MALAKHI 3:5 - Cho Bible Common Language 2016

⁵ Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

MALAKHI 3:5 Referans Kwoze

HEBRU 13:4

Chungla nak cu chang avan naw a htingling ah ang ngaih vai nei, Chu la cei cu tumat la tumat bekhüt ne ani om vai. Khanpughi naw cheishoh ci la hlawhlang ciah chang gui cu yuk m’khoichaa gui khai nei.

THULÄÄN NAK 5:11

“Ka ming akshe ah kä nami mang vai. Ka ng’ming akshe ah mang ci phung cu kei Bawipa nami Khanpughi naw ka m’kyuk khai.

JAMES 5:4

Nangmi naw nami lo bik ciah chang gui ah ng’cheng cu kä nami pek ci nei. Ngami ah ng’cheng shan cu ngai vä! Ngami naw ng’cheng shang ne ami m’lau ah k’aw cu, a hlüngtai säih Bawipa, Khanpughi naw ng’yak ci nei.

MALAKHI 2:14

A i ah kyasei ani naw kä a dou ba cu nami ng’shi thäh ci. A i ah kyasei ci ung ani naw hmat ci, nami hmaw yah ung nami chu nak ah nami chu ah khan ah nami shaitak nami m’shet ah hmawk ah kyak ci. Ani cu na paw ah kyak ci, cun ung phi nang naw na shaitak nam shet ci. Khanpughi ah ma ah shai na tak ci kyasei, ani ah khan ah na bekhüt vai kyak ci.

THULÄÄN NAK 27:19

“Khanpughi ah plah taam nak cu khaw hei chang gui, hmei hta gui, hmei nu gui ah gah vaisü, chei sak ciah chang päng ah khan ah gawk sä. “Chang avan naw ami m’shan vai cu, ‘Amen!’

THU PHLAAN 22:15

Cun ung phi chang shekha gui, ng’plukheih ci gui, pletbeng ci gui, chang ngawn ci gui, a gup khawihnah ci gui, hleeihlak cheishoh ci gui cu ami van Manggaw ah ak’pung ah om khai gui.

THU PHLAAN 21:8

Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.

TAIGÜTHUM 20:27

A u pami, a u hnumi phi aksi ah mümcha naw a kai ah chang cu lung awn vawi ne ngawn vai, a u chang phi a cun ah bik ciah chang cu a sih nak vai ma nak ciah kyak ci.”

TAIGÜTHUM 20:6

“Chang tumat mat cu aksi ah mümcha ah luh nak ah chang, m’cumcäi tuk khai ah a hteh ah a kyak ung, kei naw hnungtuk ne ka ng’hlah tak khai. Ka chang tumat ah kä ka k’bäi ba khai.

TAIGÜTHUM 19:13

Chang ah kaa kä lak pek düt vai, kä guttep vai. Na ghüh ah chang ah ng’cheng cu kä na shum pek vai, mü ät phi kä na tha pek vai.

MALAKHI 2:17

Nangmi cu ng’thu m’da ne Bawipa cu nami cümbawng sak ci. “A i hawkcha ah chang kami cümbawng sak?” cine phi nami ng’shik ci. “Hlüngtai ciah Khanpughi naw, ak she bik ci gui cu nik ciah ngai ne m’hni gui ci” cine phi nami kyak ci. M’khoichak ciah Khanpughi cu a hawi ang?” cine phi nami kyak ci.

JEREMIAH 29:23

Ngami ah ma nak vai cu awn ah kyak khai, ai ah kyasei ci ung ngami naw kyih vai ah kaatnak cu bik ci gui-ngami naw chang ah chuhta kat püi u ne Bawipa ah min gung ami hleei pyen ci gui. A cun ah Bawipa ah angyak hlü cu hnungtuk püi ci; ani naw ngami naw a i ami bi cu hmat ci ani cu ngami hnungtuk nak ung saksi ah kyak ci. Bawipa naw pyen ci.”

NG'THU K'THUUK~ 16:6

Hlakham ne nami bekhüt vai, Khanpughi naw nami katnak ning geinsei gui khai, Bawipa nami lak vai, nangmi ung akshe ka gawk lawk khai.

NG'THU K'THUUK~ 8:13

Bawipa m’taam nak cu akshe thüi nak ah kyak ci. Kei naw chang ah ng’shei nak, m’gämce nak, akshe ah om nak la ak she ah ng’thu cu ka thüi nak ci.

