MALAKHI 3:2 - Cho Bible Common Language 2016

² Cun ung phi ani a law hnüüp ung a u naw khan hning khai aw? Ani ang dang law ung a u naw phyawn na hlawt khai aw? Ani cu theing khai ah m’si nak ah satpya, m’si shep nak ah mei ah mäih ah kyak khai nei.

MALAKHI 3:2 Referans Kwoze

ZEKHARIAH 13:9

K’pawih ba ciah bum ät cu kei naw ka m’nüm gui khai. Ngui cu mei awn m’ciim ah mäih ah kei naw ka m’ciim gui khai. Ghui m’nüm ah mäih ah ka m’nüm gui khai. Cun kawn ah kei ah ma ah taigü lawk khai gui, kei naw ka m’shang gui khai. Ngami cu ka chang gui ah ami kyak ah mawng kei naw ka m’thein gui khai. Kei cu ami na Khanpughi ah pyen ne ngami cu ng’kiaa lawk khai gui.”

ISAIAH 4:4

A huhan awn Bawipa naw chang pakhui cu m’khoisha ne theithap sak khai, Jerusalem ah cheishoh nak la a cunang li ciah si cu m’si yawp khai.

THU PHLAAN 6:17

Ngami ah m’lungshe nak ah khaw hnüüp gawk law pyi ci nei, cun cu a u naw ng’düi ne awt hlawt khai yaw?” cine ng’khü ci gui.

LUKA 21:36

Tholet ne nami om vai, gawk lawk khai ah kho ah shet nak cu m’khüt ne, chang ah Htapa ah ma ah ng’düi ne m’khoichaa nak nami awt hning vai ah angtäi sei taigü ne nami om vai nei” ci ne m’cäi gui ci.

SAM 2:7

Ghangpughang naw, “Bawipa ah thu m’shäk cu kei naw ka ng’shäu khai. Ani naw kei am, “Nang cu ka ning htapa nei, Tuhngawi kei cu nang ah Pa ah ka kyak ci nei.

LUKA 3:17

Ani naw alo ma ah geit khäm ne chüdawn awn chü netah, ang tak cu khei ah thun ne, ang shi cu kä phät hlawt ciah mei awn m’khih khai.

LUKA 3:9

Singghing päng ah kung cu ghei akghaat awn m’täh ci nei, kä m’theih ciah sing phung cu chu pit ne, mei k’cang ung k’bum khai nei.

MALAKHI 4:1

Hlüngtai ciah Bawipa naw, “Chang ah ng’shei ci gui la changshe gui cu khu chawng mei naw a uih ah mäih ah a uih sak gui vai ah hnüüp gawk lawk ci nei. Cun ah hnüüp ung ngami gui cu ui gui yawp khai, a i phi kä k’pawih ba khai.

THU PHLAAN 2:23

Ani läk ciah chang gui cu ka ngawn gui khai, cun kawn ah kei cu chang nüng ah m’lung ngaih la ng’yak hlü ka hmu hmat ciah, khrithabum avan naw hmat khai gui nei.

HEBRU 12:25

Nangmi cu thu k’aw ng’yak vai noi mak ciah chang ah kä nami kiak vai ah nami geing nak vai nei. Khomdek khan ung khankho thu ngaih yak vai ah mak ciah chang gui cu kä phyawng ci gui nei. Cun ah kiasei mikmi naw Khankho ah kaa ng’thu pyein lawk ci cu, mi hnu nak ah a kyak ung a i ung phi kä mi phyawng hlawt khai nei.

JOHAN 8:55

Nangmi naw ani cu kä nami hmat ci, cun ung phi kei naw ka hmat ci. Kä ka hmat ci ka ci ung ka hleei ka pyein ciah kyak khai. Kei naw Kapa cu akcang ah hmat ne ang thu cu ka ngai ci.

LUKA 2:34

Simeon naw hrilham pe gui netah, Nu Mari-am a pyein nak cu; Israel chang da gui ami didap vai la hun nak ami gah vai ah hmawk ah shin ah ak hmawhta cu Khanpughi naw a ghü pyi nei. Ani cu Khanpughi m’hnüt nak ah kya ne, chang gui naw hnu ng’tuk püi ne ami ng’thu nak awn, ami mät ah m’lung kyong cu dang sak khai gui nei.

JEREMIAH 2:22

Nang cu aktung pikbäih ah satpia awn na ng’si ung phi, nang ah katnak cu dang sei ka hmuk ci nei.

