Biblia Todo Logo
Bib sou entènèt

- Piblisite -




MALAKHI 3:11 - Cho Bible Common Language 2016

11 Nami geitkaw gui cu m’kyiit awn kä ka m’di sak khai, nami sapyit ng’shun gui cu akda ah m’theih khai.

Gade chapit la Kopi




MALAKHI 3:11
15 Referans Kwoze  

Cun ah na bi ah a kyak ung ani naw na khaw ung khotui a hlü yah ung khaw yuk aa law sak khai, hting khaw htui khaw ung phi, cun ah kyasei nangmi ah hmawk ah htang, sapyit la oliv situi cu da khai.


Seisa gui kä kyi vä. Khulim gui m’kim ci; sing ghing gui theih ci, Thei gui la sapyit gui phi chün ci nei.


Ngami cu ding gei sei ami m’shi geit khai gui, ami sapyit gui cu m’theih khai gui, khomdek naw akda vauipai sak khai, khawtui phi nik khai. Kei naw shin ah hriham gui cu k’pawih shut ciah ka changpakhui am ka pek khai.


Kei naw asiip lam ah ka lawk ciah khanpeh gui cu ka gawt khai am shah cu khong gau khaw ah ka k’täm gui khai. Ma ciah a khawng gui cu tuisi tuinu ung ka täm gui khai, am shah akhawng gui cu Mediteranean tuinu ung lut khai gui. Sik ciah pumsa gui cu hniim khai gui. Nangmi ah khan ah ami bi avan ah phäh ah kei naw ka m’di gui khai.


Khagek gui cu geit gui ung ng’hlom ne ng’hlom ne ngok ci gui; Ng’hlom ät ayon ba ung, hlom ät ngo law ba ci.


Kei naw ng’liing ciah khokhi, kho k’aa awn nami geit phung m’di ne, ka ning m’di gui ci. Cun ung phi nangmi kä nami ng’yuu ba ci.


“Kei naw nami geit chawng sak khai ah ng’hüüt ciah khokhi cu ka tüi lawk ci. Khanpeh gui naw nami loma avan, nami geit a vuipai avan, nami thei ghing gui, olive sing gui ei yawp ci gui. Cun güt ung nangmi kei ah kä nami law ba ci.


Thei gui kä a m’theih ba ung phi, Sapyit gui kä a ng’shun ba ung phi, Olive sing theih a kyawi yawp ung phi, lolai ung geit kä a thawh ba ung phi, htome gui avan a sih yawp ung phi, sei ng’vong gui a ghawng yawp ung phi.


Sapyit ng’shun gui la thei ghing gui cu chawng ci gui; m’theih ciah aghing gui avan chawng ne sik ci gui. Chang gui ah yeikyai nak phi maih ci nei.


“Lo bik ci naw geit bum ne a khäm ah mäih ah kei naw ka chang gui cu ka khäm gui hlük ci. Cun ung phi ngami cu a hnah ng’yai sei phi kä m’theih ciah sapyit ah mäih, kä m’theih ciah thei ghing ah mäih ah kyak ci gui; cun ah kyasei kei naw khi akpung ah chang gui am khi ka khäm sak gui ah kyak ci.


Ngami naw mi sapyit gui m’di ci gui mi thei ghing gui phi ei yawp ci gui. Ngami naw a hnawk gui m’neeit u sei, angban gui phi bawk yawp ci.


Cun ah khin ung kei naw ka chang gui Israel gui ah taigü cu ka m’shang khai. Kei naw khomdek khan ah khaw ka aa sak khai. Cun ung khomdek ung htang ni, sapyit ni, olive ni gui cu m’theih pai khai gui.


Na shum nak gui cu ka ning pe ba khai ng’hlom ciah khanpeh gui naw na geit gui ami ei ah kum ung ka ah kyak ci. Shin ah gakap cu nang ning hnungtuk püi khai ah ka tüih law ah kyak ci nei.


Kei naw khomdekkhan ah khaw käu nak ka yuk chah khai — khogui, khomhtung, loma lai ma, oliv-loma — m’dek ung tho ciah geit avan ah khan — chang avan, khisa avan, ah khan la nami geit nü ah khan ah.”


Swiv nou:

Piblisite


Piblisite