MALAKHI 4:1 - Cho Bible Common Language 2016

¹ Hlüngtai ciah Bawipa naw, “Chang ah ng’shei ci gui la changshe gui cu khu chawng mei naw a uih ah mäih ah a uih sak gui vai ah hnüüp gawk lawk ci nei. Cun ah hnüüp ung ngami gui cu ui gui yawp khai, a i phi kä k’pawih ba khai.

MALAKHI 4:1 Referans Kwoze

2 THESSALONIAN 1:8

mei m’lei ah tawt ne ang dang law yah ung Khanpughi naw cun gui cu bik khai. Cun ung Khanpughi hnu ng’tuk püi ci gui la Bawipa Jesuh ah mawng Thu Ni kä ngai ci gui cu Khanpughi naw shetkat sak gui khai.

2 PETER 3:7

Cun ung phi khawnmawpi la khomdek cu mei awn kä am di pha ah chuih, Khanpughi ah ng’thu bä awn om lä khai. Khanpughi kä yum ci gui ng’thumcha ne am di gui hnüüp ung ngami cu dimaih khai gui.

MALAKHI 3:2

Cun ung phi ani a law hnüüp ung a u naw khan hning khai aw? Ani ang dang law ung a u naw phyawn na hlawt khai aw? Ani cu theing khai ah m’si nak ah satpya, m’si shep nak ah mei ah mäih ah kyak khai nei.

ISAIAH 47:14

“Ngami cu kou ah mäih ah kyak ci gui, mei naw m’khih gi yawp khai! Ngami cu ami mät naw ami mät hun vai ah phi kä näng khai gui meidäi cu ngami ah phäh ah ling aih khai, mei awm vai ah mäih düt ah kä kyak ci.

ISAIAH 5:24

Cun ah kyasei tuhbäi, htang gong la khu m’gho chawng ng’vet sei mei naw a vih ah mäih ah nami zungpya cu thu ne nami m’guhpai cu chawng ne zong yawp khai nei, a i ah kyasei ci ung, nangmi naw m’gäi ciah Bawipa, theing cüm ciah Israel khanpughi ah ana m’theithang gui cu nami hnung’tuk püi ah phäh ah kyak ci.

OBADIAH 1:18

Jakob la Joseph ah chang gui cu mei ah mäih ah kya u ne, Esau ah chang gui cu mei ah uih ah mäih ah m’di khai gui. Esau ah hta ng’shon a u kä pawih khai. Kei, Bawipa naw ka pyen nei.

MALAKHI 3:15

Mi hmuh ah mäih ah chang k’om ci gui cu yei ci gui nei. Changshe gui cu ng’bühmang ci gui nei,” nami cik ci.

ZEPHANIAH 1:18

Cun ah Bawipa ah m’lungshe nak hnüüp ung chang gui ah ghui ngui gui phi kä phyawng khai, khomdek avan cu Bawipa ah m’lungshe nak ah mei naw ui yawp khai. Ani naw khaw khüt sak khai — ang ghit ah khüt sak khai, khomdek khan ah om ciah chang nü ah khaw cu khüt sak khai.

JOB 18:16

Ani ah apya gui la ang ban gui cu ng’yai ne chawng ci gui.

LUKA 21:20

Jerusalem cu gakap gui naw ngäng u sei nami hmuh ung adi law nak vai ng’et lawk ciah nami hmat vai.

LUKA 19:43

Gaa gui naw nang cu, am kawt päng ung ning mah u ne, ami ning koi nak ah khin gawk lawk khai nei.

MATTHE 3:12

Akut ung htang akchü nak vai ah chüdawn kawt ci. Amät ah geitkaw gui cu khäm yawp netah htang ang tak gui cu khei ung thun yawp khai. Ang shi gui läi cu m’sih ne käm khüt vai ah mei awn m’khih yawp khai,” cine m’thein gui ci.

MALAKHI 4:5

“Cun ung phi küikyang ci la kyihkyawk nak vai ah Bawipa ah law nak kä ak phaa law pha ung kei naw prophet Elijah cu ka ning tüih law pe gui khai.

MALAKHI 3:18

Cun kawn ah mä ng’düng ci gui la chang shekha gui ah khan ah, ka khuut bik ci la kä bik ciah khan ah, a i ah a kyak law cu ka chang gui naw hmuk khai gui nei” cik ci.

ZEKHARIAH 14:1

M’khoicha nak ung Bawipa ah ngoh nak vai ah hnüüp cu ng’et lawk ci. Jerusalem cu gut tep khai gui, ami guh ah khawh cu na mik ah hmuh ah ng’tei ng’pai khai gui.

ZEPHANIAH 1:14

Bawipa ah küikyang ciah hnüüp ng’et lawk ci, ng’et lawk cang ci, gawk law ge ci! Cun ah hnüüp cu khak ciah hnüüp ah kya ne, nget ciah gakap phi kyap ne yai khai gui!

