MATTHE 10:28 - Cho Bible Common Language 2016

²⁸ Pumsa a ngawn hlawt ung phi Mumcha kä ngawn hlawt cicu kä nami kyih vai; pumsa la mümcha avan m’htei kho ah m’di hning ciah Khanpughi bäng nami kyih vai.

MATTHE 10:28 Referans Kwoze

THU PHLAAN 2:10

Zaica nak na awt vai ah api ah phi kä na kyih-en vai nei. Nangmi amshah gui cu khawshe naw thawng ung ning chum gui netah, ning k’cet gui khai nei, hnüüp gha ah kyong ung yaica ne na om khai nei. Na sih ung khüt sei bekhüt ne om ä, kei naw näng nak ah ng’cheng ghin nak ka ning pek khai.

JAMES 4:12

Khanpughi tumat bäng cu thukhän pek ci la m’khoichak ciah kyak ci nei. Ani bäng naw vah hun hning ci, m’di hning ci. Nang cu a u chang ah kya ne, nak chang paw cu nam khoichaa tu ang?

JEREMIAH 5:22

Kei Bawipa nei, a i ah kyasei kä nami na kyih ang? A i ah kyasei kei ah ma ah kä nami ng’hlet ang? Kei naw tuinu ah khogii nak ah lawigin ka tha ci nei, cun cu ng’täi ciah khogii, ai naw kä a kan hlawt ah kyak ci. Tuinu cu ng’hnawk ci, cun ung phi cun naw kä phlän hlawt ci, tui hnawk cu hmum ci, cun ung phi cun naw kä m’shet hlawt ci.

ISAIAH 51:12

Bawipa naw pyen ci, “Thagui ning k’be gui ci cu kei ah ka kyak ci. Khumghaw hlawk düt ah ghing hning ne, si thei ciahchang cu, a i vai nami kyih ang?

THUSHÄUTU 5:7

A i chü na ng’mang a shet ung phi, a kholä ah kyak khai, a i chü na bi ung phi, a i chü ah na ng’thu ung phi, Khanpughi cu kyih aa ne na om vai.

1 PETER 3:14

Cun ung phi akni nami bi ah hmawk ah ning shedam nah gui ci a om ung, yeikyai vä, kä kyikyawk en vä, kä ng’ä ng’ai en vä.

ISAIAH 66:2

kei ka mät naw khopuui avan cuka tüisho nei! Am lung neim sak ne, ng’yu vat ba ne, kei na kyih aa ne, na läk ci gui ah khan ah ka yeikyai ci nei.

SAM 119:120

Nang ah hmawk ah kei ka kyik ci, na m’khoi m’cha nak ah hmawk ah kyih nak awn ka be ci.

MATTHE 25:46

Cun na kyasei ngami cu angtäi ah shetkat nak gah khai gui. Düng ciah changnigui läi cu angtäi ghin nak kho ah gawk khai gui.

ISAIAH 51:7

“Na ngai vä, nangmi a hman hmat ciah chang gui, kei ah m’thei thang nak am lung ung tha ci gui. A i bawdüt ah ning kyak na gui ne, ning shedam na gui ci a om ung, kä na mi kyih vai nei;

HEBRU 10:31

Ghin ciah Khanpughi ah kut khui ung kyumkiak cu kyihkyawk aih vai ah kyak ci nei.

MATTHE 10:26

‘Cun ah kyasei chang kä nami kyih vai, küp gui phung avan ng’hmawng yawp khai, m’yih gui phung avan ng’hmat yawp khai.

HEBRU 11:35

Hnumi gui cun phi ami yum nak awn sih nak ungka ghing ba ciah ami pawchang gui cu gah ba ci gui. Amshah gui cu ng’pängye nak gui maa-en u ne, bä ci ciah ghin nak ung thawh ba vai ah, dukdeiu nak awn sih yawp ci gui.

LAMKTU 21:13

Cun ung phi Paul naw, “A i ah kyasei nang mi kyap lau u ne, kam lung nami na thüi sei sak ang? Kei cu Bawipa Jesuh ah hmawk ah, Jerusalem ung pha ne khih nak bäng ah kä kaak ciah, sih nak vai ah phi ka ng’düi ge ci nei” cine pyen na gui ci.

MATTHE 5:22

Cun ung phi kei naw tuhbäi ka pyein cu, a mät ah phäi nau m’lungshe nak ciah chang cu, thawng kyum khai nei. Tumat la tumat ng’vawng shang ne ng’plah tang tuk ciah chang cu, yung ah m’kawt ung m’kat nak gah khai nei. A mät ah phäi nau chang k’she ah m’keih ciah chang cu, m’htei-mei ung lut khai nei.

JOHAN 5:29

ng’cim hmun ungka ami thawh ba nak vai ah a khin cu gawk khai nei; a om nik ci gui cu tho ba ne ghing ba khai gui, a om shek ci gui cu tho ba u ne phi shetkat nak gah khai gui nei.

JOB 37:24

Chang nü naw ani cu kyih aa ci gui nei, Amät cüivai ciah pyen ciah chang gui cu ani naw nawng gui ci nei.

2 GHANGPUGHANG GUI 17:39

Nami Khanpughi, Bawipa, kei cu nami na ngaih vai, kei naw nami ga gui ungka, ka ning gung gui khai.”