MATTHE 10:17 - Cho Bible Common Language 2016

¹⁷ Geing nah ne nami om vai, chang gui naw ning pha gui ne yung ah m’kawt ung ning hteh püi gui khai gui.

MATTHE 10:17 Referans Kwoze

MAKUH 13:9

Nangmi cu ngaih na ne nami om vai. Chang gui naw nangmi cu yung ah m’kawt ung ning ap gui khai gui. Pum im ah k’caw ah ning that gui khai gui. Nangmi cu kei ah hmawk ah bawimang gui la ghangpughang gui ah ma ah gawk u ne, Thu Ni pyein ne nami ng’shä khai.

MATTHE 23:34

Kei naw akcang ka pyein cu, nangmi ah om nak ah profet gui, saya gui la hmuhmat ciah chang gui ka tüi lawk khai. Nangmi naw cun ah chang gui cu amshah nami ngawn khai, amshah kutlam tung ung nami tai khai, amshah pum im ah k’caw ah nami tuthat khai, am shah gui cu apigaw päng ung hteit ne nami pha gui khai.

LAMKTU 26:11

Pum im gui ung phi kei naw akda vei ngami cu m’sheitkat gui ne, ami yum nak ami nawng vai ah ka k’tha na man ci. Kei cu ngami ah khan ah m’lung k’she aih netah, a kho hei gawnu gui yungpum ah hteit ne ngami cu ka k’dudeiu na gui ci.

JOHAN 16:2

Nangmi cu pum im ungka ning k’täm gui khai gui. Chang gui naw nangmi ning ngawn gui netah, Khanpughi ah bi kami bik ci, ci ne ami ngaih nak ah khin gawk lawk khai.

LUKA 12:11

“Chang gui naw nangmi cu, yung ah m’kawt mang ah khlaak ung phi bäi, bawi ah maa mang ah maa ah phi bäi, khaw ne ami ning düih sak gui ung, a i chaa ah ka ng’thu khai, cine kä nami ng’ä vai,

MATTHE 5:22

Cun ung phi kei naw tuhbäi ka pyein cu, a mät ah phäi nau m’lungshe nak ciah chang cu, thawng kyum khai nei. Tumat la tumat ng’vawng shang ne ng’plah tang tuk ciah chang cu, yung ah m’kawt ung m’kat nak gah khai nei. A mät ah phäi nau chang k’she ah m’keih ciah chang cu, m’htei-mei ung lut khai nei.

LAMKTU 22:19

Kei naw, “Bawipa Pum im päng ung hteit ne, nang ning yum ciah chang gui pha gui ne, tuthat gui ciah chang, kei ah ka kyak cu ngahmi naw hmat pyi ci gui nei.

MIKHAH 7:5

Na teihpüi na paw chang phi kä na yum vai. Na chu phi geing na ne na ng’thu püi vai.

HEBRU 11:36

Amshah gui cu k’shedam nak la tukthah nak gah ci gui, amshah gui cu m’si gui awn khit ne thawng ung ami chum gui ah kyak ci.

2 TIMOTHI 4:15

Nang naw phi ani cu na ngaih nak vai nei, ani cu mikmi ah thu pyein, hlinghling ah hnu ng’tuk püi ne, thu pyein ciah chang ah kiak ci nei.

PHILIPPIAN 3:2

Chang shekha gui, ui ah mäih gui, pumsa-ah vai cik ci gui cu nami geing nak gui vai nei.

JOHAN 11:47

Cun ah kyasei, taigü ng’vai gui la pharise gui naw ng’cuh u ne kawngsi ah hteit u netah,” Shin ah chang naw cäi aih vai gui akda bi pyi ci, mikmi naw a i kä bi ne mi om khai ma?

MAKUH 13:12

Chang gui cu ami mät ng’phäi nau goi sih nak vai ah ng’ap tuk khai gui. Apa naw a hta cu a sih vai ah ap khai, ami hta gui naw phi ami nupa cu ng’küknet püi u ne, ami sih vai ah ap khai gui.

MATTHE 26:59

Taigüpa gui la kawngsi ng’vai gui naw Bawipa Jesuh ngawn nak hning vai ah käng düng ciah saksi cu shui ci gui.

LAMKTU 17:14

A cun vai am yum ciah chang gui naw Paul cu tuinu kam lam ah hteh sak ci gui. Silas la Timothi läi cu Berea ah om shüt ci goi.

MATTHE 20:19

Ngami naw ani cu ngawn vai ah k’bäi u netah changpakhui hei gui-am ap khai gui. Chang pakhui hei gui naw ani cu päipih u ne, htung awn that u netah, kutlam tung ung tai ne ngawn khai gui nei. Cun ung phi chang ah Htapa cu ak hnüüp thum hnüüp ung sih nak ungka tho ba khai nei,” cine pyein ci.

MATTHE 10:18

Mang ah im ung ning tuthat gui khai gui. Nangmi cu kei ah hmawk ah uk-chuk ci gui la ghangpughang gui ah ma ah ning hteh püi gui khai gui. Cun ah kyasei ngami gui la a pakhui hei gui-am ng’thu k’ni cu nami m’thein gui khai.

LAMKTU 9:2

Bawipa ah hnu läk ciah hnumi, pami avan a hmuh ung phah neh Jerusalem ah alaw püi nak hning vai ah ap nak ah ca cu, Damaskas ah pum im gui ah ami guk vai ah vah pyein ci.