MALAKHI 4:6 - Cho Bible Common Language 2016

⁶ Kei naw law ne nami khaw kä ka m’di vai ah, ani naw pa gui la ami hta gui cu kawng ät ba sak gui khai” cik ci.

MALAKHI 4:6 Referans Kwoze

ISAIAH 11:4

Ani naw dukhaih ci gui cu nik khai ah m’khoi m’cha gui ne. Am gein kaa gui cu shungvong gui khai. Ani naw ang thukhäm awn chang gui cu m’kyuk gui khai, changshe gui cu sik khai gui.

DANIEL 9:11

Israel gui ami van naw na thukhän m’shet u ne, nang ah thu pyen ngaih vai ah mak ci gui nei. Keimi naw hmaka u ne kami ning hnungtuk püi ci, cun ah kyasei nang naw na chang shäm Mosesah thukhän ung guk ah mäih ah phyun tam nak cu keimi ah khan ah na law püi ci.

THU PHLAAN 19:15

Khaw nüng chang päng a heem nak vai ah am gawng ung khim k’ghaat lut lawk ci. Ani naw chang gui cu m’si k’htei pawng awn uk gui khai. Ak hlüngtai pi k’bäih Khanpughi ah m’lungshe nak ah kyak ciah sapyit neen nak ah khui ung sapyit cu neen khai nei.

LUKA 1:76

“Nang, kei ah chang hmaw, a hlüngtai säih Khanpughi ah profet ah ning khü vai nei. Nang cu Bawipa ah ma ung law ne, ani ah hmawk ah lam na pyang khai.

ISAIAH 65:15

Kei naw ka ghü ah chang gui naw nang ah ming cu plah taam nak ah mang khai. Kei, Uktu Bawipa naw sih nak ka ning pe gui khai. Cun ung phi kei na ngai ciah chang am ming ak thai ka pek khai.

ISAIAH 61:2

Bawipa naw a chang gui a hun nak vai la Ami ga gui a tuk hnim nak gui vai ah akhin cu gawk law pyi ci nei, cine ng’thu ka shäu vai ah kei cu na tüi ci. Thüi kyap ci gui ami van k’büi gui vai ah kei cu na tüi ci,

THU PHLAAN 22:3

Khanpughi ah m’shetkat nak gah ci phung cu api ah phi cun ah mang gaw ung kä hmuh vai nei. Khanpughi la Htomehta ah mangkiaang cu cun ah mang gaw ung om sei, ak chang gui naw khawihnah khai gui nei.

ZEKHARIAH 14:12

Bawipa naw Jerusalem ng’tuk püi ciah pakhui avan ah khan ah kyih vai ah leigai chah lawk khai. Ghing ne ami om yah ung ami sa cu thuk khai; ami mik la ami m’lei phi thu yawp khai.

ZEKHARIAH 14:2

Bawipa naw pakhui avan cu Jerusalem ung ng’tuk khai gui ah atäng ah law püi gui khai. Mang gaw cu khäm u ne, im gui cu gut tep u ne, hnumi gui cu phye k’pyei khai gui. Chang a cukchü cu pha ne dawng püi khai gui, a cuchü cu mang gaw ah k’pawih shüt khai gui.

ZEKHARIAH 13:8

Khaw avan ung chang gui bum thum ungka bum goi cu si yawp khai gui.

ZEKHARIAH 5:3

Cun kawn ah ani naw kei am, “Ca k’tom ung ng’phyun ca ami guk nei, cun cu khaw avan ung gawk ci. Vangtäng ung m’guk ei phung cu shin ah khaw ungka k’täm vai nei, ciah ng’gu ne, ahei vangtäng ung a hleei pyen ne ng’phyun ciah chang phung cu k’täm vai nei ciah ng’guk ci.

ISAIAH 43:28

Ning uk ci gui naw ka theingcim hmun lelawi sak ci gui. Cun ah kiasei Israel gui m’di nak gui vai ka law püi ci; kei naw ka chang gui ami päipih vai ah ka kyak sak gui ci.”

ISAIAH 24:6

Cun ah kyasei khanpughi naw khomdek khan ung plah taam nak gawk sak ci. A chang gui naw bi ah phu cu pek ci gui. Ken law pi, ken law pi cicu k’pawih lawk ci gui.

MAKUH 11:21

Peter naw shüm law ba netah, ‘Bawipa, Teng ä, nang naw na taam shüt ah baangghing cu ng’yai ne chawng pyi ci nei” cine pyein ci.

MATTHE 22:7

Ghangpughang cu ang htei ah m’lung she netah, gakap gui cu tüi gui ne, cun ah chang gui cu ngawn sak gui ne, ami pigaw phi mei awn m’khih gui ci.

ZEKHARIAH 11:6

(Bawipa naw, “Kei naw khomdek khan ung a u phi kä ka m’gein ba khai. Kei ka mät naw chang avan cu ami mät uk gui ci gui ah huham ah ka ah ka tha gui khai. Uktu chang gui naw khomdek khan cu m’di m’shum khai gui. Ngami ah huham ah ka ungka kei naw kä ka hun gui khai.”)

HEBRU 6:8

Cun ung phi cun ah m’dek cu m’ghaw la ng’hling bäng a thawh sak ah a kyak ung, mang vai ah kä kya ba ci kyasei, Khanpughi naw k’phyun ne mei awn m’khih ne m’di khai.

ISAIAH 40:3

M’lau ciah k’aw tumat naw, “Bawipa ah hmawk ah mi khanpughi ah hmawk ah khonggau lam cu k’sei m’ghan vä!