmi cu hlüngtai ciah m’tamkhah nak gah ne, hlüng pik’bäih ciah Khanpughi ah hta ah nami kyak khai. Cun ah Khanpughi cu m’gein nak kä hmat ci gui la changshe gui ah khan ah akni bik ci.

NG'THU K'THUUK~ 24:14

Nang naw na ngaih gep khai, Cüivai nak cu mümcha ah ni nak ah kyak ci. Cüivai nak cu na gah vai. Cun ung ma lam ah khaw dei khai.

ZEKHARIAH 13:7

Hlüngtai ciah Bawipa naw, “Tho law ä, khim ghaat aw, kei ah hmawk ah bii bik ciah htoshäm cu na tuk vai, Na ngawn vai, a htome gu cu püipyang khai gui. Kei naw ka chang gui cu ka tu gui khai.

LUKA 17:2

Ak hmaw tumat katnak ung gawk khai ah tüihtok nak bik ciah chang cu lungsum khit ne a gawn ung m’äh netah tuili ung shum ung bä tu ba khai.

MATTHE 18:14

Acun ah mäih ah khankho ah nami Pa naw phi ak hmaw hta tumat lam hma ne a dimaih vai cu käng ya hlük ci.

2 GHANGPUGHANG GUI 4:10

Im khan ah akhan hta tumat mi cawh pek khai, ih phak ni, tawnglang ni, ngoh nak ni, mei im ni mi tha pek khai, cun ung ani a law päng ung a cun ung om hning khai” pyen nak ci.

NG'THU K'THUUK~ 19:17

Dukhaih ciam na pek tak cu Bawipa am nak pu ah maih ah kyak ci. Bawipa naw ning thung ba khai.

THUSHÄUTU 11:1

Na ngui cu akhohei ah sumlei nak vai ah na tha vai, khohnüüp ät ung anglawn na gah khai.

1 GHANGPUGHANG GUI 17:11

a va vü yah ung khü ba ne, “M’htut phi na thak law ä,” cik ci.