MATTHE 10:36 - Cho Bible Common Language 2016

³⁶ Chang tumat ung ak nget pi bäih ah aga cu, amät ah kyong ung kaa ah kyak khai nei.

MATTHE 10:36 Referans Kwoze

MIKHAH 7:6

Tuhchü hta gui naw ami pa akgu ah mäih ah kyak nak khai gui, hta hnumi gui naw ami nu hnungtuk püi khai gui, hta ah chu gui naw ami pighi ng’vook püi khai gui. Chang ah aga cu amät ah kyong chang ah kyak ci.

JEREMIAH 12:6

Na mätyah gui, na kyong khui chang gui phi nang ung kä bekhüt ci gui nei; Nang ning hma ne ning hnungtuk püi ci gui ung ng’dawn tuk ci gui nei. Ngami naw ng’khawt nak ah ng’thu awn ami ng’htau ung phi, kä na ngaih gep en gui vai nei.”

SAM 41:9

Ka teihpüi ni pi, ka ngaih u pi bäih, ka ei vai phi k’pai ne ka ei püi, Naw phi ng’hlat ne na hnung’tuk püi ci nei.

SAM 55:13

Cun ung phi, cun ah chang cu nang, ka paw, ka chang, ka teihpüi ah kyak ci.

2 SAMUEL 16:11

David naw Abishai la a bawi gui ami van am, “Ka mät ah hta naw na ngawn khai ah tha nak ci nei; a i vai shin ah Benjamin chang gui ah phäh ah nami cäicat ang? A shai vai ah Bawipa naw am thein nei; cun ah kyasei amät nawng vä, am hni ah bi sä.

JEREMIAH 20:10

Chang nü naw na pyen sa u sei ka ng’yak ci nei, “khaw nü ung m’ghämce nak om ci! Cun ah kyasei huham bawi ah mi chak khai nei!” cik ci gui. Ka khawt püi gui pi ah a teihpüi gui naw phi kei ah yung kyak vai cu na ngäng ci gui nei. Ngami naw, “Ani cu mi thei leh nak khai, cun kawn ah ani cu mi phak khai, phu mi tuk nak khai” cik ci gui.

1 SAMUEL 17:28

David naw chang gui ang thu püi gui cu a phäi ang vai pi Eliab naw ng’yak ci. Ani cu David ah khan ah m’lung she neta, shin ung a i na haw lawk ci ang? Bung hmu ah na htawme gui cu a u naw ang a shäm? Nang changshe hta! Ng’tuk na teng tu düt khai ah na lawk ci nei” cik ci.

ATÜNNAK 3:15

Hnumi la nang, hnumi ah ng’shon la nang ah ng’shon cu gaa ah nami kyak khai ah ka bik khai. Ani naw nang ah lu cu ning deeng khai, nang naw ani ah khawlek cu na m’yawk khai” cine pyen nak ci.

JOHAN 13:8

Peter naw, “nang Bawipa naw kei ah kho cu a i yah ung phi kä nam si khai nei” cik ci. Bawipa Jesuh naw, “Kei naw na kho kä ka ning m’si ung, nang cu kei ah ng’düihpüi ah kä na kya ba khai” cine pyen nak ci.

ISAIAH 19:2

Bawipa naw pyen ci, “Kei naw Egypt khaw kyong, ung ng’tuk ng’tuk sak gui khai. Ng’längna na ciah mang gaw gui cu humat latumat ng’tuk khai gui, ng’längna na ciah ghangpughang gui cu huham ng’cuh khai gui.

MATTHE 10:21

‘Chang phäi nau gui tumat la tumat sih nak ung ng’ap tuk khai gui, nupa gui naw ami hta gui sih nak ung ap khai gui, ami hta gui naw phi, ami nupa ah m’cäi kä ngai ne ngawn phak khai gui.