MATTHE 10:2 - Cho Bible Common Language 2016

² Ang düihpüi gha-lei-goi ah ami ming gui cu; (Peter ami ciah) Simon la anau Andru; Zebedee ah hta goi James la Johan;

MATTHE 10:2 Referans Kwoze

LAMKTU 1:13

Ngah mi cu pigaw ah gawk u ne tah, ami im kai ah im kyawng ah lut ci gui: cun gui cu, Peter, Johan, James, Andru, Philip, Thomas, Bartholome, Matthe, Alfeas ah hta James, Simon ak ling lah James ah hta Judas gui ah kyak ci.

MATTHE 4:21

Cun ungka hteit ba netah, Zebedee ah hta goi James la Johan ng’phäi nau goi cu hmu ba goi ci. Ngahni cu ani pa Zebedee awn a täng ah hleiko ung ng’vai kiang ne om ci goi. Bawipa Jesuh naw ngahni cu a hnu ah ani läk vai ah khü goi khätah,

JOHAN 12:22

Philip naw Andaru ah hteit ne acun ah a mawng cu m’thein tu khätah, ngani cu Bawipa Jesuh ah teit ni ne acun ah a mawng cu pyein ci goi.

JOHAN 6:8

Ang düihpüi tumat Siomn Peter ah anau Andrew naw,

LUKA 5:10

Simon ah apaw goi Zebedee ah hta goi James la Johan phi cäi tuk ci goi. Bawipa Jesuh naw, Simon-am, “Kä kyikyawk vä, tuhbäi ung tün ne nangmi cu chang phak ciah nga k’pha ah nami kyak khai nei” ci ne pyen na gui ci.

MATTHE 4:18

Bawipa Jesuh cu Kalile tuili nu pei ah a hteh sang ung ngakpha ng’phäi nau goi cu hmu goi ci. Cun goi cu Simon (Peter ah phi ami khü) la anau Andru ah kyak ci. Ngani cu tuili ung ng’vai vawi ne om ci goi.

LUKA 11:49

Ashin ah mawng Khanpughi naw ng’thu thuuk ung a pyein cu, “Kei naw ngami ah ng’lung ah profet gui la ng’shä gui cu ka tüi gui khai, ngami naw amshah cu ngawn u ne, amshah cu k’shedam nak khai gui.

THU PHLAAN 1:9

Kei cu a khawpäng ciah chang gui naw ami bui awt ah geinvai nak awt ciah nami paw, Bawipa Jesuh ah chang, nami phäi Johan ah ka kiak ci. Kei cu Bawi Khrit ah düng nak la Khanpughi ah ng’thu ka shäu ah hmawk ah, patmos ng’lei ung ami na üüp ah kyak ci.

2 JOHAN 1:1

A ng’vaihta kei naw, akcang ah kam hni ah hnumi nu la a hta gui am ca ka guk lawk ci nei. Kei bäng ah kä kyak ciah thu thuuk ung m’hni nak hmat ci phung naw, nang cu ning m’hni ci nei.

2 PETER 1:1

Simon Peter, Bawi Jesuh Khrit ah ak changshäm la ang düihpüi naw, Mi Khanpughi la Hunbawipa Jesuh Khrit ah peit ah, mikmi ah mäih ah küikyang ciah yum nak om ciah chang gui-am ca ka guk law ci nei.

1 PETER 1:1

Peter, Bawi Jesuh Khrit ah ang düihpüi naw, Pontus, Kalatia, Kappadocia, Asia, la Bithinia kho gui ung, püi u ne, om k’tu ah kya ne om tuk ci gui ah, Khanpughi ah ghü ah chang gui-am ca ka guk lawk ci nei.

HEBRU 3:1

Khanpughi naw a khü gui ah khritha phäunau gui aw, ngai shüm vä! Bawipa Jesuh Mi yum nak ung Taigü Tung ah kyak khai ah Khanpughi naw a tüih law ah kyak ci nei.

EPHESIAN 4:11

Hnicim chang am m’cümhnah nak m’shumphyuk gui ci cun phi, acun ah Bawipa ah kyak ci. Ani naw amshah cu ang düihpüi gui ah, amshah cu profet gui ah, amshah cu thu shä ci gui ah, amshah cu pastor gui ah, amshah cu saya gui ah, m’düih gui ci.

1 KORIN 15:7

Cun kawn ah James ah maa ah dang ba ne, ang düihpüi ami van ah maa ah phi ng’dang ba ci.

LAMKTU 12:2

Ani naw Johan ah nau James cu khim awn ngawn sak gui ci.

LAMKTU 3:1

Khaw hnüüp ät ung Peter lah Johan cu kho k’awinu, k’taigü nak khin ung pum im ah hteit ci gawi.

LAMKTU 1:26

Cun kawn ah ngah mi ah hmawk ah htung tän neh ng’yuk u ne tah, Matthias cu ghü u neh ang’düihpüi gha-lei-ät awn a täng ah bi tuk khai ah m’düih ci gui.

JOHAN 21:24

Shin ah a mawng gui pyein ne gu ne m’dang cicu ani ah kyak ci. Ani ah pyein gui küm ciah mikmi naw mi hmat ci.

