MALAKHI 3:16 - Cho Bible Common Language 2016

¹⁶ Cun kawn ah Bawipa kyih aa ci gui cu, ami mät ng’ce ng’cäk u sei, Bawipa naw ngai ne ami ng’thu ng’yak ci. Khanpughi kyih aa ne chang m’sui ciah chang cu, amät ah ma ah ca uk ung gu ne m’hnüt ci.

MALAKHI 3:16 Referans Kwoze

THU PHLAAN 20:12

Cun kawn ah sik ci gui cu ak yaw akdäm ah a ciah mangkiaang ah maa ah ng’düi lawk ci gui. Cun ung cachaw gui phi ng’phian lawk ci gui, cun kawn ah ghin nak ah ca-uk ah kyak ciah a hei cachaw phi ng’phian lawk ci. Sik ciah chang gui cu, cun ah ca-uk gui ung gu ne ami m’hnüt gui ah ami mät ah om ih ah ciah m’khoichaa nak gah ci gui.

SAM 56:8

A i hlawk ah ka khüikha cu nang naw na hmat ci; ka ng’phli tui cu gi na ne, na gim ci. Ngami naw na na uk ung kä m’hnüt tu u ne ang?

MALAKHI 4:2

Cun ung phi kei na läk ciah nangmi ah phäh ah ka hun nak huham cu khohni ah mäih ah nami khan ah so lawk khai, hni ah pyü ne gai nak law püi khai. Nangmi cu phyawng ne, sei im ungka lut law ne ng’hlü ciah sei hta ah mäih ah nami yei khai.

THU PHLAAN 15:4

Nang cu kä ning kyih aa ne, A u kä om hlawt khai nei, Bawipa! Nang ah küikyang hlüngtai nak cu ng’hlahta ne, A u om hlawt khai ang? Nang bäng na theing ciim ci nei. Nang ah bilawh cu chang avan naw hmu pyi ciah kyasei, Khaw päng ungka chang nüng law ne, Ning khawihnah lawk khai gui nei” ciah kyak ci.

HEBRU 10:24

Mikmi cu tumat la tumat mi ng’tengkhen tu u neh, mi ng’hteihtang tu u neh, mi ng’yumhni tu u ne, ni kyom ne mi om khai nei.

1 THESSALONIAN 5:11

Acun ah kyasei tuhbäi nami bi ah mäih ah tumat la tumat k’thagui nami ng’peit tu vai, nami ng’hteihtang tu vai nei.

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

LAMKTU 9:31

Cun ah kyasei cun yah ung, Judea, Kalile, la Samaria khrithabum gui cu ding gei nak om lawk ci. Khrithabum ghui cu Khanpughi kyih aa m’hlüngtai u ne, Mumcha Theing ah htagui be nak awn da law pi k’täi ci gui.

ISAIAH 26:3

Ami ng’bünak htek sei k’pang ne nang ung ami ngaih gep ci gui am. Nang, Bawipa naw kümbe ciah dimdeeih nak na pek ci nei.

LAMKTU 10:2

Ani la akyong ungka gui ami van cu Khanpughi yum ne kyih aa ci gui ah kya ci. Ani cu Jew chang gui am akda pe taak gui ne, angtäi sei Khanpughi ah taigü ne om ci.

EZEKIEL 9:4

“Jerusalem mang gaw avan ung hteit ne, mang gaw kyong ah shemshai nak ami bi gui avan ah phäh yaica khüi kha ciah chang phung cu a m’calai ung na m’hnüt vai nei.

SAM 34:15

Bawipa naw düng ciah chang gui cu teng khen gui ci, ami ng’khü phi ngai pe gui ci.

EPHESIAN 5:19

Tumat la tumat nami thu ng’htau nak ung hlim ciah ng’äi gui, m’hlüngtai nak ng’äi gui, theingcim ciah ng’äi gui awn nami thu ng’htau vai nei: nami m’lung kyong ah Bawipa cu m’hlüngtai ne, hlim ciah ng’äi gui la m’hlüngtai nak ng’äi gui cu nami m’cu vai nei.

LAMKTU 1:13

Ngah mi cu pigaw ah gawk u ne tah, ami im kai ah im kyawng ah lut ci gui: cun gui cu, Peter, Johan, James, Andru, Philip, Thomas, Bartholome, Matthe, Alfeas ah hta James, Simon ak ling lah James ah hta Judas gui ah kyak ci.

DANIEL 7:10

Acun ungka mei cu tuii ah long lawk ci. Acun ung chang phia khak naw a bii bik ci gui, chang tämkäp phya khak cu a ma ah ng’düi ci gui. Ng’thu m’cha nak bi lawk khai gui ah kya sei, ca uk gui cu m’auh ne tha ci gui.

