MALAKHI 3:6 - Cho Bible Common Language 2016

⁶ Kei cu Bawipa ah ka kyak ci, kä ka ng’thawng ci. Jakob ah hta ng’shon gui cu kä maih yawp khai gui nei.

MALAKHI 3:6 Referans Kwoze

KHEI NAK 23:19

Khanpughi cu hleei ciah chang ah mäih ah kä kyak ci; Ani cu am lung ngaih m’thawng ciah chang ah mäih ah kä kyak ci. A shaitak phung cu ani naw bik ci. Ang thu ah mäih ah ani naw bik ci.

HEBRU 13:8

Bawipa Jesuh Khrit cu yanta, tuhngawi, ngawi yä, käng khukhlat phung ci.

JAMES 1:17

Nikiom ciah m’shumphyuk nak la kümbe ciah m’cümhnah nak cu, khankho ah kaa lawk ci; Cun cu käng khukhlat ci, hmüp nak kä law püi ci, khankho dei tüisho ciah Khanpughi ungka lawk cia kyak ci.

JEREMIAH 32:27

“Kei cu Bawipa, hnicim chang avan ah khanpughi nei. Kei ah phäh ah khak aih ci a i kä om ci.

1 SAMUEL 15:29

Israel gui ah m’gäi ciah Khanpughi cu kä hleei ci, am lung kä m’thawng ci. Ani cu chang ah kä kyak ci, ani naw am lung kä m’thawng ci nei” cik ci.

HEBRU 6:18

Shin ah shaitaak la ng’phyun nak cu, käng thawnghlai hlawt ci la Khanpughi ah hleeihlak nak kä om hlawt ciah a mawng hnih ah kiak ci. Cun ah kyasei ani ung mi ng’yi ciah chang gui cu, ana peit gui ah ngaih u nak htek sei pan vai ah mi thamah lawk ci.

THU PHLAAN 1:8

“Kei cu Alpha la Omeka, tün nak la khüm nak ah ka kyak ci” ci ne yanta, tuhngawi ngawi yä angtäi sei om ne hlüngtai pi säih ciah Bawipa Khanpughi naw pyein ci.

THU PHLAAN 22:13

Kei cu Alpha la Omeka, akhtük bäih la akhnu bäih, tün ka la khüm nak ah ka kyak ci” cine pyein ci.

ISAIAH 44:6

Bawipa, Israel gui uk gui ne, shungvong gui ci, m’gäi ciah Bawipa naw shin ah pyen ci; “Kei cu tün nak, khüm nak la tumat bäng ah Khanpughi ah ka kyak ci; a hei khanpughi kä om ci, kei bäng ah kyak ci.

SAM 103:17

Cun ung phi Bawipa m’taam ciah chang ah hmawk ah, ani ah m’hni nak cu kä ng’pyi hlawt ci, Ani ah ni nak cu hta ng’shon avan ung khäng lä ci.

SAM 102:26

Ngami cu maih khai gui, cun ung phi nang cu na om lä khai; Ngami ami van cu sui kheei ah mäih ah kyak khai gui, Nang naw na ghawt gui ciah mäih ah kyak khai, Ngami cu a kholä ah kyak khai gui.

PHILIPPIAN 1:6

Cun ah kya sei nang mi ung bi ak ni tün ne bik ciah Khanpughi naw Bawi Khrit Jesuh ah kyum law nak vai ah hnüüp kä a gawk phaa ung, cun ah bi cu ng’pyi khai ah bik khai ah ka yum ci nei.

ISAIAH 41:13

Kei cu Bawipa, nami na khanpughi nei; kei naw k’thagui ning pe gui ne, ka pyen cu, ‘Kä nami kyihkyawk vai nei, ka ning m’htei gui khai nei.”

HOSEA 11:9

Kei naw ka m’lungshe nak awn kä ka ning m’kyuk gui khai. Kei naw Israel gui cu kä ka m’di ba gui khai. Kei cu Khanpughi ah ka kyak ci, chang ah kä ka kyak ci. Kei, theingcim ci naw ka ning om püi gui ci. Kei naw m’lungshe nak awn nangmi ah kä ka law ba khai.

SAM 78:57

ami pupa gui ah mäih ah ng’lih ng’lak u ne, kä bekhüt ci gui, Ng’hleek ne zong ciah m’la ah mäih ah ngaih u vai kä kyak ci.

SAM 78:38

Cun ung phi Khanpughi naw akchang gui cu, chimgein gui ci. Ani naw ami katnak m’gein gui ci, kä m’di gui ci. Ani cu akda vei am lung üüp ci, am lung she nak cu m’cäi ba ci.

ATÜNNAK 15:7

Cun kawn ah Bawipa naw, “Kei cu, nang naw shin ah khaw na khäm vai ah, Babilonia khaw, Ura gawnu ungka ning law püi ciah Bawipa ah ka kyak ci nei” cik ci.

ROMAN 5:10

Mikmi cu Khanpughi ah gaa ah mi kya te ci, cun ung phi A Htapa a sih nak awn A teihpüi ah na pyang gui ci. Tuk bäi mikmi cu Khanpughi ah teihpüi ah mi kya pyi ci, cun ah kya sei, ghing ciah Bawi Khrit ung hun nak mi gah vai cu ngaih gep ah kyak ci.

ATÜNNAK 22:16

“Ka mät ah ming awn thukhän ka bik ci — Bawipa naw pyen ci — na htapa ah kä ng’vang ne, na na pek ah phäh ah aküikyang ah hriham ka ning pek khai.

ATÜNNAK 15:18

Cun kawn ah Bawipa naw Abram ung thukhän bik ci. Ani naw, “Kei naw shai ka taak cu, shin ah khaw avan na htangshon gui am ka pe gui khai, cun cu Egypt khawgii ungka naw Euphratis tuinu ung khüt khai;

SAM 102:27

Cun ung phi nang cu angtäi sei a cun ah na kyak khai, na ghin nak cu kä ng’pyi hlawt khai.

DANIEL 6:26

Ka uknak ah khaw avan ung thukhän ka bik ci nei, Daniela ah Khanpughi cu chang nü naw a kyih vai nei, a chang m’sui vai nei. “Ani cu ghing ciah Khanpughi, Ani naw khonglän ung uk khai nei. Ani ah uknak khaw cu a i naw kä m’di hlawt khai nei, ani ah huham cu kä ng’pyi hlawt khai nei.

HABAKKUK 1:12

Bawipa, nang cu a htük ge ung Khanpughi ah na kyak ci. Nang cu ka Khanpughi, ng’ciim ne angtäi ah na ghing ci, Bawipa, ka Khanpughi la ka ng’yii nak, nang naw Babilonian gui cu ghü gui ne, na k’thamah sak gui ci. Cun ah kia nei keimi na m’kyuk gui ci gui.

SAM 102:28

Kami hta nau gui cu phyawng ne om khai gui, nang ah shung vong nak ka ah ami hta ng’shon gui cu phyawng m’hteim khai gui.

ISAIAH 46:4

Kei cu nami na khanpughi nei, nangmi ghi ne nami lu ang pyok güt kei naw ka ning m’htei gui khai nei. Kei naw ka ning pyang gui ci, ka ning m’htei gui khai nei. Kei naw ka ning bawm gui khai, ka ning gung gui khai.