MALAKHI 3:3 - Cho Bible Common Language 2016

³ Ani naw ngui ng’ciim khai ah m’cim ah mäih ah m’khoichak khai nei. M’si shep naw ghui la ngui am cim ah mäih ah Bawipa ah ng’shä tüih naw taigü gui cu theing sak gui khai nei, cun ah kyasei ngami naw Bawipa am, ng’düng cicu pe lawk khai gui nei.

MALAKHI 3:3 Referans Kwoze

ISAIAH 1:25

Nangmi ah khan ah hnu ng’tuk ne bi ka bik khai. M’si ng’eek ngeet ah mäih ah kaning ngeet gui khai, kä nami theingthap nak avan ka nawt heng yawp khai.

NG'THU K'THUUK~ 17:3

Ghui la ngui cu mei awn m’num ah kyak ci, chang ah m’lung kyong cu Bawipa naw m’num ci.

HEBRU 12:10

Akhin ak tawi hta ah kyong ung hnicim chang mi pa naw bä ciah ang ngaih ah nam cäi gui ci; Cun ung phi Khanpughi naw mikmi ah mi kyom nak vai hmawk ah amät ah mäih ah mi theingcim vai ah nam cäi gui ci.

DANIEL 12:10

Chang akda gui cu theingthap khai gui nei. Chang shekha gui cu a i kä hmat u ne, shekha lä khai gui. Cüivai ciah chang gui bäng naw hmuhmat khai gui.

ZEKHARIAH 13:9

K’pawih ba ciah bum ät cu kei naw ka m’nüm gui khai. Ngui cu mei awn m’ciim ah mäih ah kei naw ka m’ciim gui khai. Ghui m’nüm ah mäih ah ka m’nüm gui khai. Cun kawn ah kei ah ma ah taigü lawk khai gui, kei naw ka m’shang gui khai. Ngami cu ka chang gui ah ami kyak ah mawng kei naw ka m’thein gui khai. Kei cu ami na Khanpughi ah pyen ne ngami cu ng’kiaa lawk khai gui.”

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

PHILIPPIAN 2:17

Nami yum nak awn Khanpughi am nami peit ah khawihnah nak ah khan ah, kei ah ka hnun si cu kam soi ah a kyak ung phi kei cu ka yei ci nei, nangmi phi ka ning yei sak gui ci nei.

SAM 66:10

Nang naw na na m’nüm gui ci, Khanpughi; Ngui cu mei awn m’nüm ah kyak ci, cun ah kyasei na na m’nüm gui ci.

THU PHLAAN 3:18

Cun ah kyasei na bühmang nak vai ah kei ah ghui akcang cu na k’hleih law vai ah ka ning m’cäi ci nei. Na k’plui ci kya ne nang aa nak na shung nak vai ah sui k’theing la namik am dei nak vai ah mik m’tui nak cu kei ah na khleih law vai nei.

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

1 PETER 1:7

Cun ah yaica geinvai nak cu nami yum nak a khän la kä cun ah m’nüm nak ah kyak ci. Didap thei ciah ghui cu mei awn m’nüm ah kiak ci, ghui ah mä küikyang pi ciah nami yum nak cun phi m’nüm vai ah kyak ci, Cun ung vah khän htek nak om sei, Bawi Jesuh Khrit a kyum law ba hnüüp ung m’hlüngtai nak, bämang nak la chang m’sui nak cu nami gah khai.

ROMAN 12:1

Cun ah kya sei phäi nau gui aw, Khanpughi naw a nam gein nak gui cu däm aih ci kya sei, kei naw ka ning m’cäi gui hlü cu: Ak ghing ah m’küi m’khän nak ah Khanpughi ung ng’ap u ne, a khuut bi nak ung ngün kyük ne nami yei vai nei. Cun cu nang mi naw nami ng’ap nak cu akcang ah khawihnah nak ah kyak ci nei.

LUKA 3:16

Johan naw, “Kei naw tui awn ng’hnim nak ka ning pe gui ci. Cun ung phi kei ah hlüngtai pi cicu lawk khai, Kei cu ani ah phahnak gui phi kä ka k’phian hning ci, ani naw Mumcha Theing la mei awn hnim nak ning pe gui khai;

NG'THU K'THUUK~ 25:4

Ngui ungka ang eek gui cu lak yawp ah a kyak ung ngui shep ci naw akiom ah shep khai.

SAM 4:5

Bawipa-am dung ciah khawihnah nak cu pe vä, Ani ung be sei ng’ ap vä.

THU PHLAAN 1:6

Apa Khanpughi ah khuut bi vai ah a uknak khaw ung Taigü ah na m’düih gui ciah Bawipa Jesuh Khrit cu, hta ng’shon ung bämang ne hlüngtai ne om sä! Amen.

1 PETER 2:5

Toulung ghing ah kya ne law vä, mümcha bum im cawh nak ung mang vai ah kya vä, cun ah bum im ung nangmi cu, Khanpughi ah dou hlü ah, mümcha küikyan nak cu, Bawi Jesuh Khrit ah ming ung khawihnah ciah theingcim ciah taigü ah nami kyak khai nei.

