MALAKHI 4:4 - Cho Bible Common Language 2016

⁴ “Ka changshäm Moses ah m’theithang cu nami shüm ba vai, cun cu Israel chang avan naw a läk vai ah Kei naw Sinai M’htung ah khan ah ka pek ah thukhän la thumkhän gui ah kyak ci.

MALAKHI 4:4 Referans Kwoze

THULÄÄN NAK 4:10

Sinai M’htung ah Bawipa nami Khanpughi ah ma ah nami düih nak ah hnüüp ah mawng, cun yah ung ani naw ana pyen nak cu ‘Chang gui bum gui vä, kei naw ka pyen law vai cu ngami naw ami ng’yak vai ka ng’ya hlük ci nei. Cun ah kyasei ami ghin nak chuih kei ami na läk vai cu ng’thei khai gui, ami hta nau gui phi acun ah ami bi vai ah m’thein gui khai gui.

ROMAN 3:31

Cun ah a kyak ung mikmi naw Khanpughi yum nak awn thukhän cu mi nawng en ah kyak khai ang! Cun ah kä kyak ci, thukhän cu mi khän htek sak nak ah kyak ci nei.

ISAIAH 42:21

Bawipa cu khanpughi nei, ani naw ang ghit ah hun hlük ci nei. Angthukhän gui la a m’theithang gui cu m’hlüng tai ci nei, A chang gui naw ami m’tamkhah vai ah ng’ya hlük ci nei.

ISAIAH 8:20

Nangmi naw nami shan gui rai cu, “Bawipa naw a ning m’theithang gui cu nami ngaih vai nei! K’ce gui cu kä nami ngaih gui vai-ngami ah ning m’thein gui naw käakni ah ning kyak sak gui khai.”

THULÄÄN NAK 4:23

Bawipa nami Khanpughi naw a ning bi püi gui ah thukhän cu kä nami m’hnih vai ah nami geing nak vai. Nami mät ah hmawk ah a i a gup phi kä nami pyan vai ah a ning thumkhän gui cu kä nami m’hnih vai.

THULÄÄN NAK 5:2

Sinai M’htung ung Bawipa mi Khanpughi naw thumkhän tumat bik ci,

THULÄÄN NAK 8:11

“Bawipa nami Khanpughi kä nami m’hnih vai ah ng’htei ne nami om vai. Tuhngawi kei naw ka ning pek gui ah ang thumkhän gui cu kä läk ne kä nami om en vai.

THULÄÄN NAK 8:19

Bawipa nami Khanpughi cu kä nami m’hnih vai, ahei khanpughi gui täng ah ng’hlat ne kä nami khawihnah tu vai, acun ah bii phi kä nami bi tu vai. Cun ah nami bi ah a kyak ung kei naw tuhngawi ka ning m’cäi gui cu, nangmi cu akcang ah nami di khai.

JEREMIAH 6:16

Bawipa naw a chang gui pyen ah gui ci, “Lam kyum gui ung ng’düi neta teng vä. Cau lam phyim gui la lam akni pi a hawi a om cu ng’shi gui vä. A cun ung hteit vä, dim deeih nak awn nami om khai.” Cun ung phi ngami naw, “Kaa, kä ka mi hteit khai!” cine pyen ba ci gui.