MATTHE 1:16 - Cho Bible Common Language 2016

¹⁶ Jakob ah hta cu Mari ah cei Josef ah kyak ci. Mari cu Messiah ah ming ciah Jesuh ah anu ah kyak ci.

MATTHE 1:16 Referans Kwoze

MATTHE 27:17

Cun ah kyasei chang gui akda gawk law u khätah Pilat naw, “Nangmi naw a u ang k’phiawn vai nami ng’yak hlü, Jesuh Barabbas ang? Messiah ami ciah Jesuh ang?” cine ng’shi gui ci.

JOHAN 4:25

Cun ah hnumi naw, “Messiah Bawipa a gawk law vai cu, ka hmat ci, ani a gawk law ung a päng avan nam thein gui khai” cine pyein ci.

LUKA 3:23

Abi tün ne abi law sang ung Bawipa Jesuh cu a khokum thumkip lawk ci. Ani cu Josef ah hta ah chang gui naw ngai ci gui.

MATTHE 27:22

Pilat naw, “Cun ah a kyak ung Messiah ami ciah Jesuh cu a i ah ci vai ang,” cine ng’shi gui ci. Chang ami van naw, “Kutlamtung ung tai ne ngawn vai nei,” cik ci gui.

LUKA 4:22

Chang gui naw ani cu m’tamkhah u ne, ang thu pyein cun phi ngaihtüh u netah, “Ani cu Josef ah hta ah kä kya ne ang?” ci ne kyak ci gui.

LUKA 2:48

Josef la Mari cun phi ani hmu law ne cäicat ni netah, Anu naw, “Ka hta, a i ah kyasei shikchaa ah na kyak ang? Napa la kei naw ang htei ah ng’ä ne ka ni ning shui ba ci nei” cik ci.

LUKA 2:7

Mari cu pamihta ah hta lawk ci. Ngani cu ani im kai nak vai im kä awng ci kyasei, ak hmawhta cu yih awn hlawp ne vantang ei-ko ung m’ih ci goi.

LUKA 1:27

Khankho chang naw David ghangpughang ah ng’shon Josef ah k’chu vai ami beit ah Mari-am ng’thu m’thein lawk ci.

MAKUH 6:3

Shin ah chang cu Mari ah hta, im co ciah chang, James, Josef Judas la Simon ni ah ami phäi ah kä kya ne ang? Ani be gui phi mi pigaw chang gui ah maw?” cine ami mät ng’htau ci gui. Cun ah kyasei ngami naw Bawipa Jesuh cu maa nak ci gui.

MATTHE 2:13

Hmuhmat chang gui ami hteh ba kawn ah Khanpughi ah khankho chang cu Josef ah ih mang ung dang law netah, “Herod naw ak hmaw cu ngawn vai ah shui lawk khai nei, tho law ne ak hmaw la anu cu Ejip kho ah dawng püi goi ä, Kei naw ‘Law ba vä,’ kä ka ci pha ah chuih a cu ah na om püi goi vai nei,” cine pyein ci.

MATTHE 1:15

Eliud ah hta Eleazar, Eleazar ah hta Matthan, Matthan ah hta Jakob;

MATTHE 16:16

Simon Peter naw, “Nang cu angtäi ghing ciah Khanpughi ah Htapa, Messiah ah na kyak ci,” cine pyein ci.

MATTHE 16:20

Cun kawn ah Bawipa Jesuh naw amät Messiah ah a kyak ah mawng cu, a u-am kä ami m’thein-en vai ah ang düihpüi gui-am m’yih sak gui ci.