MALAKHI 3:10 - Cho Bible Common Language 2016

¹⁰ Bum gha bum ät cu akbe ah Taigüim ah nami law püi vai. Cun ung ei awk vai cu nami khaw ung da khai nei. Cun ah bi u ne kei cu nami na m’nüm vai, Kei naw khankho m’kawt hmawng ne akni akbä avan ka ning yuk lawn gui cu nami hmuk khai nei.

MALAKHI 3:10 Referans Kwoze

MATTHE 6:33

Khanpughi ah uknak kho la ang düng nak cu akhtük bäih ah nami shui vai, cun kawn ah a päng avan cu ning pe gui khai.

SAM 37:3

Bawipa ung ng’ap ne, akni bi vä, ng’dü ung ng’len ne, puui ne om vä.

THULÄÄN NAK 28:12

Ani naw khankhomik ah bühmang ciah a im ungka khaw a aa khin ung khaw yuk aa law sak khai nami bilawh avan hriham pek khai. Cun ah kyasei nangmi naw chang pakhui akda am nami k’pu m’hnih khai. Cun ung phi na mi mät cu a u ah phi kä nami pu ng’yoi khai.

TAIGÜTHUM 27:30

Lolai ung m’thawk ci avan ungka bum gha bum ät cu htang ah a kyak ung phi, sing m’theih ah a kyak ung phi Bawipa ah kaa ah kyak ci.

NEHEMIAH 12:44

Cun ah khin ung pami gui cu, Taigüim ung ami pek tak gui ami tha nak ah khei, ngäng khai gui ah ami tha gui ah kyak ci. Cun ah khei ung bum gha bum ät, akum tä sei ami khäm law htük ah pümhtang, a theih akum tä sei ami khäm avan cu ami tha ah kyak ci. Cun ah chang gui naw ami bi vai cu, thukhän naw akthäh ah, mang gaw gui ah pei ung, ami lo gui ung ka, taigü gui la Levit gui ah phäh ah ami loh gui vai ah kyak ci. Judah chang gui ami van naw taigü gui la Levit gui cu yei na gui ci gui,

KHEI NAK 18:21

Bawipa naw pyen ci, “Israel chang gui naw kei am ami na peik ah bum gha bum ät cu Levit gui am ka pe gui ci. Cun cu kei ah om nak ah Phung ngäng m’htei ne ami bilawh ah hmawk ah kyak ci.

TAIGÜTHUM 26:10

Nami geit khäm cu da aih khai, kum ät ung ng’büh ne pawih khai, nangmi naw pawih ciah geit phyim cu huk u ne, geit thai nami m’sep khai.

2 GHANGPUGHANG GUI 7:2

Ghangpughang m’täh ciah chang naw Elisha am, “Bawipa amät naw ang ghit ah ei kho a yuk aa sak ung phi, cun ah kä kya hning khai nei!” ci nak ci. Elisha naw, “A cun ah a kyak cu nang naw na hmuk khai, cun ung phi api phi nang naw kä na ei tuk khai” ci nak ci.

2 GHANGPUGHANG GUI 7:19

cun cu bawi naw m’shang ne, “Cun cu kä kya hning khai — Bawipa amät naw ang ghit ah ei kho a yuk aa sak ung phi kä kyak khai!” cik ci. Elisha naw pyen ba ne, “Nang naw cun cu na hmuk khai, cun ung phi api ah phi ei cu kä na ei tuk khai.”

HAKKAI 2:19

Paan ung htang kä om ci, Sapyit, thei he, olive sing kä m’theih phak ci. Cun ung phi tuhbäi ung tün ne, hrilham ka ning pe gui khai” cik ci.

NEHEMIAH 13:5

Ani naw akhan akdäm tumat Tobiah am khah tuk ci, cun cu ami douthak law ah pümhta, la tui ng’ui gui, Taigüim ung htungmang gui; taigü gui ah phäh ah douthak ak gui, Levit gui, Taigüim ung ng’äi awm ci gui, Taigüim ngäng ci gui ah phäh ah pümhta ni, sapyit tui ni, oliv-situi ni ah bum gha bum ät gui ami tha nak ah kyak ci.

