MATTHE 1:1 - Cho Bible Common Language 2016

¹ Shin cu Abraham ah hta ng’shon, David ah pakhui, Jesuh Krit ah ng’shon law ang tän ah kyak ci.

MATTHE 1:1 Referans Kwoze

ATÜNNAK 22:18

Kei ah ka ng’thu cu na ngaih ah hmawk ah khaw ah kaa ung chang pakhui avan naw, nang ah htangshon awn hriham gah khai gui” cik ci.

KALATIAN 3:16

Tuhbäi Khanpughi ah shaitaak cu Abraham la a hta ng’shon ah hmawk ah kyak ci. Cacim ah pyein cu “Hta shon gui” chang akda a pyein ah kä kyak ci, “Hta shon” chang tumat a pyein ah kyak ci, aming cu Bawi Khrit ah kyak ci.

ROMAN 1:3

Cun cu Khanpughi ah Htapa, mi Bawipa Jesuh Khrit ah mawng ah kya ci; Ani cu ak hnicim chang nak ah David ah ng’shon ung ng’tüi lawk ci;

THU PHLAAN 22:16

“Kei Jesuh naw nangmi Khrithabum gui-am shin ah a mawng gui cu shäu ne ning m’thein gui khai ah ka khankho chang cu ka tüi lawk ci nei. Kei cu David ah hta ng’shon ah ka kyak ci, ng’shü ne khang ciah thaihke aisi ah phi ka kyak ci.”

SAM 132:11

Nang naw David ung bä ciah shaitak na bik ci cun ah shaitak cu nang naw kä na la ba khai: “Kei naw na hta gui ungka tumat cu ghangpughang ah ka hmoh khai, Nang ah kawn ah ani naw uk khai.

JEREMIAH 23:5

Bawipa naw pyen ci, “Ng’düng ciah David ah ghangpughang ah htangshon ghangpughang ah kei naw ka ghü nak vai ah akhin gawk lawk ci nei. Cun ah ghangpughang naw cüivai ne uk ne, khaw avan ung düng nak la taga nak cu bik ci nei.

ISAIAH 11:1

David ah uknak cu chuk pit ah sing ghing ah mäih ah kyak ci; cun ung phi sing hmui lim ne akthai ah a toi law ba ah mäih ah, David ah hta ng’shon ung ka, ghangpughang akthai tho law bakhai.

JOHAN 7:42

Messiah cu David Ghangpughang ah htang’shon, David Ghangpughang ah gawnu Bethlehem ung ng’tüi lawk khai ciah, cacim ung om ciah kä kyasei ang?” cik ci gui.

ATÜNNAK 12:3

Hriham ning pek ci cu, Hriham ka pek khai, Ning plah taam ci cu, Ka plah taam khai, Nang ung chang pakhui avan cu, Hriham ka pek khai” cine pyen ci.

LAMKTU 2:30

Ani cu prophet ah kiah neh amät ah hta ng’shawn ung ka, ghangpughang ah kiah ba khai ciah Khanpughi ah shai tak cu hmat ci.

MATTHE 1:18

Jesuh Khrit ang tüi law ah mawng cu shin ah kyak ci; Mari cu Josef ung ami beit kawn ah, kä ani ni om ng’chungla pha ung, Mumcha Theing awn käü mah lawk ci.

ISAIAH 53:8

Ani cu pha u neta, ngawn ci gui, Cun ung phi ani ah ghin nak cu a u naw a i ah kä ngai ci. Ani cu mikmi chang gui ah katnak ah phäh ah sih nak ami pek ah kyak ci.

ROMAN 9:5

Ngah mi cu mingthang ciah Hebru hta ng’shon ah kyak ci gui. Bawi khrit cun phi hnicim chang pumsa ung ngah mi ah pakhui ah kyak ci. Ang tüi avan uk ciah Ka Khanpughi cu angtäi sei hlüngtai nak om sä! Amen.

