MATTHE 1:12 - Cho Bible Common Language 2016

¹² Babilon kho ah ami hteh püi gui ungka naw, Jesuh Khrit ang tüi law ung khüt ciah ng’shon ang täm law gui cu: Jahoiachin ah hta Shealtiel, Shealtiel ah hta Zerubabel, Zerubabel ah hta Abiud;

MATTHE 1:12 Referans Kwoze

1 SHONTÄP NAK 3:17

Shin cu ghangpughang Jehoiachin ah htangshon gui ah kyak ci, ani cu Babilonian gui naw ami pha ah kyak ci. Jehoiachin ung a hta chih lawk ci: Shealtiela,

EZRA 3:2

Jehozadak ah hta Joshua la ak taigü paw gui, shealatiela ah hta Jerubabel la amätyah gui naw atäng ah Israel Khanpughi ah sonkiang cu co ba ci gui. Cun ah kya ne Khanpughi ah chang Moses ah thukhän ung ami guk ah mäih ah ngami naw sonkiang khan ung m’khih ne khawihnah nak cu bik ci gui.

LUKA 3:27

Joda cu Joanan ah hta, Joaanan cu Rhesa ah hta, Rhesa cu Zerubbabel ah hta, Zerubbabel cu Shealatiela ah hta, Shealatiela cu Nari ah hta;

HAKKAI 1:14

Chang avan naw Taigüim ami bi vai ah Bawipa aw chäng gui ci. Zerubabel, Judah uktu bawi, Joshua taigütung la ami k’täm nak ah kaa law ba ci gui ami van ah kyak ci. Ngami naw ami Khanpughi, Hlüngtai ciah Bawipa ah Taigüim cu tün ne bik ci gui.

HAKKAI 2:23

A cu hnüüp ung Zerubbabel, ka chang shäm, nang cu ning la ne, ka ming awn uktu ah ka ning m’tüih khai, nang cu ka ning ghü pyi ci nei” cine hlüngtai ciah Bawipa naw pyen ci.

HAKKAI 2:2

Zerubabel Judah uktu bawi ni, Joshua taigütung ni, chang gui ni, ah ma ah Hakkai naw ng’thu a pyen vai ah Khanpughi naw m’cäi ci.

HAKKAI 1:12

Zerubabel la Joshua ni, Babilonia ah ka dawng nak ah kaa law ba ciah chang avan naw Bawipa ami Khanpughi naw bi vai ah a pyen cu bik ci gui. Ngami cu kyi u neta Bawipa ah ng’shä tüih prophet Hakkai ah ng’thu cu ngai ci gui.

HAKKAI 1:1

Persia khaw ung Darius ghangpughang ah a kyak nak, a kum goi nak, a cha chuk nak ah hnüüp ät hnüüp ung Bawipa naw prophet Hakkai ung ng’thu pyen ci. Cun ah ng’thu cu Judah uktu bawi Shealtiel ahta Zerubbabel la taigütung Joshua, Jehozadak ah hta ah phäh ah kyak ci.

JEREMIAH 22:28

Kei naw ka pyen ci, “Ghangpughang Jehoiachin cu hlüng payak sei ami ghawh a u naw phi kä a ng’yak hlü ah mäih ah kya ne ang? Cun ah kyasei ani la a hta nau gui cu ami mawng ama a i phi kä ami hmat ah om k’tu khaw ah ami hteh püi gui ah kä kya ne ang?

JEREMIAH 22:24

Bawipa naw ghangpughang Jehoiachin Judah ghangpughang cu pyen nak ci, “Kei cu ghing ciah khanpughi akcang ah ka kyak ah mäih ah nang ka k’pat täng ung ka naak ah m’hnüt ah kut cüp ah na kyak ung phi, kei naw ka nang cu ning suut ne

NEHEMIAH 12:1

Shin gui cu Taigü la Levit gui tän gui ah kyak ci, Shealtiel ah hta Zerubbela la taigütung Joshua awn atäng ah omktu khaw ah ka law ba ci gui ah kyak ci: Seraiah, Jeremiah, Ezra, Amariah, Malluk, Hattush, Shekeniah, Rehum, Meremoth, Iddo, Kinnethoi, Abijah, Mijamin, Maadiah, Bilkah, Shemaiah, Joiarib, Jedaiah, Sallu, Amok, Hilkiah, la Jedaiah. Shin ah chang gui cu Joshua ah akhin yah ung ami taigü paw gui avan ah khan ah ng’vaihta ci gui ah kyak ci. Shin gui cu m’hlungtai ne ng’äi m’cu yeikyai nak ung tängpang ci gui ah kyak ci: Jeshua, Binnui, Kadmiela, Sherebiah, Judah, la Mattaniah.

EZRA 5:2

Shealtiela ah hta Jerubabel la Jehoyadak ah hta Joshua naw ami ng’thu pyen cu ng’ya ni neta Ngani naw Jerusalem ung Taigüim cu Tün ne co ni sei prophet goi naw cawh püi gui ci goi.

2 GHANGPUGHANG GUI 25:27

Evilmerodak cu Babilonia ghangpughang ah a kyak law kum, ani naw Judah ghangpughang Jehoiachin cu thawng ungka luat sak ne amgein nak cu m’dang ci. Cun cu Jehoiachin thawng ung a kyum nak khokum a thumkip lei chih nak, a cha gha lei goi nak ah a hnüüp m’ku lei chih nak ung cun ah kya lawk ci.

2 GHANGPUGHANG GUI 24:14

Nebukhadnezzar naw Jerusalem chang gui, mang hta gui avan tängpang chang gui avan, avan ah ng’dawn ah phia phia gha cu pha ne hteh püi gui ci. Ani naw bii bi hning ciah chang gui avan m’shishep gui, mah mah ah hteh püi gui ne pyam aih ciah chang gui bäng Judah ung nawng shüt gui ci.

JEREMIAH 22:30

“Shin ah chang cu a hta nau kä om khai ah m’kyuk pyi nei, ani cu näng nak kä gah phung ciah kyak khai nei. David ah ng’shon m’täm ne Judah uk ba khai ah htangshon ani ung kä om khai nei. Kei, Bawipa naw ka pyen nei.”

MATTHE 1:11

Josiah naw Babilon ah pha ne ami hteh püi gui yah ung a hta nak gui cu Jehoiachin la anua gui ah kyak ci.

MATTHE 1:13

Abiud ah hta Eliakim, Eliakim ah hta Azor;

MATTHE 1:17

Cun ah kyasei Abraham ungka naw David ung khüt ciah ng’shon gha-lei-phli, David ungka naw Israel chang gui pha ne Babilon ah ami hteh püi gui ung khüt ciah ng’shon gha-lei-phli, Babilon ah pha ne ami hteh püi nak gui ungka naw Messiah ang tüi law ung khüt ciah ng’shon gha-lei-phli ah kyak ci.