JOHAN 21:20

Peter cu mang shüi shüi netah, akhnu ah Bawipa Jesuh naw, am hni ah ang düihpüi tumat cu hmuk ci. Ani cu mü-ei ami ei yah ung, “Bawipa, ga ah kut ung nang ning ap khai cu, a u ang?” cine ng’shik ciah chang ah kyak ci.

JOHAN 21:2

Ang dang ba ah mawng cu: Simon Peter, Thomas (ang phi ah ming ci), Nathanaelah (Kalile kho Kana ah kaa), Zebedee ah hta goi la a hei ang düihpüi hnih goi ni gui cu a täng ah om ci gui.

JOHAN 20:2

Ani cu Simon Peter la Bawipa Jesuh naw am hni pi ah ang düihpüi ah om nak ah dawng ba netah, “Chang gui naw Bawipa cu, phuh hmun ungka lak ci gui nei, a hawi ami tha kä hmat nei” cine m’thein gui ci.

JOHAN 13:23

Cun yah ung Bawipa Jesuh ah am hni pi ah ang düihpüi chang tumat cu akpat lam ah ngok ci.

LUKA 22:14

Akhin gawk law sei Bawipa Jesuh cu ang düihpüi gui awn a täng ah mü-ei ei vai ah ngok ci gui.

LUKA 22:8

Bawipa Jesuh naw, Peter la Johan-am, “Nangmi hteit ne mi ei vai paskha mü ei ana pyang niä” cine tüi goi ci.

LUKA 9:10

Ang düihpüi gui cu law ba u ne ami bilawh gui avan cu Bawipa Jesuh-am m’thein law ba ci gui. Bawipa Jesuh naw ngami cu Bethsaida gawnu ah khü ne hteh püi gui ci.

MAKUH 13:3

Bawipa Jesuh cu Olive khomhtung ah pum im lam ah va mang ne amät a ngoh yah ung,

MAKUH 1:29

Cun kawn ah Bawipa Jesuh la ang düihpüi gui cu pum im ungka lut law ba ne Simon la Andru ah im ah hteit ci gui. James la Johan phi hteit tuk ci goi.

MATTHE 26:37

Peter la Zebedee ah hta goi cu khah püi gui ci. Bawipa Jesuh cu ang htei ah am lung kä ding gei sei yaica aih netah;

MATTHE 20:20

Cun kawn ah Zebedee ah chu cu a hta hnih ng’khah püi ne law ne, Bawipa Jesuh ah ma ah khuukdong netah ng’huipaa khai ah kawp ci.

MATTHE 17:1

Ak hnüüp chuk nak ung Bawipa Jesuh naw, Peter ni, James la anau Johan ni cu khah püi gui ne khomhtung ah kai püi gui ci.

THU PHLAAN 22:8

Shin ah a mawng ama gui hmu ng’yak cicu kei Johan ah ka kyak ci nei. Kei naw shin ah a mawng gui ka hmuh ng’yak kawn ah kei cu khankho chang ka khawihnah khai ah a khaw pei ah ka kawp ci.

THU PHLAAN 1:1

Shin ah ca-uk cu Bawi Khrit ah m’dang ah muimang thu phlaan gui guk ah kyak ci. Khanpughi naw shin ah Thu Phlaan a peit ah mawng cu, ak changshäm gui-am kä shou pha sei gawk law ge khai ah amwang gui am thein nak gui ah kyak ci. Bawi Khrit naw ak khankho chang cu Johan ah om nak ah tüi law netah, shin ah Thu phlaan cu a hmat sak ah kyak ci.

3 JOHAN 1:1

Ang vaihta kei naw akcang ah kam hni ah Kaius-am ca ka guk lawk ci nei.

THU PHLAAN 18:20

Khankho chang gui cun ah mang gaw adi ah phäh ah yei vä, Khanpughi ah chang gui ang düihpüi gui, purofet gui yeikyai vä! Ani naw nangmi ah khan ah abi phung phung ah hmawk ah Khanpughi naw ani cu m’kat pyi ci nei.

MAKUH 6:30

Ang düihpüi gui cu Bawipa Jesuh ah law ba u ne, ami bilawh gui la ami m’theithang gui cu pyein law ba ci gui.

JOHAN 6:67

Cun ah kyasei Bawipa Jesuh naw, angdüihpüi chang gha-li-goi am, “Nangmi mä, kei ah hnu ah nami na läk nak ungka nami ng’hlat ba hlük ci ang?” cine ng’shi gui ci.

JOHAN 6:70

Bawipa Jesuh naw, “Kei naw chang gha-lei-goi ka ning ghü gui ciah kä kya ne ang? Cun ung phi nangmi ungka chang tumat cu, khoshe ah kyak ci nei” cine pyen na gui ci.

JOHAN 6:71

Simon Iskariot ah hta Judas cu, angdüihpüi gha-lei-goi ung kaa ah kya tu pang ne phi, Bawipa Jesuh cu gaa ah kut ung ap khai ah chang ah kya khätah, cun ah a pyein ah kyak ci.