MATTHE 1:22 - Cho Bible Common Language 2016

²² Shin ah amawngma gui cu profet gui-am Khanpughi naw am cäi nak gui ah ng’thu a khüm nak ah kyak ci.

MATTHE 1:22 Referans Kwoze

LUKA 24:44

Cun kawn ah Bawipa Jesuh naw, “Moses ah thukhän, profet gui ah cacim la Salan cacim ung, kei ah mawng ami guk gui phung cu, akcang ah küm khai nei, cine nangmi awn a täng ah ka om yah ung ka ning m’thein gui pyi ci. Ka pyein ah mäih ah tuhbäi küm law pyi ci nei” cine m’thein gui ci.

MATTHE 2:23

Nazaret gawnu ah om tuk ci. Cun cu profet gui ah ng’thu pyein ung, “Ani cu Nazaret chang ah kyak khai nei” ciah om ci cu aküm nak ah kyak ci.

1 GHANGPUGHANG GUI 8:15

Ani naw, “Israel Khanpughi Bawipa cu m’tamkhah vä! Ani naw kapa David am shaitak a bi cu k’pang ci nei, ani naw a pyen cu,

LAMKTU 3:18

Khanpughi naw Messiah asih vai ah mawng cu prophet gui ung ng’cä neh pyein pyi ci nei; shin cu ang cä ah küm nak ah kyak ci.

1 GHANGPUGHANG GUI 8:24

Nang naw kapa David ung na shaitak cu nak pang ci; tuhngawi thulung päng cu küm ci nei.

JOHAN 18:9

(Cun a ci cu, ‘Kapa, nang naw na na ap ah chang tumat phi kä dimaih khai’ a ci cu, a khüm vai ah hmawk ah kyak ci.)

MATTHE 13:35

Cun ah a pyein sak ah mawng cu, profet gui ah ng’thu a khüm nak vai ah hmawk ah kyak ci. Cun ah thu cu; “Kei naw nangmi ah ma ah ng’thu ka pyein ung m’tumtäng bäng bäng ne ka pyein khai: Khanpughi naw khomdek atüi ung tün ne, a u ah kä hmat man cu kei naw m’dang ne ka pyein khai,” ciah kyak ci.

EZRA 1:1

Sairus cu Persia Uktubawi ah a kyak nak akum htük nak ung prophet Jeremiah ung Bawipa naw a pyen ah ng’thu cu bäi lawk ci. Ani naw Sairus cu a shin ah thumkhän ang ng’shäu vai ah thawh let sak ci. Ca awn gu neta ani ah uknak khaw nü ung m’lau ne phat vai ah tüi gui ci.

JOHAN 17:12

Kei cu ngami awn kami om yah ung, nang naw na na peit ah ming, hlüngtai ciah ming awn kam htei gui ci. Kei naw ngami cu ka shungvong gui ci. Cacim ung om ciah mäih ah maih khai ah k’bäi ah chang tumat ah kawn ah tumat phi a u kä maih ci nei.

JOHAN 15:25

Cun cu ami thukhän ung “Ngami naw kei cu alä ah na gen ci gui” ciah om cicu a khüm nak vai ah kyak ci.

JOHAN 10:35

Khanpughi naw ang thu a peit gui cu, “Khanpughi ah mäih ah kia ci gui” cik ci.

MATTHE 13:21

Cun ung phi ng’thu ni cu ngami ah m’lung kyong ung kä khäng htek ci, ashäng hta bäng gawk ne om ci. Ami dou ah ng’thu ni ah hmawk ah yaica nak la shedam nak ami aut law ung, acun vai-am ng’hlat ba ci gui.

MATTHE 12:17

Cun ah m’cäi ne am yih sak gui cu Khanpughi naw profet Isaiah-am a pyein sak ah ng’thu abäi nak ah kyak ci. Cun ah ng’thu cu:

MATTHE 2:15

Cun ah mawng gui cu, “Ka Htapa cu Ejip kho ah kaa, ka law püi ba ci,” ciah profet gui ung gawk lawk ciah Khanpughi ah ng’thu aküm nak ah kyak ci.

MATTHE 8:17

Cun ah abi gui cu profet Isaiah ah ng’thu ung, “Kami gaw nak gui näng ne, kami nat nak gui hteh püi yawp ci nei” cicu a khüm nak ah kyak ci.

MATTHE 5:17

Moses ah Thukhän la profet gui ah cacim cu ka plawh sheh khai ah ka lawk ciah kä nami ngaih-en vai. Ka plawh sheh khai ah ka lawk ciah kä kyak ci, acun gui ka kümbe sak khai ah ka lawk ci nei.

LUKA 21:22

Cun cu “Hmakat m’kyuk nak ah hnüüp” ah kyak ci, ciah cacim ung kaa ang dang law nak ah kyak ci.

THU PHLAAN 17:17

Ngami naw Khanpughi ah ng’thu düng a gawk law güt ami huham cu khiküi-am ami ap vai ah, Khanpughi naw ngami ah m’lung cu pyan pe gui ne, amät ah ng’bü nak ah mäih ah bilawh sak gui ci.

ROMAN 1:2

Cau pui ge ung Khanpughi naw, Thu Ni cu a purofet gui ung pek khai ah a shaitaak cu Cacim Theing ung om ci.