MALAKHI 3:8 - Cho Bible Common Language 2016

⁸ Kei naw ka ning shi gui cu, Khanpughi ah khawh, chang naw a guh tep cu hman khai aw? Cun ung phi nangmi naw nami na gut tep ci nei. “A i hawkcha ah kami ning guh ang? nami ci ung, bum gha bum ät la pek tak gui cu nami na gut ci nei.

MALAKHI 3:8 Referans Kwoze

MATTHE 22:21

Ngami naw, “Ghangpughang ah müi, ghangpughang ah ming nei,” cik ci gui. Cun kawn ah Bawipa Jesuh naw, “Ghangpughang ah kaa cu ghangpughang-am ap ba vä, Khanpughi ah kaa cu Khanpughi-am ap ba vä,” cine kyak na gui ci.

MAKUH 12:17

Bawipa Jesuh naw, “Ghangpughang ah kaa cu ghangpughang-am ap ba vä, Khanpughi ah kaa cu Khanpughi-am ap ba vä” cine kyak na gui khätah ang htei ah cäicat ci gui.

SAM 29:2

Bawipa ah bämang ciah aming cu m’taam vä; Theingcim ci tumat a dang law ung ama ah kawp vä.

ROMAN 2:22

Nang naw chang kä a plet beng vai ah m’theithang lang ne, a i ah kya sei na mät na plet beng ang! Nang cu a gup m’tüih lang ne, a i ah kya sei a gup ah om nak ah Taigüim cu na ng’guhtep tu ang!

ROMAN 13:7

Cun ah kya sei nang mi naw nami peit vai ah khin ci phung cu nami peit vai, a khawn m’cu vai ah a mawng om ciah phäh phung ah nami m’cu vai nei, uk ciah bawi gui ami van cu m’tamkhah gui ne nami chang m’sui gui vai nei.

LUKA 20:25

Bawipa Jesuh naw, “Roman ghangpughang ah kaa cu Roman ghangpughang-am nami ap vai. Khanpughi ah kaa cu Khanpughi-am nami ap vai” cik ci.

MALAKHI 1:13

Nangmi naw, ‘Shin ah hmawk ah kami cümbawng ci!’ cine, kei ungka nami hnga cu nami m’hlat ci. Nangmi naw nami na pektak law ung nami m’guk ah akghing gui la akshum, akgaw gui cu nami law püi ci. Cun cu ka dou khai ah nami ngai ne ang?

JOSHUA 7:11

Israel gui hmakak ci gui nei! Kei awn ami yum ghawm ah, ami k’pan vai ah kei ah thukbäi cu plawh pyi ci gui nei. M “dimshum vai ah phyuntam ah khawh amshah cu lak ci gui nei. Ngami cu m’gu u ne, acun ah mawng ung hleei u neta ami mät ah khawh ah tha ci gui nei.

MALAKHI 1:8

Amik m’dauh, akgaw, akshum gui cu nami na khawihnah nak vai ah law püi u neta, nami katnak kä om ciah nami ngai ci. Acun ah mäih ah akghing gui cu uktu bawi am pe shüm vä, ning yei na gui khai aw! A i baw ning pe taak gui khai aw!”

ZEKHARIAH 5:3

Cun kawn ah ani naw kei am, “Ca k’tom ung ng’phyun ca ami guk nei, cun cu khaw avan ung gawk ci. Vangtäng ung m’guk ei phung cu shin ah khaw ungka k’täm vai nei, ciah ng’gu ne, ahei vangtäng ung a hleei pyen ne ng’phyun ciah chang phung cu k’täm vai nei ciah ng’guk ci.

TAIGÜTHUM 19:25

Cun ung phi a kum hma kum am theih cu nami ei vai. Cun ah avan nami bi ah a kyak ung nami sing gui cu m’theih law pi khai. Kei cu Bawipa nami na Khanpughi nei.

NG'THU K'THUUK~ 11:24

Chang am akda pe ta ne phi bämang law pi ci om ci, aktä ah m’cun m’sep ne phi du khaih law pi ci phi om ci.

ISAIAH 43:23

Nangmi naw m’khih ne douthak ah htome cu kä nami na thak law ci nei; Nami khawihnah nak awn kei cu kä nami na m’tamkhah ci nei. Douthak vai gui k’thäh ne nami phuih kä ka gih sak ci, ang ui gui k’thäh ne kä ka ning yaica sak gui ci.