MALAKHI 2:9 - Cho Bible Common Language 2016

⁹ Nangmi naw ka ng’yak hlü kä nami läk ci, ka chang gui nami m’thei ung phi, chang päng ah ng’yak hlü ah kä nami m’thei ciah kyasei, kei naw, Israel chang gui naw ami ning päipih gui vai ah ka bik khai.

MALAKHI 2:9 Referans Kwoze

1 SAMUEL 2:30

Kei cu Israel gui ah Bawipa Khanpughi, na kyongkhui la na pakhui naw angtäi sei taigüpa ah kya ne, bi ami bi vai ah cau kei naw shai ka tak ci nei. Cun ung phi tuhbäi ka pyen cu kei ung cun kä om ba ci! Acun nak vai sü ung, Na m’tam cicu ka m’tam ba khai, na päipih cicu kam shemshai khai.

THULÄÄN NAK 1:17

Nami phukpit kaiyawih nak ung a u täng ah phi kä nami kyak vai. Chang päng cu täng khai nami ng’thumcha vai, a u kä nami m’khawm hnga vai. A u kä nami kyih vai, nami phukpit kaiyawih nak cu Khanpughi ungka lawk ciah nami bi ah kyak ci. Amawng tumat cu nangmi ah phäh ah a khak aih ah a kyak ung kei ah nami law püi vai, kei naw ka phupit kaihyawih khai.’

KALATIAN 2:6

Ang vai ah ng’shei ci gui, a u naw phi kei-am ak thai kä na m’shüm thein tuk ci gui. Ngami ang vai ah ami kyak la kä ami kyak cu kei ah hmawk ah kä küikyang ci, a i ah kyasei ci ung Khanpughi naw ak pung a teng nak awn a i kä m’khoichak ci.

LUKA 11:42

“Pharisee gui aw, nangmi ung shetkat nak om ci, nangmi cu thuilim, am-hnah avan ung bum ghaa bum ät, Khanpughi-am nami peit ung phi, m’tara nak la Khanpughi yum hni nak cu nangmi naw kä nami yuk ngai lawk ci nei. Peit taak nak phi nami bi vai, ahei bilawh vai gui phi kä nami nawng vai ah kyak ci nei.

LUKA 10:29

Thukhän saya naw amät ah hmuhmat nak m’dang hlü netah, “Kei ah ka ng’kho chang cu a u ang?” cine ng’shi ba ci.

MALAKHI 2:8

“Cun ung phi tuhbäi nangmi taigü gui cu, lam ng’düng ungka nami ng’phleng ci. Nami m’theithang naw akshe akda bi vai ah lam shüm ci. Nangmi ung ka ng’thumkhän cu nangmi naw nami gäi ci.

EZEKIEL 13:21

Kei naw name lupawng gui cu aat pit ne, nangmi ah huham ungka ka Chang gui cu hnü ät ge ka m’hlawt gui khai nei. Cun kawn ah nangmi naw kei cu Bawipa ah na mi nah mat khai nei.

1 GHANGPUGHANG GUI 22:28

Mikaiah naw pyen ne, “Nang phyawng ne na law ba ah a kyak ung, kei ung Bawipa naw ng’thu kä pyen ciah kyak khai!” Ani naw m’khah ba ne, “Chang päng naw kei ah ng’thu cu ngai vä!” cik ci.

MALAKHI 2:3

Nami hta gui cu ka m’kyuk gui khai, Nami ghu tha nak ah seime ah ek awn nami hmai ka ning pet gui khai — nangmi cu ek ng’pum ah khan ah ning ghawh gui vai.

NG'THU K'THUUK~ 10:7

Changnigui cu shüm gui vai. Cun cu phyuhtheh nak ah kyak ci, changshe gui cu ang ghit ah m’hnih gui vai kyak ci.

EZEKIEL 7:26

Lei gai tumat naw tumat läk lawk khai, ng’thu kshe cu ang shun ah name ng’yak khai. Prophet gui naw ami hmuh gui cu ami m’dang vai ah nangmi naw name ng’paa na gui khai. Taigü gui naw chang gui kä m’thei thang khai gui, agham hta gui naw m’shum thein nak kä pek khai gui.

MIKHAH 3:11

Mang gaw uktu gui naw, khawh la ne uk ci gui, taigü gui naw pek vai ah thukhän m’than ci gui, prophet gui naw ngui ami gah vai ah phäh ah cängbang ci gui — cun ung phi ami van Bawipa naw om püi gui ciah pyen ci gui. Ngami naw, “Akshe keimi ung kä gawk lawk khai, Bawipa keimi awn om ci” cik ci gui.

NAHUM 3:6

Nang cu gup shoh nak ning pe ne, Thüi nak awn ka ning uk khai. Chang gui naw ning shemshai ne ning päipih Khai gui.

JOB 32:21

Shin ah ng’thu pyen nak ung kei cu a u täng ah phi kä ka kyak khai, A u phi kä ka m’tam khah khai nei.

NG'THU K'THUUK~ 12:8

Nang cu na lulang ung m’tam nak na gah khai, na gu ang ung chang gui naw ning yuk teng khai gui.