LUKA 2:38

Ak hmaw ami ap law sang ung cun ah hnumi cu gawk law netah, Khanpughi m’hlüngtai ci! Cun kawn ah Jerusalem cu hun lawk khai’ ciah ngäng ci gui ah chang gui-am, ak hmawhta ah mawng cu m’thein gui ci.

ESTA 6:1

Acu mü ung ghangpughang cu kä ip hlawt ci. Cun ah kyasei ani naw a uknak khaw ah mawng ca guk gui cu law püi ne ama ah ami phat vai ah thukbäi gui ci.

LAMKTU 2:1

Pentekos hnüüp ung yum ciah chang gui cu hmun ät ung a täng ah ng’bum ci gui.

ISAIAH 65:6

“Ngami m’kyuk gui vai cu kei naw ka m’hnüt k’bäi pyi ci nei, Ngami m’kyuk nak gui phi guk pyi nei-ngami naw ami bi pyi gui cu kei naw kä ka nawng düt khai nei, cun ung phi ngami naw

ISAIAH 50:10

Bawipa m’tamkhah ci gui, a changshäm ah ng’thu läk ci gui avan, nami hteh nak ah lam cu akcang ah hmüp khai nei. Cun ung phi Bawipa ung ng’ap vä, khanpughi ung khäng hteh vä.

ISAIAH 26:8

Nang ah ng’yak hlü cu kami läk ci nei, nang ung ngaih u nak kami tak ci nei; keimi ah ng’yak hlü avan cu nang ah kyak ci nei.

NG'THU K'THUUK~ 13:20

Cüivai ci awn ng’khawtsheng cicu cüivai lawk ci, Chang kaa awn ng’khawtsheng cicu dishum thei ci.

SAM 147:11

Ani ah lünlawi nak cu, ani m’tamkhah ciah chang la ng’täi ciah am’hni nak ung yum htek ciah chang gui ah kyak ci.

SAM 139:4

Kei naw ng’thu kä ka pyen pha ung, kei naw a i ka pyen vai cu nang naw na hmat pyi ci.

SAM 119:63

Kei cu na khuut bik ci avan la na thukhän läk ci avan ah teihpüi ah ka kyak ci.

SAM 111:10

Khanpughi kyih aa nak cu cüivai nak ah lam ah kyak ci; Ani ah thumkhän läk ciah chang phung-am gei ciah m’khoi cha nak cu pek ci. Ani cu angtäi sei m’taam nei.

SAM 94:19

Kei cu cäicat ne ka ng’ä ai yah ung, nang naw m’lung na üp sak ne, na na yei sak ci.

SAM 66:16

Khanpughi m’kümto ciah chang gui, law ne ngai law vä, kei ah hmawk ah abi gui cu ka ning m’thein gui khai nei.

SAM 33:18

Ani ngai ci la ng’täi ciah am hni nak ung ng’ap cicu Bawipa naw ngäng ci.

SAM 20:7

Am shah cu ng’tuk mei awn ng’tau sei, amshah cu ng’se awn ng’tau ci, cun ung phi keimi cu kami Khanpughi Bawipa ah hlüngtai nak awn kami ng’tau ci.

SAM 16:3

Bawipa ah bekhüt ciah ak chang gui cu a i hlawk ah küikyang ci ang! Kei ah hlüngtai pi ciah yeikyai nak cu ngami awn atäng ah om ci nei.

SAM 10:4

Changshe naw Bawipa cu a i ah kä sui ci; Chang ah ng’shei u ne, Khanpughi kä hlü ciah ngai ci.

JOB 28:28

Khanpughi naw chang gui pyen na gui ci, “Nami cüivai vai nei, Nangmi naw Bawipa cu nami chang m’sui vai nei. Nami hmat vai cu, nangmi cu akshe ungka nami ng’hlah law ba vai.”

ESTA 2:23

Cun ah mawng cu ng’shi gui u ne, akcang ah a kyak cu hmu u neta, ani nik hnih cu singtung ung m’awh goi ci gui. Cun ah amawng gui cu uknak khaw ah yungca ung ami guk vai ah ghangpughang naw k’bäi gui ci.

2 SHONTÄP NAK 6:7

Solomon naw k’täi ne pyen ne, “Kapa David naw Bawipa Israel Khanpughi khawihnah nak vai ah Taigüim cawh vai ah pawng htein ci.

1 GHANGPUGHANG GUI 18:12

Kei naw ka ning hteh tak kei yah ung, Bawipa ah mümcha naw nang cu kä hmat nak ah hmun ah a ning hteh ei püi ah a kyak ung, kei a i ah ka kyak khai aw? Nang shin ung na om cu kei naw Ahab am ka m’thein khai, ani naw law ne kä a ning hmuh ah a kyak ung, ani naw kei cu na ngawn khai nei. Na shüm vai cu, kei cu ka hmaw hta sang ge ung akcang ah Bawipa ka khawihnah ci nei.