NEHEMIAH 12:47

Zerubabel ah akhin la Nehemiah a khin ung Israel chang gui ami van naw, Taigüim ung ng’äi awm ci gui la Taigüim ngäng ci gui ah phäh ah a hnüüp tä sei m’cümhnah nak cu pek ci gui. Chang gui naw theingthap ciah douthak nak cu Levit gui am thak ci gui, Levit gui naw mä ami law püi gui cu taigü gui am pek ci gui.

ATÜNNAK 7:11

Noah cu a khawkum phya chuk abe nak, ak cha goi nak, a hnüüp gha lei chih nak ung m’dek khui tui m’kawt hmawng ne, khankho tui m’kawt hmawng sei, m’liktui phu ne,

THUSHÄUTU 11:3

Sing ghing cu a i täng ah a kyuk ung phi, a kyuk nak ung ng’yän ci nei. Khomei a be law ah akyak ung kho aa ci nei.

1 SHONTÄP NAK 26:20

Ahei ami Levit-paw gui cu Taigüim ung khawhcham gui la Khanpughi am ami ap ah m’cümhnah nak tha nak ah khan gui ngäng ci gui.

TAIGÜTHUM 26:3

“Nangmi cu kei ah thukhän ah mäih om u ne, ka thumkhän nami läk ah a kyak ung,

THULÄÄN NAK 12:6

Acu ah nangmi naw nami khawihnah nak nami douthak vai kyak ci. Cun gui cu m’khih nak, a hei khawihnah nak gui, ami bumgha bum ät la douthak gui, Bawipa ung nami shaitak ah m’cümhnah gui, nami päingye douthak nak la nami sei la htome gui ah hta htük gui ah kyak ci.

THULÄÄN NAK 14:22

“Bum gha ung bum ät cu nami khoi hnga vai, akum tä sei nami kholo ung m’thawk ciah avan ah bum gha ung bum ät cu nami khoi vai.

THULÄÄN NAK 14:29

Cun cu Levit gui ah hmawk ah kyak ci. Ngami khaw kä tak ci gui, khaw hei chang gui, hmeinu gui, hmeihta gui, nami gawnu ung om ci gui ah phäh ah phi kyak ci. Ngami cu law u ne ami ng’yak hlü cu gah khai gui. Cun ah nami bi vai, cun ung Bawipa nami Khanpughi naw, nami bi nak päng ung hriham ning pe gui khai.

SAM 78:23

Cun ung phi ani naw Khan mawpi ah thu m’shäk ne, am kawt gui cu hmawn sak ci;

EZEKIEL 34:26

“Kei naw ngami cu hriham pe gui ne ka khomhtung theing ah angveing ung ka om sak gui khai. Khotui ami ng’yak hlü yah ung kei naw khaw aa sak ne hriham ka pe gui khai.

EZEKIEL 44:30

Am theih pai htük aknipi avan la kei am ami na douthak phung cu taigü gui ah kaa vai ah kyak ci. Chang gui naw m’htut ami ng’shai päng ung ami ng’shai hlük cu taigü am ami douthak vai, cun ung kei ah hriham cu ami kyongkhui ung gawk lawk khai.

HOSEA 2:21

Cun ah khin ung kei naw ka chang gui Israel gui ah taigü cu ka m’shang khai. Kei naw khomdek khan ah khaw ka aa sak khai. Cun ung khomdek ung htang ni, sapyit ni, olive ni gui cu m’theih pai khai gui.

JOEL 2:19

Ani naw m’shang gui ci, “Tuhbäi kei naw, htang m’guh ni, sapyit tui ni, olive situi ni, ka ning pe law gui khai, nangmi cu nami phü khai. Ahei pakhui gui naw kä ning päipih ba gui khai.

JOEL 2:24

Htang m’häi hmun cu htang m’guh awn be ne; neen nak ah akpei gui cu sapyit tui la olive situi awn pleip khai gui.

ATÜNNAK 28:22

Shin ah shüm ba vai ah lung, kei naw ka ng’lin cu, nang ning khawihnah nak ah hmun ah kyak khai nei. Kei naw phi na na pek gui phung ungka bum gha bum ät cu ka ning pek khai.”