MATTHE 10:16 - Cho Bible Common Language 2016

¹⁶ ‘Ngai vä! Hngei khli ah ng’lung ah htome hta chah ah mäih ah, kei naw ka ning tüi gui ci nei. Cun ah kyasei, k’phyu ah mäih ah theileh u ne, am äm kä om ciah müm kha ah mäh ah nami m’lung gei sä.

MATTHE 10:16 Referans Kwoze

LUKA 10:3

Hteit vä! Hngei khli ah ng’lung ah htome chah mäih ah ka ning tüi gui ci nei.

PHILIPPIAN 2:15

Cun ung nangmi cu cheishoh ne katnak bik ci gui ah om nak ah khaw ung Khanpughi ah kümbe ciah hta gui ah kya ne, katnak kä om ne theingthap ciah chang gui ah nami kyak khai.

1 KORIN 14:20

Phäinau gui aw, ak hmawhta gui ah mäih ah kä nami kyak vai nei; ak hmawhta gui ah mäih ah shetkat nak phiawn tah u ne, ang vai pyi ah mäih ah nami ngaih-tüh vai.

KOLOSE 4:5

Kä yum ci gui ah chang gui ah ng’lung ah nami hnünthawh ung nami cüivai lunglang vai nei. Akhin nami gah phung cu aknipi ah nami mang thei vai nei.

LUKA 21:15

A i ah kyasei ci ung nami gaa naw kä a ning m’khüt gui vai ah hmuhmat nak la ng’thu m’gawng thei nak cu ka ning pe gui khai.

LAMKTU 20:29

Kei ka hteh ba kawn ah k’hnei sou gui cu nami ng’lung ah law u ne m’ghä m’ce ne ning tuten gui khai gui cicu ka hmat pyi ci.

2 KORIN 11:3

Eve cu k’phyu naw theileh ne am hleeihlak ah mäih ah — nami m’lung cu ng’gogan sei, Bawi Khrih yum ne nami ap nak ang chei vai ah kan ng’ä ci.

1 THESSALONIAN 5:22

akshe phung cu nami nawng vai nei.

2 KORIN 11:14

Cun ah ami bi cu cäcat vai kä kyak ci, Satan hngaw akdei ah khankho chang ah ng’hlawk thei ci.

ATÜNNAK 3:1

Khanpughi ah tüisho avan ungka k’phyu cu ng’khailang pikbäih ciah kyak ci. K’phyu naw hnumi am, “Shin ah dum ung om ciah ak ghing nü ah am theih cu kä na ni ei vai ah Khanpughi naw akcang ah pyen ne ma, cine ng’shik ci.

1 THESSALONIAN 2:10

Nangmi cu keimi ah saksi ah nami kyak ci, Khanpughi phi saksi ah kiak ci; a i ah kyasei ci ung keimi cu yum nak om ciah nangmi awn mi ng’hmuhteng nak ung shetkat nak kä om ne ci cim nak la düng nak om ci.

KOLOSE 1:9

Shin ah mawng ung nangmi ah mawng kami ng’yak phung ung, nangmi ah hmawk ah kami taigü ci nei. Khanpughi naw ang yak hlü ah mäih ah Mumcha naw a peit ah kyak ciah, hmuhmat nak, cüivai nak la lunglang nak gui awn a ning be sak gui vai ah, kami k’thäh ci nei.

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

2 KORIN 8:20

Cun ah ng’khailang ne ami peit gui cu kami bilawh nak ung, keimi cu chang naw kä a nam kat ten gui vai ah kami geing nak ci nei.

ATÜNNAK 3:13

Bawipa Khanpughi naw, hnumi am, “A i vai ang cun ah na bi” cine ng’shi khäta; Hnumi naw, “K’phyu naw na ei sak sei ka ei ci nei” cine pyen ci.

JEREMIAH 40:16

Cun ung hi kedaliah naw, “Kä na bi vai! Ishmaela ah mawng nang naw na pyen cu kä ci nei!”

HOSEA 7:11

Israel chang gui cu a i ah kä mawng ciah mümkha ah mäih ah kyak ci gui. Akhtük bäih ah a chang gui naw m’htei gui khai ah Egypt cu khü ci gui. Cun kawn ah Assiria ah dawng ci gui.

MATTHE 24:25

Ngai vä bäi, shin ah a mawng gui kä a gawk law pha ung kei naw ng’daut ne ka ning m’thein gui ah kyak ci nei.

MATTHE 24:45

“Düng ciah changshäm cu a u ang? Cun ah chang cu a hei chang shäm gui uk khai la a khin päng ung ei awk vai tei gui khai ah a bawi naw am düih ah kyak ci.

MATTHE 25:2

Cun gui ungka sing hma cu lunglang ci gui, sing hma cu kä lunglang ci gui.

MATTHE 25:4

Lunglang ci gui cu ami mei im ung be khai ah yinan kei ne, law püi ci gui.

MATTHE 25:9

‘Nangmi ah phäh la keimi ah phäh ah yinan kä ng’büh khai, cun ah kyasei ami yoih nak ah vak hleih ba cang vä,’ cik ci gui.

NEHEMIAH 4:13

Cun ah kyasei kei naw chang gui cu khim ni, k’htei ni, li m’la gui law sak gui ne, kä pyi nak pha ah paang gui ah hnu ah ami pahta ciah ka ng’mah sak gui ci nei.