MATTHE 1:2 - Cho Bible Common Language 2016

² Abraham ung tün ne David ghangpughang ung khüt ciah ng’shon ang täm law cu: Abraham ah hta Isaak, Isaak ah hta Jakob, Jakob ah hta Judah, Judah la a nau gui;

MATTHE 1:2 Referans Kwoze

LAMKTU 7:8

Cun kawn ah Khanpughi naw, ang thu m’khän am dang nak ah, vun aat nak ah mawng cu Abraham am ap ci. Cun ah kiah sei Abraham naw, a hta Isaak cu ami hta nak ah ak hnüüp cheit ung van aat nak bi pek ci. Jakob naw a hta sing gha-lei-gawi phi, vun aat nak bi pe gui ci. Jakob ah hta gui cu changpakhui gha-lei-gawi ah pa gui ah kya lawk ci gui.

ATÜNNAK 25:26

Tumat cu Esau ah khaw m’du k’pang ne lut law sei, Jakob ah a ming sui ci gui. Ngani ani ng’tüi law yah ung Isaak cu a khaw kum chuk kip lawk ci.

THU PHLAAN 7:5

Cun ah pakhui gha-lei-goi ah kyak ciah Judah, Reuben, Kad, Asher, Naphtali, Manasseh, Simeon, Levi, Issakha, Zebulum, Josef la Benjamin gui ung kaa, pakhui ät ung täm ät la phia m’ku (12000) ciah am hnüt gui ah kya ci.

HEBRU 11:11

Abraham cu ghi law pyii ci, Sarah cun phi hta khai ah kä kya ba pyii ci, cun ung phi amät ah yum nak awn, Abraham cu a hta om sei pa ah kyak ci. Khanpughi cu a shaitaak ah mäih ah bekhüt ciah ani naw yum ci.

ISAIAH 51:2

Nami ng’shou law nak ah nami pupa Abraham la na mi pi Sarah cu nami ngaih-tüh ba vai nei. Kei naw Abraham ka khü yah ung, ani cu a hta kä om ci, Cun ung phi kei naw hriham pe ne, htanau ka pek ci; chang hli ah ka ng’shon sak ci.

ISAIAH 41:8

“Cun ung phi, Nangmi, Israel ka changshäm gui, Nangmi cu ka ning ghü gui ah chang, ka teihpüi, Abraham ah htangshon ah nami kya ci.

1 SHONTÄP NAK 1:34

Abraham ah hta Isaak ung a hta hnih om ci, Esau la Jakob ah kyak ci.

1 SHONTÄP NAK 1:28

Abraham ung a hta hnih om ci, Isaak la Ishmaela ah kyak ci,

HEBRU 7:14

Bawipa Judah pakhui ung ang tüi law cu ak dei ang dang ah kiak ci. Moses naw taigü gui ah mawng a pyein nak ung, Judah pakhui cu kä pyein man ci.

ATÜNNAK 25:19

Shin cu Abraham ah hta Isaak ah mawng ah kyak ci.

MATTHE 1:1

Shin cu Abraham ah hta ng’shon, David ah pakhui, Jesuh Krit ah ng’shon law ang tän ah kyak ci.

MATTHE 1:3

Judah ah hta goi Perez la Zerah (ani nu cu Tamar), Perez ah hta Heron, Heron ah hta Ram;