SAM 98:9

A i ah kyasei ci ung ani cu khomdek ah khan ah lawk ci nei. Ani naw hnicim chang gui cu düng nak la nikiom nak awn uk khai nei.

ROMAN 3:8

“Ak ni a gawk law vai ah ak she cu mi bi vai,” cine mi pyein khai ang! Acun ah mäih ah kei naw ka pyein ah pyein u ne chang amshah naw ng’thu gu na k’bün ne na katnak ci gui nei. Cun ah chang gui cu ami gah vai ah mäih ah m’khoichaa nak gah khai gui nei.

MIKHAH 1:2

Chang pakhui avan naw shin cu ng’ya vä; m’dek khan ung om ciah chang avan naw shin cu ngai vä! Uktu Bawipa naw ning hnu na gui ne saksi khai nei. Ngai vä! A khankho im ung ka naw thu pyen ci nei.

SAM 96:13

Cun cu Bawipa law ne khomdek a uk law ung ah kyak khai nei. Ani naw hnicim chang gui cu düng nak la ni kyom nak awn uk khai nei.

SAM 81:8

Ka chang gui, ka ng’cäi cu ngai vä; Israel gui, ka ng’yak hlü a i ah mäih ah ngai vä!

NEHEMIAH 5:15

Kei ah kä bi pha ung bik ciah uktubawi phung naw chang gui cu ami phuih gih sak gui. Ngami naw ei la awk vai ah phäh ah hnüüp ät ung, ngui phe phli kip ci k’thäh gui ci gui. Ami changshäm gui naw phi chang gui cu she na gui ci gui. Cun ung phi kei cun ah kä ka kyak ci, a i ah kyasei ci ung kei cu Khanpughi ka kyih aa ci.

THULÄÄN NAK 24:17

“Khaw hei chang gui la hmei hta gui ah ami gah vai cu kä nami m’chei pek gui vai; hmei nu ah khuih yih cu ngui kyäu ah phäh ah kä nami lak pek vai.

TAIGÜTHUM 20:10

Pami tumat naw a Israel paw ah chu a kat püi ah a kyak ung, hnumi la pami ani nik hnih cu ngawn goi vai.

PHYAWN NAK 18:21

Cun kawn ah bä ciah chang gui cu ghü gui ne, chang gui ah ng’vai ah na hmoh gui vai; phia gha uk, phia uk, hmakip uk, gha uk: ngami cu Khanpughi kyih aa u ne, ngaih gep vai ah chang, kä ei hlü mang phya ciah kyak khai gui.

PHYAWN NAK 1:17

Sayama gui cu Khanpughi kyih aa ci gui ah kya ne, ghangpughang ah ng’thu cu kä ngai ci gui, pami hta gui cu ghin sak ci gui.

ATÜNNAK 42:18

A hnüüp thum hnüüp ung Joseph naw khü gui neta, “Kei cu Khanpughi kyih aa ciah chang ah ka kyak ci, cun ah kyasei nangmi cu a mawng tumat awn ka ning phyawn gui khai.

JAMES 5:12

Ka phäinau gui aw, thukhän shaitaak nami bi ung kä nami ng’gun ng’hta en vai. Khankho khüi ne, khomdek khü ne kä nami ng’gun nen vai, a i phi khü ne kä nami ng’gun nen vai. Nami ng’thu cu hleei ah a kyak ung hleei ah, cang ah a kyak ung cang ah dang khai ah, nami pyein vai nei. Cun ung nangmi cu Khanpughi ah m’khoichaa nak kä nami gah khai.

1 THESSALONIAN 4:6

Shin ah mawng ung khritha gui nami mät kä nami cheishoh-en vai, kä nami ei-hlü mang-k’phya vai. Acun ah mäih ah om ciah chang cu Bawipa naw m’kat khai nei, ciah khän ne ka ning m’thein gui ci nei.

LUKA 23:40

Ahei changshe tumat naw, “Nang Khanpughi cu kä na kyih ci ma? Nikni cu ani mäih ah m’kat nak ni gah ung phi;

SAM 36:1

Shetkat nak cu changshe ung thu pyen ne, am lung ung htek ci. Ani naw Khanpughi hnu ng’tuk püi ne kä kyih aa ci.

ATÜNNAK 20:11

Abraham naw, “Shin ah khaw ung chang gui cu Khanpughi kä kyih u ne ka chu ami ng’yak hlü ah hmawk ah kei cu na ngawn khai gui nei, ciah ngai neta ka bi nei.