2 SAMUEL 7:1

Ghangpughang David cu amang im ung om sei, Bawipa naw aga avan ung gung ci.

HEBRU 12:15

Khanpughi ah chimgein nak cu a u naw Kä noi maa-en sä. Khak ciah sing naw am äm tui awn chang akda cu yaica sak ci, acun ah mäih ah a u phi kä ah kiak-en vai nei.

HEBRU 3:13

Nangmi cu cheishoh nak ung kä thuvi ne kä nami lingkheng-en vai ah, cacim theing naw “tuhngawi” ciah thu anam thein nak gui a om ah chuih, ak hnüüp tä sei tumat la tumat anmi hteinghtang tu vai nei.

1 THESSALONIAN 5:14

Phäi nau gui aw, ning m’cäi gui nei; a om shek ci gui khän ne m’cäi vä, kyikyawk ci gui thamah nak pe vä, yoken ci gui m’hteihtang tu vä, chang nüng ah khan ah hnimgei nak awn om vä.

SAM 104:33

Ka ghin ah chuih Bawipa am ng’äi ka m’cu khai, ka om ah chuih ng’äi ka m’cu khai, ka Khanpughi ka m’taam ci nei.

1 GHANGPUGHANG GUI 18:3

Cun ah kyasei Ahab naw mang im uk ciah Obadiah cu khü ci. (Obadiah cu Bawipa aktung ah khawihnah ciah chang ah kyak ci,

ATÜNNAK 22:12

Khankho chang naw, “Cän ah a hmaw kä na tawn nen vai, a i phi kä na bi en vai, tumat bäng ah na hta cu kei k’thäh ngä sei, na na pek ci, Khanpughi ah ng’thu ngai ne na m’tamkhah cu ka hmat pyi ci nei” cik ci.

PHYAWN NAK 32:32

Na bä ni, ami katnak m’geinsei gui ä; kä na m’gein gui vai ung, na chang gui ah ming na guk nak ah ca-uk ung kei ah ming cu na pheng vai nei” cik ci.

ISAIAH 4:3

Jerusalem ung ghing ne on ba ciah chang nü. Khanpughi naw k’pawih khai ah a ghü gui cu theingüim ciah khü gui khai gui.

JEREMIAH 8:6

Kei naw gaung na ne ka ning ngai gui ci, cnun ung phi nangmi naw düng ciah thu kä nami pyen ci. Nangmi ungka tumat naw phi nami cheishoh nak ah phäh ah kä nami a yä ci; nangmi ungka tumat naw phi “A i ah a hma ka bi ne?” cine kä nami ng’shik ci. A chang nü cu ng’tuk nak ung hteit khai ah ng’se ah ng’güüt ah mäih ah amät ah lam phäh phäh nami k’pang ci.

JEREMIAH 31:18

“Israel chang gui ayä neta ami pyen cu ka ng’yak ci, ‘BAWIPA, keimi cu sei k’zäng ah mäih ah kami om ci nei, cun ung phi nang naw na bet ng’yak vai ah na na m’thei gui ci. Nang ah ng’hlat law ba vai ah kami pawng püi ci kya sei; na ng’hlah ba püi gui ä. Bawipa, kami Khanpughi.

DANIEL 12:1

Linen sui sui ciah Khanpughi naw pyen ci, “Cun ah akhin ung na chang gui ngäng ciah dämduh ciah khanchang Michaela cu dang lawk khai. Cun kawn ung changpakhui gui ami om kawn ah kä kya man ciah khüikha nak pikbäih ah akhin cu gawk lawk khai. Cun ah akhin a gawk law ung Khanpughi ah ca-uk ung aming ami guk ah na pakhui ungka chang avan cu hun nak gah khai gui.

NEHEMIAH 1:11

Tuhbäi kei ah taigü na ngaih pe ä, nang ning m’tamkhah hlük ciah a hei na chang gui ami van ah taigü phi ngaih peä. Tuhngawi kei ung näng nak na yuk pe lawä, uktu bawi am kei cu na chimgein sak ä.” Cun yah ung kei cu uktu bawi am sapyit tui thak ciah ka kyak ci nei.

SAM 56:9

Kei naw ka ning khü hnüüp ung, ka gaa gui cu ng’hlat ba khai gui. Cun cu ka hmat ci; Khanpughi cu kei lam ah om ci —

SAM 115:13

Ani kyih aa ciah chang phung cu a zaw adäm ah ciah hriham pe gui khai nei.