MATTHE 10:19 - Cho Bible Common Language 2016

¹⁹ Cun gui ah kut ung ami ning ap gui ung, a i pyein ne ng’thu vai, a i ah ng’thu vai cu kä nami ng’ä vai;

MATTHE 10:19 Referans Kwoze

PHYAWN NAK 4:12

Tuhbäi hteit ä! Kei naw na ng’thu thei vai ah ka ning m’htei khai nei, a i cha ah na ng’thu vai ka ning m’thein khai nei.

2 TIMOTHI 4:17

Cun ung phi Bawipa cu kei ung om ne k’thagui na pe sei, chang pakhui hei gui am Thu Ni cu ng’shäu ne kam thein gui hning ci, sih vai ah ami na k’bäi nak ungka phi ka phyawng ci nei.

LUKA 12:11

“Chang gui naw nangmi cu, yung ah m’kawt mang ah khlaak ung phi bäi, bawi ah maa mang ah maa ah phi bäi, khaw ne ami ning düih sak gui ung, a i chaa ah ka ng’thu khai, cine kä nami ng’ä vai,

PHYAWN NAK 4:15

Ani cu ng’thu püi ne a i cha ah ng’thu vai cu na m’thein tu vai. Nani nik hnih nani ng’thu thei vai ah ka ning m’htei goi khai, a i na ni bi vai cu ka ning m’thein goi khai.

JAMES 1:5

Nangmi ung chang tumat mat cu cüivai nak ang laklo ah a kyak ung Khanpughi ah taigü sä, Khanpughi naw cüivai nak pek khai nei: a i ah kyasei ci ung, Khanpughi naw ng’khai ne pek ci, chang van-am ng’khai ne pek ci.

MATTHE 6:31

‘Cun ah kyasei a i ung kaa, ei auk vai, suibei vai, cine kä nami ng’ä ai vai.

MATTHE 6:25

‘Kei naw akcang ka pyein cu, a i ei auk vai cine, nami hnun gui ah hmawk ah kä nami ng’ä vai, a i suibei vai cine, nami pumsa ah hmawk ah kä nami ng’ä vai. Hnun ghin nak cu ei ah mä bä pi ne, pumsa cu suibei ah mä bä pi ciah kä kya ne ang?

PHILIPPIAN 4:6

A i a mawng ama ung phi kä nami ng’ä ai vai, angtäi sei m’hlüngtai nak ah m’lung awn k’taigü u ne, nami ng’yak hlü gui cu Khanpughi ah nami ng’yoih vai.

LAMKTU 6:10

Cun ung phi Stephen cu Mumcha Theing ah peit ah hmuh hmat nak awn ng’thu ci kiah neh käm hlan tu ba hlawt ci gui.

JEREMIAH 1:9

Cun kawn ah Bawipa naw a kut shäng ne, ka m’nei cu pyen vai ah ng’thu gui cu kei naw ka ning pek ci nei.

JEREMIAH 1:7

Cun ung phi Bawipa naw kei cu na pyen nak ci, “Nang na hmaw aih ciah kä pyen ä, kei naw ka ning tüih nak ah chang gui ah hteit ne, nang naw na pyen vai ah kei naw ka ning thum khän cu m’thein gui ä.

MATTHE 6:34

Cun ah kyasei ngawi ung ah hmawk ah kä nami ng’ä vai, ngawi ung ah hmawk ah amät ah ng’büh nak vai ng’ä ai nak om tu hnga ci. Tuhngawi bui aut ng’ä ai nak gui cu, tuhngawi ah hmawk ah bä pyii ci nei.

MATTHE 10:18

Mang ah im ung ning tuthat gui khai gui. Nangmi cu kei ah hmawk ah uk-chuk ci gui la ghangpughang gui ah ma ah ning hteh püi gui khai gui. Cun ah kyasei ngami gui la a pakhui hei gui-am ng’thu k’ni cu nami m’thein gui khai.

LUKA 12:12

Nangmi a i chaa ah nami ng’thu vai cu, acun yah ung Mumcha Theing naw ning m’thein law gui khai” cine pyen na gui ci.