THULÄÄN NAK 18:10

Nami sonkiang ah khan ah mei ung nami hta nau gui kä nami khawihnah en vai, nami chang gui am kä nami bi en sak gui vai cu, cäbang nak, cecai nak, taigü m’cu nak,

ISAIAH 57:3

Nangmi kakciah chang gui, ng’thumcha vai shin ung law vä! Nangmi cu, cuun u ni, chang ah chuhta kat püi ci ni, pletbeng ci ni ah ta kä nami bä tuba ci nei.

JEREMIAH 5:2

Nangmi naw Bawipa khawihnah vai ah nami pyen tupang ung phi, nami pyen ah kä nami bik ci nei.

JEREMIAH 5:29

“Cun ung phi kei Bawipa naw shin gui ah phäh ah ka m’kyuk gui khai; kei naw shin ah changpakhui ah khan ah phu ka tuk khai.

JEREMIAH 23:10

Shin ah khaw cu kä bekhüt ciah chang gui awn be ci nei; ngami cu a omshe ah ghing om u ne, ami huham akshe ah mang ci gui. Bawipa ah plah taam ah phäh ah mi khaw cu thüi sei ne, khulim gui cu chawng yawp ci.

JEREMIAH 27:9

Nami prophet gui, käcung malam ah amawng ng’cäbang thei ciah pyen ciah chang tumat mat cu kä nami ngai vai, ngami cu ami mang awn baw, aksi ah mümcha khü ne baw, cerai ne baw kya thei ci gui. Ngami ami van naw Babilon ghangpughang ung känami ng’kiaa vai al ning pyan nga gui khai gui.

JEREMIAH 27:10

Ngami naw ning m’hleei gui ci gui. Nami khaw ungka naw ahei ah ami ning htek püi gui vai ah ning ci gui khai gui. Kei naw nau gmi cu ka ning k’täm gui khai, nangmi cu nami di khai.

JEREMIAH 42:5

Cun kawn ah ngami naw ami na pyen nak cu,” mikmi ah phäh ah Bawipa mi khanpughi naw aning pek gui ah thumkhän avan cu kä mi läk ah a kyak ung, mikmi ana hnugtuk püi nak gui ung Bawipa cu düng ci la bekhüt ciah saksi ah kya sä.

HABAKKUK 1:12

Bawipa, nang cu a htük ge ung Khanpughi ah na kyak ci. Nang cu ka Khanpughi, ng’ciim ne angtäi ah na ghing ci, Bawipa, ka Khanpughi la ka ng’yii nak, nang naw Babilonian gui cu ghü gui ne, na k’thamah sak gui ci. Cun ah kia nei keimi na m’kyuk gui ci gui.

ZEKHARIAH 11:12

Kei naw ngami am, “Nami yum ah a kyak ung ka ng’cheng cu na pe vä, kä nami yum ung gim cang vä” ci ngä sei, ka ng’cheng ah ngui thumkip cu na pek ci gui.

PHYAWN NAK 20:7

“Ka ng’ming cu akshe ah kä nami mang vai, ka ng’ming akshe ah mang ci phung cu, Kei, Bawipa nami Khanpughi naw ka m’kyuk khai.

PHYAWN NAK 22:20

“Kei, Bawipa ah kawn ah a hei khanpughi khawihnah douthak cicu sih nak awn m’kyuk vai.

THULÄÄN NAK 15:13

Nangmi naw nami m’hlawt ah a kyak ung a kut ghawng ah kä nami hteh en sak vai,

JOB 7:2

Gei ciah ang hnim nak shui ciah hlei htein mäih, ang cheng vai ngäng ciah bii k’bi ah mäih ah kyak ci.

JOB 31:12

Cun ah mäih cu m’di ciah mei, m’htei mei ah kya ne kei ung om ci nü cu ui khai nei.

MALAKHI 1:6

Hlüngtai ciah Bawipa naw taigü gui am, “A hta naw apa cu chang m’sui ci, ashäm naw abawi cu chang m’sui ci. Kei cu nami na pa — a i ah kyasei kä nami na chang m’sui ang? Kei cu nami na bawi — a i ah kyasei kä nami na kyih aa ang? Nangmi naw nami na päipih ci, cun ung phi a i hawkcha ah ang kami ning päipih? nami cik ci.’