MALAKHI 2:7 - Cho Bible Common Language 2016

⁷ Khanpughi ah akcang ah hmuhmat nak m’thei vai cu taigü gui ah bi vai ah kyak ci. Kei ah ng’yak hlü ng’thei tuk khai gui ah chang gui cu ngami ah hteit khai gui, A i ah kyasei ci ung ngami cu hlüngtai ciah Bawipa ah ng’shä tüih ah kyak ci gui.

MALAKHI 2:7 Referans Kwoze

TAIGÜTHUM 10:11

Kei naw Moses ung ka ning pek gui ah ng’thukhän avan cu Israel chang gui am na m’thein gui vai nei.”

THULÄÄN NAK 21:5

Levit taigü gui phi acu ah ami hteh tu vai. A i ah kyasei ci ung cun ung kyak ciah hungsai a mawng päng cu ngami naw m’khoichak khai gui ah kyak ci. Bawipa nami Khanpughi naw ngami cu ghü gui ci. Ngami naw ani ah khut bi u ne, ani ah ming ung hriham cu ng’shäu ci gui.

2 KORIN 5:20

Tuhbäi keimi naw Bawi Khrih ah hnün ung kami ning thu püi gui ci, Khanpughi a mät naw keimi ung om ne a ning thu püi gui ah mäih ah kyak ci. Bawi Khrih ah hnün ung keimi kami ng’ge ci nei; Khanpughi ah gaa ungka naw a teihpüi ah ng’thawng tu vä.

1 THESSALONIAN 4:8

Shin ah m’theithang nak hnu ng’tuk püi ciah chang cu, chang hnu ng’tuk püi ciah kä kyak ci, Mumcha Theing na pe gui ciah Khanpughi cu hnu ng’tuk püi ciah kyak ci.

LAMKTU 16:17

Cun ah hnumi hta naw Paul la keimi cu kami hnu ah na läk law gui netah, “Shin ah chang gui cu Hlüngtai pi bäih ciah Khanpughi ah chang gui nei! Ngami cu nangmi am hun nak ah mawng ning m’thein gui ciah kya ci gui nei” cine m’lau ci.

EZRA 7:10

Ezra naw a ghin nak ap neta, Bawipa ah thukhän cu ng’thei ne acun ah bi ne, thukhän gui la läk vai gui avan cu Israel chang gui am m’thei gui ci.

2 SHONTÄP NAK 30:22

Levit gui naw Bawipa khawihnah nak cu akni ah ami bi ah phäh ah Hezekiah naw m’hlümtai gui ci. Ami pupa gui ah Khanpughi Bawipa m’hlümtai nak ah khawihnah nak douthak nak a hnüüp chih kawn ah,

JOHAN 20:21

Bawipa Jesuh naw, “Nami khan ah ding gei nak om sä, Kapa naw kei ana tüih law ah mäih ah, kei naw nangmi cu ka ning tüi gui ci nei” cik ci.

JOHAN 13:20

Kei naw akcang ka pyein cu, “Kei ah tüih law dou cicu kei na dou ciah kyak ci, kei na dou cicu kei na tüi lawk ci dou ciah kiak ci” cine m’thein gui ci.

MALAKHI 3:1

Hlüngtai ciah Bawipa naw, “Kei ah hmawk ah lam pyang khai ah ka ng’shä cu ka tüi lawk khai. Cun kawn ah nang naw na shui ah Bawipa cu ang ghit ah pum im ung gawk lawk khai. Nang naw na hmuh ah ka ng’shä cu law ne ka thukhän cu ng’shäu khai” cik ci.

HAKKAI 1:13

Hakkai naw Bawipa ah ng’thu chang gui am a pek gui cu, “Kei cu nangmi awn atäng ah ka om khai, cun cu ka shaitak nei” ciah kyak ci.

JEREMIAH 18:18

Cun kawn ah chang gui naw pyen ci gui, “Jeremiah ah mawng tumat mat ah mi bik khai nei! Na m’cumcäi gui ciah taigü gui, napüi gui ciah cüivai chang gui, Khanpughi ah ng’thu ng’shäu ciah prophet gui cu akphlüt ah om man ci nei. Ani ah khan ah k’bün nak law püi ne mi hnungtuk püi khai nei, ani ah pyen cu kä mi ngai ba khai nei.”

JEREMIAH 15:19

Cun ci ngäta Bawipa naw, “Nang na law ba ah a kyak ung kei naw ka ning la ba khai, nang cu kei ah changshäm ah na kya ba khai. A kholä ah ng’thu nak vaisü ung bä ciah thu na ng’shäu vaisü ung nang cu kei ah prophet ah na kya ba khai süte. Chang gui cu nang ah law ba khai gui, ngami ah nang na hteh vai kä hlü ci.