ISAIAH 1:18

Bawipa naw pyen ci, “Tuhbäi amawng ama mi pyen khai. Nangmi cu katuak ah sisen nawn nami ng’hläuk ci, cung ung phi khüi bawk vaisü ah theing kiah khai ah ka ning m’si gui khai. Nangmi cu lelawinak awn sisen ah nami kiakung phi. Htawmu ah mäih ah nami bawk khai nei.

MATTHE 25:10

Kä lunglang ci gui cu yinan hleih khai gui ah ami hteh yah ung chumah khai ah pamihta cu gawk lawk ci. Ana ngäng ge ciah lamihta gui cu ani awn a täng ah hta m’um pawi kyong ah lut u netah shoh cu ak khai shüt ci gui.

MAKUH 9:3

A suisak cu pyü ne ng’shü ne bawk ne khang lawk ci, acun ah mäih ah bawk khai ah khomdek khanchang naw a u naw kä m’sumsäi hlawt khai.

EZEKIEL 22:14

Kei naw nang ah ka bi yawp kawn ah nangmi ung thamah k’pawih ba khai, nami kut nami chan nak vai ah thagui om ba khai ah nami ngai ne ma? Kei, Bawipa naw ka pyen nei, kei naw na ka ng’thu ka k’pang ci nei.

THU PHLAAN 19:8

Ani cu a suisak vai ah theing ne ng’ciim ciah sui phi gah pyi ci nei. (Sui k’ni cicu Khanpughi ah chang gui ah om ih k’ni ah kyak ci.)

THU PHLAAN 7:14

Ani naw, “Ngami cu geinvai nak ah dukdeiu nak ungka phiawng lawk ci gui ah kyak ci nei. Ngami cu ami suinu gui avan Htomehta ah si ung bawk khai ah pheet pyi ci gui ah kyak ci.

LUKA 7:23

Kei ah khan ah ang ngaih gep cicu yeikyai nak akda om ci nei” cine m’thein goi ci.

1 SAMUEL 6:20

Beth Shemesh ah chang gui naw, “Theing cim ciah Khanpughi, Bawipa ah ma ah a u ng’düi hning khai ang? Mikmi ungka naw ani a hei ah hteit khai ah a hawi mi tüi khai ang?” cik ci.

SAM 76:7

Cun ung phi nang Bawipa cu van naw ning kyih ci nei. Nang na m’lung she yah ung na ma ah a u kä ng’düi hlawt ci nei.

SAM 130:3

Kami katnak gui na na m’hnüt pek gui ah akyak ung, a u naw m’kyuk nak ung nak phyawn gui hlawt khai aw?

NG'THU K'THUUK~ 25:4

Ngui ungka ang eek gui cu lak yawp ah a kyak ung ngui shep ci naw akiom ah shep khai.

ISAIAH 33:14

Zion ung shekak ciah chang gui cu kyi ne ng’hlet u sä. Ngami naw, “Khanpughi ah ng’thumcha nak cu mei ah mäih ah kya ne angtäi sei ui ci nei. Acun ah mäih ah mei ung ka, mikmi mi k’pawih hning khai aw?”

DANIEL 11:35

Cüivai ciah ang vaihta gui cu ngawn gui khai gui cun ung phi cun ah ami ngawn ah phäh ah chang gui cu theingthap lawk khai gui. Shin cu Khanpughi ah m’hnüt nak ah khin kä a gawk pha ah chuih a cun ah kya lä khai.

JOEL 2:11

Bawipa naw khong hmum ah mäih ah agakap gui thumkhän gui ci. Ani ngai ciah ga-mo cu chün ne m’gäi ci. Bawipa ah hnüüp cu kyih aih vai kyak ci nei! A u pawih ba hning khai aw?

NAHUM 1:6

Ani am lungshe ung a u ghing ba hning khai aw? Kyih shek ciah am lungshe nak ung a u om hning khai aw? Ani naw mei ah tawt ciah am lungshe nak am hluh Law ung kheng lung cu thüng ne ama ah m’vut ah kyak khai gui nei.

ATÜNNAK 19:28

Ani naw dan neta, Sodom la Komorrah la khaw ng’nawi avan ung meikhu bäng ah ng’lawi ne khu sei hmuk ci.

JOB 28:1

Ngui cawh nak ah khui gui om ci, ghui m’si nak ah hmun gui om ci.