MALAKHI 4:3 - Cho Bible Common Language 2016

³ Cun ah hnüüp ung kei ka hnün thawh law ung, changshe gui cu nami näng gui khai, ngami cu nami khopha kaa ah m’vut ah mäih ah kyak khai gui.

MALAKHI 4:3 Referans Kwoze

JOB 40:12

Ngami cu teng gui ne tuk cha gui ä. Chang shekha gui cu ami om nak ung shudeng gui ä.

ROMAN 16:20

Mi dinggei nak ah ng’yung ah kyak ciah Khanpughi naw Satan cu ang ghit ah m’hnoi ne nami khophaa k’ka ah gawk sak khai nei. Mi Bawipa Jesuh ah m’geinsei nak cu nang mi ah khan ah om sä. (Am shah naw shin ah ca kyawng cu nawng shüt ci.)

MALAKHI 3:17

Hlüngtai ciah Bawipa naw, “Ngami cu ka chang ah kyak khai gui, kei ka hnün thawh law hnüüp ung ngami cu, ka chang akcang ah kyak khai gui. Amät m’thei ciah a hta ah khan ah apa naw a chimgein ah mäih ah ngami cu ka chimgein gui khai.

ZEKHARIAH 10:5

Judah chang gui cu lam ng’nai hmu ah ami ga gui leh dep dep ciah gakap gui ah mäih ah m’gäi khai gui nei. Ngami cu Bawipa naw om püi gui ci kyasei, ng’tuk bik khai gui, ngami naw ng’se ng’cuum ciah ga gui phi hnim khai gui nei.

MIKHAH 7:10

Mi ga gui naw hmu neta kä yei khai gui. “Nami Bawipa Khanpughi cu a hawi ang?” cine na ng’shi gui ciah mi ga gui naw, a cun gui cu hmu u neta, lü ng’aa khai gui. Ngami cu lam ung ng’nai ah mäih ah kai na gui ne dep gui u sei mi hmu gui khai nei.

MIKHAH 5:8

Pakhui gui ah ng’lung ah ami nawng shüt gui cu, bung hmu ah a ei vai shui ciah phongkawng ah mäih ah kyak khai gui. Ani naw htome gui ah lung ah lut ne, pah gui ne, phyit ne teek gui ci — phyawn vai ah ngaih u nak kä om ci.

ISAIAH 26:6

Ami yawshe nak guicu tuhbäi a cun ah khan ah hteit u ne, ami khaw awn kai na ne, leh ci gui.

THU PHLAAN 14:20

Sapyit cu manggaw ah akpung ah neen u sei, neen nak ah khui ungka si ng’hlui lut law ne long ci. Cun ah si cu mäng phiaa goi ung long ne, dawng hmaa ah thuuk ci.

THU PHLAAN 11:15

Cun kawn ah akchih nak ah khankho chang naw ak phyungheng cu tum khätah, “Khomdek uknak ah hlüngtai nak cu mi Bawipa la a Messiah naw khäm pyi ci nei, ani naw ngawi yä uk lä khai nei” ci ne khankho ah k’aw naw pyein ci.

DANIEL 7:27

Khomdek khan ung uknak khaw avan ah huham la dämduh nak cu hlüngtai ciah Khanpughi ah chang gui am pe gui khai gui. Ngami ah bawimang huham cu kä ng’pyi hlawt khai, Khomdekkhan ung uktu avan naw ngami ah bii bi u ne, läk gui khai gui.”

DANIEL 7:18

Hlüngtai ciah Khanpughi ah chang gui naw, bawi mang huham cu gah u ne, khonglän ung kut shum khai gui.”

EZEKIEL 28:18

Nang naw yoi ne hleih ne akshe gui na bik ci, cun ah kya ne; na khawihnah nak ah hmun gui cu shekhak ci. Cun ah kyasei kei naw mang gaw cu mei awn m’khih ne, m’dek ung khüt khai ah ka uih sak ci. Cun ah kyasei tuhbäi nang ning teng ci gui ami van naw nang cu m’vut ah kyak ci sei ning hmuk ci gui.

ISAIAH 25:10

Bawipa naw Zion m’htung cu shungvong khai, cun ung phi Moab chang gui cu eek-shin ung htang gongchawng leh m’hnep ah mäih ah the m’hnep gui khai.

SAM 91:13

Nang naw phongkawng gui la k’phyu ng’hlui gui, kawng hta gui la k’phyu m’äm ah gui cu na kho awn güt ne na kai nak khai nei.

2 SAMUEL 22:43

Kei naw ka deng gui ci, ngami cu m’vut ah kyak ci gui; Lam ung om ciah ng’nai ah mäih ah kei naw ka kai na gui ci.

ATÜNNAK 3:15

Hnumi la nang, hnumi ah ng’shon la nang ah ng’shon cu gaa ah nami kyak khai ah ka bik khai. Ani naw nang ah lu cu ning deeng khai, nang naw ani ah khawlek cu na m’yawk khai” cine pyen nak ci.

2 SAMUEL 22:39

Kei naw ka m’ghuih gui ci, ngami kä tho ba hlawt ci gui; Ngami cu kei ah ma ah ng’yän ne hnim nak gah ci gui.

SAM 49:14

Ngami cu htome ah mäih ah khomü sei sik ci gui, sih nak cu ngami ah htoshäm ah kyak ci. Ng’düng ci gui naw ngami cu näng gui sei, ami pumsa cu ang ghit ah thuka ne, ami im awn ng’shawng ciah sih nak ah kho ah gawk ci.

NG’ÄI KYAH 1:15

Bawipa naw gaigawng pikbäih ciah ka gakap avan cu gaih tuk ci. Ani naw ka chang nong gui m’di gui khai ah ga bum tüi lawk ci. Sapyit theih gui neen nak ungka ah mäih ah ani naw ka chang gui güüt gui ci.

SAM 147:6

Am lung neim sak cicu thawh sak ne, changshe cu güüt ne m’dek ung m’shän ci.