MALAKHI 3:12 - Cho Bible Common Language 2016

¹² Chang pakhui avan naw yeikyai ciah chang ah ning khü gui khai, nami khaw phi nik ciah om nak ah hmun ah kyak khai.

MALAKHI 3:12 Referans Kwoze

ZEKHARIAH 8:23

Cun ah hnüüp ung a khawhei chang, chang sing gha cu, Jew chang tumat ah law u neta, “Nang ah bä nak cu kami ng’pai tu hlük ci nei, a i ah kyasei ci ung, ‘Khanpughi cu nang awn atäng ah om ciah kami ng’yak ci nei, cik khai gui’” cik ci.

ISAIAH 61:9

Ngami cu chang pakhui gui ah ng’lung ah ming thang khai gui; ngami hmu gui ciah chang päng naw kei naw hriham ka pek ah chang ah kyak ci gui ah hmat gui khai.”

ISAIAH 62:4

“Ami nawng nei” cine a u naw kän ng’khü ba khai. Mi khaw phi “Nawng ah Chu nei” cine a u naw kä khü ba khai. Nang ah na ming thai cu, “Khanpughi naw a zei nak nei” ciah kyak ci. Nami khaw cu, “zeikiai nak awn ng’chula ci” cine khü khai gui. A i ah kyasei ci ung Bawipa naw nangmi cu ning yei na gui ci, ani cu nami khaw ah cei ah mäih ah kyak ci.

LUKA 1:48

Ani naw yoken ciah akchang shäm cu na shüm ci nei, Tuhbäi tün ne chang van naw yeikyai chang ah na khü Khai gui nei,

DANIEL 11:41

Ani naw shaitak ah khaw phi tuk khai, chang tämkäp phia khak ngawn gui khai, cun ung phi Edom, Moab, la Ammon ah ak eng täng khaw gui cu phyawng khai gui.

DANIEL 8:9

Cun ah phli ungka tumat ung a ki hta tumat law law ba ci, Cun ah huham cu a htum täng, a khei täng la shaitaak khaw güt ah gawk ci.

JEREMIAH 33:9

Jerusalem cu kei ah phäh ah yeikyai nak, m’tamkhah nak la ng’häh leh nak ah a phung ak kyak ci; Jerusalem chang gui ah phäh ah akni ka bi nak ah mawng cu, khomdek khan ah pakhui päng naw ami ng’yak ung kyi ne ng’hlet khai gui.”

SAM 72:17

Ghangpughang ah ming cu a u naw kä m’hnih en sä; Hni a ghin ah chuih aming thang sä. Khanpughi naw ghangpughang hriham a pek mäih ah changpakhui van naw hriham cu ng’zoi u sä.

2 SHONTÄP NAK 32:23

Chang akda cu Jerusalem ah law u ne, Bawipa am douthak vai la Hezekiah am m’cümhnak vai law püi ci gui, cun ung tün ne chang pakhui avan naw Hezekiah cu m’tamkhah lawk ci gui.

THULÄÄN NAK 11:12

Bawipa nami Khanpughi naw shin ah khaw cu m’htei ne, a kum pum a ngäng ah kyak ci.

MALAKHI 3:13

Bawipa naw, “Nangmi naw kei ah mawng cu akshe ah nami pyen ci, Cun ung phi nangmi naw, Nang ah mawng a i ang kami pyen?” nami cik ci.

ISAIAH 62:5

Ng’piangmi hta naw ng’lami hta ak chu vai a lak ah mäih ah nangmi ning pyang gui ci naw ning puikhah püi gui khai. Chumah khai naw ak chu vai cu a yumhni ah mäih ah Nami khanpughi naw nangmi cu ning yumhni gui ci.