MATTHE 10:25 - Cho Bible Common Language 2016

²⁵ Changshäm cun phi a bawi ah kä hlüngtai pi ci. Cun ah kiasei ng’thei tuk ci naw m’thei tuk ci k’pha ne, changshäm cu a bawi ah mäih ah a kyak tu ung yeikyai vai kyak ci. Im kyong ung ang vai pi cu, Beelyebul ah mi khü ung, im kyong ung om ciah chang hmün gui läi cu, akshe pi ah khü gui vai kyak khai.

MATTHE 10:25 Referans Kwoze

LUKA 11:15

Chang gui cu cäicat ci gui, cun ung phi chang amshah naw, shin ah Bawipa cu kho gui ah ng’vaipi Beelyebul ah peit ah k’thagui awn khoshe k’täm ci nei” cik ci gui.

MATTHE 12:24

Cun ami cicu pharisee gui naw ng’ya u netah, “Shin ah chang naw khoshe gui ah bawimang Beeyebul ah ming awn nei khoshe gui cu ak täm hning,” cine kyak ci gui.

MATTHE 9:34

Pharisee gui naw, “Shin ah chang naw, khoshe bawi ah peit ah huham awn, khoshe cu k’täm ci nei,” cine pyein ci gui.

JOHAN 7:20

Cun ah chang gui naw, “Nang ung khoshe om ci nei, a u naw nang ning ngawn khai ah pawng püi sei ang?” cine kyak na tu ba ci gui.

MAKUH 3:22

Jerusalem ah kaa lawk ciah thukhän saya amshah gui naw, “Ani cu Beelyebul naw a kai nei, ani cu khoshe gui ah ng’vai pi ah kyasei a cun ah ming awn khoshe gui cu m’khütnäng ci nei” cine pyein ci gui.

JOHAN 8:48

Ngami naw Bawipa Jesuh-am,” Nang cu Samaritan chang, khoshe ah kai nei “Kami cicu kä hman ne ma?” ci nak ci gui.

JOHAN 10:20

Chang amshah naw, “Ani cu khoshe ah kai, ak gu nei, a i vai ang thu nami ngaih ang” cik ci gui.

JOHAN 8:52

Ngami naw, “Nang cu khoshe naw a ning kai ah kami hmat ci nei, Abraham si pyi ci, profet gui phi si pyi ci gui, cun ung phi kei ah thu ngai cicu kä si hlawt khai” na cik ci.

2 GHANGPUGHANG GUI 1:2

Israel ghangpughang Ahaziah cu Samaria ah mangim ah akhuih khan kyak ung ng’kya ne aknui ah leim ci. Cun ah kyasei ani naw ng’shächang gui cu Ekron mang gaw ah tüi gui ne, a gai vai la kä a gai vai ah mawng, Philistin gui ah khanpughi Baalzebub cu ng’shi sak gui ci.

MATTHE 12:27

Nangmi naw kei cu Beelyebul ah na peit ah k’thagui awn khoshe ka k’täm ciah nami pyein ci, cun ah a kyak ung nangmi ah chang gui naw mä a u ah peit ah k’thamah nak awn, khoshe cu ami k’täm hning ang? Nangmi nami katnak mawng cu nami chang gui ah bilawh naw ng’dang sak ci nei.

LUKA 11:18

Khoshe gui ah kho ung ami ngaih ang pai ung kä kawng ät thei khai gui. Nangmi naw Beelyebul ah na peit ah k’thagui awn khoshe ka K’täm ciah nami pyein ci.

LUKA 11:19

Kei naw Beelyebul ah angming awn khoshe ka k’täm ciah a kiak ung nangmi ah chang gui mä a u ah ming awn nei khoshe cu ami k’täm? Nami mät ah chang gui naw nami hma ah mawng m’dang ci gui nei.

MAKUH 10:39

Ngani naw, “Kani m’khüt khai nei” cine pyein ci goi. Bawipa Jesuh naw, “Nangni cu akcang ah kei ah awk vai ah khap cu nani aw tuk khai, Kei ah tui hnim ah mäih tui nani ng’hnim tuk khai,