ROMAN 4:13

Khanpughi naw Abraham la a hta ng’shon am, khomdek khan a van cu na khäm khai cine shaitaak nak pek ci. Cun ah shai a taak cu, Abraham naw thukhän a läk ah hmawk ah kä kyak ci, Khanpughi a yum nak awn ani cu, Khanpughi naw chang düng ah k’bäi ne a dou ah hmawk ah kyak ci.

MATTHE 15:22

A cu ah om ciah Kanan Hnuminu tumat cu law netah, “David ah Htapa, kei cu nam gein ä, kei ah hta hnumi cu khoshe naw kai sei, geinvai ne ng’yän ci nei,” cine ng’pa ne yoi ci.

MATTHE 9:27

Bawipa Jesuh cu cun ungka hteit ba khätah, amik m’dauh ciah chang pakhnih naw läk law ni netah, “David ah Htapa nam htei goi ä,” cine m’lau ci goi.

JEREMIAH 33:26

Kei naw shin ah ka bi cu ang hteicha ah maih ah kei naw Jakob ah htangshon la ka changshon David ah htang shon ung ka bi ah thukhän cu htei cha khai ah ka bik khai kei naw David ah htangshon ungka tumat cu ka ghü kaai, ani naw Abraham, Issak la Jakob ah htangshon gui cu uk khai, Kei naw ka chang gui cu chimgein gui ne, ka ng’bühmang ba sak gui khai,”

ATÜNNAK 2:4

Shin gui cu Khanpughi naw khankho la khomdek a tüisho nak ah hnüüp ah a mawng gui ah kyak ci. Bawipa Khanpughi naw khankho la khomdek a tüisho thai ung,

MATTHE 3:16

Bawipa Jesuh cu tuinim pyii ne a Luh law ba kawn ah, khankho cu yung hmawng law khätah, Khanpughi ah Mumcha Theing cu müm bawk ah mäih ah yawng law ne, ak khan ah ngo law sei hmuk ci.

ZEKHARIAH 12:8

Cun sangung Bawipa naw Jerusalem ung om ci gui cu, shungvong gui khai. Ngami ungka ak ghawi pikbäih phi David ah mäih ah khüighat khai. David ah htangshon gui naw Bawipa ah khanchang ah mäih ah, Khanpughi a mät ah mäih ah lam shüm gui khai gui.

AMOS 9:11

Bawipa naw, “Kei naw David ah uknak khaw ka cawh kyan ba nak vai ah akhin cu gawk lawk ci nei, cun cu ng’phyek ciah im ah mäih ah kyak ci nei. Akpaang gui cu piang ba ne, ka bum gui khai. Cun cu kei naw co ba ne, acau kaa ah mäih ah ka pyang ba khai nei.

ATÜNNAK 5:1

Shin cu Adam ah ng’shon angtäm ah kyak ci. (Khanpughi naw chang a tüisho sangung amät ah müi ah tüisho ci.

SAM 89:36

Ani cu ngawi yä ng’shong bang khai; ani ah uknak kho cu hni ang shü ah chuih kei naw ka ngäng khai.

SAM 89:3

Nang naw, “Ka ghü ah chang awn ng’thumkhän cu ka bik ci nei; Ka changshäm David ung shai ka tak ci nei,

MATTHE 1:2

Abraham ung tün ne David ghangpughang ung khüt ciah ng’shon ang täm law cu: Abraham ah hta Isaak, Isaak ah hta Jakob, Jakob ah hta Judah, Judah la a nau gui;

LUKA 1:33

Ani cu Jakob ah hta ng’shon ung ngawi yä ghangpughang ah kiak khai, a uknak cu kä düt hlawt khai” cine pyein ci.

1 TIMOTHI 2:5

Khanpughi tumat bäng om ci, Khanpughi la chang ah ng’lak ung geilam pyang ciah, Bawi Khrih Jesuh phi tumat bäng ah kyak ci.

2 TIMOTHI 2:8

David ah ng’shon, sih nak näng ne tho ba ciah Bawi khrit Jesuh cu na shüm kheng vai nei, cun cu kam theithang nak ah Thu Ni ung ka pyein ah kyak ci nei.