NAHUM 1:10

Ng’hling chawng la htang gong chawng ah mäih ah nangmi yu nami awktat ci gui cu mei naw ning ui gui khai nei.

JOEL 2:1

Khanpughi ah theing ciah khomhtung Zion ah khan ah phyungheng tum vä, khingyan khawng vä. Judah chang gui ng’hlet vä! Bawipa ah hnüüp cu gawk law ge ci nei.

PHYAWN NAK 15:7

Na m’khüt nak ah näng nak awn na ga gui cu na küm gui ci; Na m’lungshe nak cu mei ah lut law ne khu chawng ah mäih ah ui gui ci.

JOEL 2:31

Khohni hmüp khai, cha cu si ah ng’hlat ne sen khai cun cu dämduh ne kyih vai kyak ciah Bawipa ah hnüüp kä a gawk law pha ung ah kyak khai.

AMOS 2:9

“Cun ung ka chang gui aw, nangmi ah hmawk ah Amorit chang gui cu ng’pyi khai gui ah ka m’di gui khai nei, ngami cu ceda sing güt law u ne, m’htai ghing hlawk ah khüi ci gui.

EZEKIEL 7:10

Israel ah phäh ah leigai a gawk law nak ah hnüüp cu gawk lawk ci nei. Kiawi m’saa nak cu däm ng’ghaw ci nei. Chang ah ng’shei nak cu hlüng pikbäih ci nei.

ISAIAH 41:2

“Akhei täng ah ka ng’näng ciah chang law püi ne, a hteh nak päng ah ng’näng ciah chang law püi ne, a hteh nak päng ah ng’näng sak ci cu, a u ang? Ghangpughang gui la chang pakhui gui ah khan ah anäng nak pek cicu a u ang? Ani ah khimsem naw ngami cu m’vut khui ah mäih ah tuhnim gui ci nei.

ISAIAH 40:24

Ngami cu geit thai, pya thai ciah geit awn täng ci gui. Bawipa naw kho akhi law sak ung ngami cu chawng u sei, kou ah mäih ah zon gui ci.

SAM 119:119

Nang naw changshe avan cu ng’awt ah mäih ah na ngai ci, cun ah kyasei kei naw na m’shüm thein nak cu ka m’hni ci.

LUKA 6:23

Cun ah mäih nami bui awt law ung nami yeikyai vai, yeikyai ne nami ng’lam vai; khankho ah nangmi ah gah vai cu däm aih ci. Ngami ah pughi gui naw profet gui ah khan ah phi acun ah bi man ci gui.

ISAIAH 9:18

Chang gui ah cheishoh nak naw hling k’cam la hling gui mei naw a uih ah mäih ah ui ci. Cun cu bung hmu mei naw ui sei meikhu a tawt ah mäih ah ui ci.

ISAIAH 9:19

A i ah kyasei ci ung m’gäi ciah Bawipa cu m’lungshe ci, ami ah m’kyuk nak naw khaw avan cu mei ah mäih ah ui ci, Chang avan m’di ci, cun cu a chang ami ah phäh ah kyak ci.

EZEKIEL 20:38

Ng’küknet ne katnak bik ci gui cu nami ng’lung ungka ka heng gui khai. Ngami tuhbäi ami om nak ah khaw ungka a hei ah ka la gui khai, cun ung phi Israel khaw ah kä ka law ba sak gui khai. Cun ung kei cu Bawipa ah nangmi naw nami na hmat khai.

EZEKIEL 21:32

Nangmi cu mei naw ning m’di gui khai. Nami si cu nami mät ah khaw ung ng’huk khai, a u naw phi kä ning shüm ba gui khai.” Bawipa naw a pyen nei.

EZEKIEL 24:11

Tuhbäi kyei k’am aghawng cu mei k’cak ung kyäng vä, sen ne ng’ling sä! Cun kawn ah hnai cu mei naw ui yawp sei, k’am cu theingthap ba khai.

EZEKIEL 34:17

“Cun kawn ah tuhbäi, ka htome ng’bum gui, kei, uktu Bawipa naw ka ning m’thein gui ci, kei naw nangmi tumat cicu ning ng’thumcha gui ne, akni la akshe, htome la me, ka ning m’khoi cha gui khai.

MALAKHI 3:3

Ani naw ngui ng’ciim khai ah m’cim ah mäih ah m’khoichak khai nei. M’si shep naw ghui la ngui am cim ah mäih ah Bawipa ah ng’shä tüih naw taigü gui cu theing sak gui khai nei, cun ah kyasei ngami naw Bawipa am, ng’düng cicu pe lawk khai gui nei.

SAM 37:9

Bawipa ung ng’ap cicu kho khän ne ng’len khai, cun ung phi changshe cu gawt ne täm khai.