MATTHE 1:11 - Cho Bible Common Language 2016

¹¹ Josiah naw Babilon ah pha ne ami hteh püi gui yah ung a hta nak gui cu Jehoiachin la anua gui ah kyak ci.

MATTHE 1:11 Referans Kwoze

DANIEL 1:2

Bawipa naw ghangpughang Jehoiakim cu ani am pha sak ne, Taigüim ung m’kümcu ani am khäm sak ci. Ani naw thawng kyum amshah gui cu, Babilon ah amät ah khanpughi gui ah pum im ah hteh pui ne ami khäm ah m’küm gui cu pum im ah khawh gim nak ung tha gui ci.

JEREMIAH 39:9

Ak hnu ah gabawi Nebuzaradan naw mang gaw ung ami nawng shüh gui la ani ah dawng lawk ci gui awn atäng ah pha gui ne Babilonia ah hteh püi gui ci.

2 SHONTÄP NAK 36:20

Ani naw k’pawih ba ci gui ami van cu Babilonia ah hteh püi gui ci, ngami cu Persian uknak khaw a thawh law ung khüt sei ani ah htangshon ah changshäm ah kyak ci gui.

2 SHONTÄP NAK 36:10

Kho hting law khäta Ghangpughang Nebukhadnezzar naw Jehoiachin cu pha ne Babilonia ah hteh püi ci, Taigüim ungka khawhcham gui phi hteh püi ci. Nebukhadnezzar naw Jehoiachin ah pukhaw Zedekiah cu Judah la Jerusalem ung ghangpughang ah tha ba ci.

2 GHANGPUGHANG GUI 25:11

Mang gaw ungka dawng lawk ci gui, k’pawih ba ciah bii bi hning ciah chang gui, la Babilonian gui täng ah dawng lawk ci gui cu Nebuzaradan naw Babilonia ah hteh püi gui ci.

2 GHANGPUGHANG GUI 23:31

Joahaz cu Judah ghangpughang ah a kyak law yah ung a khokum kum m’ku lei thum lawk ci, ani naw Jerusalem ung om ne cha thum ung uk ci. Ani ah anu cu Libnah mang gaw ungka Jeremiah ah hta Hamutal ah kyak ci.

2 GHANGPUGHANG GUI 24:14

Nebukhadnezzar naw Jerusalem chang gui, mang hta gui avan tängpang chang gui avan, avan ah ng’dawn ah phia phia gha cu pha ne hteh püi gui ci. Ani naw bii bi hning ciah chang gui avan m’shishep gui, mah mah ah hteh püi gui ne pyam aih ciah chang gui bäng Judah ung nawng shüt gui ci.

ISAIAH 13:1

Shin cu Babilon ah amawng thu ah kyak ci, Cun cu Amoz ah hta Isaiah naw khanpughi ung ka a gah ah kyak ci.

MATTHE 1:12

Babilon kho ah ami hteh püi gui ungka naw, Jesuh Khrit ang tüi law ung khüt ciah ng’shon ang täm law gui cu: Jahoiachin ah hta Shealtiel, Shealtiel ah hta Zerubabel, Zerubabel ah hta Abiud;

MATTHE 1:17

Cun ah kyasei Abraham ungka naw David ung khüt ciah ng’shon gha-lei-phli, David ungka naw Israel chang gui pha ne Babilon ah ami hteh püi gui ung khüt ciah ng’shon gha-lei-phli, Babilon ah pha ne ami hteh püi nak gui ungka naw Messiah ang tüi law ung khüt ciah ng’shon gha-lei-phli ah kyak ci.