2 TIMOTHI 4:6

Kei läi cu ng’ghuthaa nak ah ka kyak nak vai ah akhin gawk law pyi ci nei, shin ah ghin nak kang kawn taak vai ah a khin phi ng’et lawk ci nei.

ROMAN 15:16

Cun ah m’gäi nak cu chang khui hei gui ah hmawk ah a khuut bi vai ah Bawi Khrit Jesuh ah changshäm ah kyak nak ah kyak ci. Chang pakhui hei gui cu Khanpughi ah dou hlü ah khawihnah nak ah kyak ci. Chang pakhui hei gui cu Khanpughi ah dou hlü ah khawihnah nak ah kyak ciah, Mumcha Theing naw Khanpughi am a ap ah ami kyak law vai ah, keinaw k’taigü ah bi bi ne, Khanpughi ah kaa lawk ciah Thu Ni cu ng’shäu ne ka pyein ci nei.

HOSEA 14:2

Bawipa ah ng’hlat ba vä, shin ah taigü nak cu ani am nai douthak ah ky a sä. “Kami kat nak avan na m’geinsei gui ne, kami taigü na dou pe gui ä, Keimi naw kami shaitak ah mäih ah kami ning m’hlüngtai khai nei.

ISAIAH 48:10

Ngui cu meicang ung m’hling ne m’ciim ah mäih ah nangmi cu khüikha nak ah mei awn ka ning m’nüm gui ci nei. Cun ung phi nangmi a i ah kä nami mawng ci nei.

SAM 116:17

Kei naw m’hlüngtai ne khawihnah nak ka ning pek khai nei, ka taigü ka ning pek khai nei.

SAM 50:23

M’hlüngtai nak khawihnah ne bik ciah chang cu, kei na m’taam khah ciah kyak ci, kei na läk ciah chang phung cu akcang ah ka hun khai nei.

PHILIPPIAN 4:18

Nang mi naw nami nam khäh law avan ka gah ah manwg cu shin ung kam dang ci nei. Cun gui cu kei ung hlü ciah mä däm pi ci nei! Nang mi ah m’cümhnah tu Epaphroditus ah law püi gui cu kei ung däm pui khai ah ka gah ci nei. Cun cu tuihlim ne ng’ui ciah Khanpughi bawihma nak la Khanpughi naw m’hni häihhäih ne a dou ah khawihnah nak ah mäih ah kyak ci nei.

ISAIAH 61:6

Nangmi cu khanpughi ah changshäm gui, Bawipa ah taigü gui ah ning hmat gui khai gui. Nangmi cu chang pakhui gui ah khawh cham awn yeikyai u ne, a cun gui nami ka-nak ah mawng nami khähghah khai.

THU PHLAAN 5:10

Nang naw ngami cu Khanpughi ah khuut bik khai gui ah ngung nak ah taigü ah na k’hmoh gui ci. Ngami naw m’dek khan ah uknak cu gah khai gui nei,” ciah kyak ci.

SAM 50:14

Yeikyai ne ghu tha nak cu Khanpughi am pe vä, Nami shaitak om ciah mäih ah hlüngtai pi cu khawihnah vä.

SAM 51:19

Cun ung ghutha nak, mei awn m’khih ne khawihnah nak gui cu nang naw yei ne dou ci sei; seipat gui awn phi na mang kyang ung khawihnah vai nei.

JEREMIAH 9:7

A shin ah kiasei m’gäi ciah Bawipa naw a pyen cu, “Kei naw ka chang gui cu m’si m’cim ah mäih ah ka m’cim gui khai, ka m’nüm gui khai. Kei ah ka chang gui naw akshe bik ci gui — Kei naw a i ka bi pe gui khai ang?

EZEKIEL 20:38

Ng’küknet ne katnak bik ci gui cu nami ng’lung ungka ka heng gui khai. Ngami tuhbäi ami om nak ah khaw ungka a hei ah ka la gui khai, cun ung phi Israel khaw ah kä ka law ba sak gui khai. Cun ung kei cu Bawipa ah nangmi naw nami na hmat khai.

DANIEL 11:35

Cüivai ciah ang vaihta gui cu ngawn gui khai gui cun ung phi cun ah ami ngawn ah phäh ah chang gui cu theingthap lawk khai gui. Shin cu Khanpughi ah m’hnüt nak ah khin kä a gawk pha ah chuih a cun ah kya lä khai.

MALAKHI 4:1

Hlüngtai ciah Bawipa naw, “Chang ah ng’shei ci gui la changshe gui cu khu chawng mei naw a uih ah mäih ah a uih sak gui vai ah hnüüp gawk lawk ci nei. Cun ah hnüüp ung ngami gui cu ui gui yawp khai, a i phi kä k’pawih ba khai.

KHEI NAK 8:6

“Israel chang gui ungka Levit gui cu na khei gui vai, na gäsei gui vai.

SAM 4:6

Taigü ci chang akda om ci: “Hrilham ak dapi na pe gui ä, Bawipa. Na k’dük nak awn na teng gui ä!”