ISAIAH 44:26

Cun ung phi kei ah ka chang shäm naw cängbang nak abi ah a kyak ung, kei ah ka pawng püi gui m’than khai ah ng’shächang ka tüih ah a kyak ung. Cun ah pawng püi nak gui la cängbang nak gui cu akcang ah kyak khai ah kei naw ka bik ci. Kei naw ka m’thein gui ci. Jerusalem ung chang gui om ba khai gui, Judah mang gaw gui co ba khai gui. Cun ah mang gaw gui cu didam nak ung ka, Tho law ba khai gui.

THULÄÄN NAK 24:8

“Nangmi cu puung ciah kheilei ung gaw ne nami yaica ah a kyak ung Levit taigü gui naw a ning m’thein gui ah akcang ah bi vai ah nami cimvai vai nei. Kei naw ka pek gui ah ami shümthein nak cu ami läk vai.

KALATIAN 4:14

Kei ka gawpyam nak naw nangmi a ning cüngvawn sak gui ung phi, nangmi naw kei cu kä nami na päipih ci, kä nami na hnu ng’tuk püi ci; Khankhochang ah mäih, Bawi Khrit Jesuh ah mäih ah nangmi naw kei cu nami na dou ci.

ISAIAH 42:19

Kei ah changshäm ah ta amik mü tuba ci, a u om ne ang? Ka tüih law ah ng’shächang ah ta ak hnga pang tu ba ci, a u om ne ang?

KHEI NAK 27:21

Ani cu taigü Eleazar ung ng’yung khai, ani naw Urim la Thummim mang ne kei ung ng’thei khai. A cu cha ah Eleazar naw Joshua la Israel chang bum avan cu ami mawngma nak avan ung m’shümthei gui khai.”

1 SAMUEL 2:17

Shin ah Eli ah hta gui ah hmakat nak cu Bawipa ah ma ah, ak ka pi k’bäih ah kyak ci, a i ah kyasei ci ung ngami naw Bawipa am douthak cu kä chang m’sui u ne, shicha bik ci gui.

2 SHONTÄP NAK 31:4

Cun kawn ah ghangpughang naw Jerusalem chang gui am, taigü gui la Levit gui naw ami gah vai ah khin ciah douthak cu ami law püi vai ah pyen nah gui ci. Cun ah kyasei ngami naw Bawipa ah thukhän naw ak thäh ah mäih ah ami khin avan cu pe hning ci gui.

EZRA 7:25

“Nang, Ezra naw Khanpughi naw aning pek ah cüvai nak cu mang ne Khanpughi ah ang thukhän awn ghing u ne, Euphratis ah akhei täng ung om ci gui ah chang avan uk gui khai ah uktu gui la suki gui cu na m’düih gui vai nei. Cun ah thukhän cu kä hmat tu phak ci päng am m’thein gui vai nei.

NG'THU K'THUUK~ 5:2

Cun ung nang naw a i hawkcha kümbe vai cu na hmat khai. Na ng’thu gui naw nang ung hmu hmat nak om ciah dang sak khai.

JEREMIAH 2:8

Taigü gui naw, ‘A hawi ang Bawipa?’ cine kä ng’shi thäh ci gui. Kamät ah taigü gui naw kä na hmat ci gui. Uk tu gui naw na hnungtuk püi ci gui; Prophet gui naw Baal ah ming ung thu pyen u ne, akholä ah kyak ciah a gup cu khawihnah ci gui.

EZEKIEL 7:26

Lei gai tumat naw tumat läk lawk khai, ng’thu kshe cu ang shun ah name ng’yak khai. Prophet gui naw ami hmuh gui cu ami m’dang vai ah nangmi naw name ng’paa na gui khai. Taigü gui naw chang gui kä m’thei thang khai gui, agham hta gui naw m’shum thein nak kä pek khai gui.

DANIEL 11:33

Cüivai ciah ang vaihta gui naw chang akda am cüivai nak ah mawng m’thein khai gui. Cun ung phi kä shou pha sei amshah cu ng’tuk nak ung ngawn gui khai gui, amshah cu guttep u ne thawng ung chum khai gui.

HOSEA 4:6

Kei ah ka chang gui cu ng’yiin ci gui. A i ah kyasei ci ung ngami naw kei cu a i ah kü na ngai ci gui. Nami taigü gui naw kei ami na shüm vai ah na ngai ci gui, kei ah m’theithang cu hnungtuk ci gui, acun ah kya sei, kei naw ning hnungtuk gui ne, nami hta gui cu ka taigü gui ah kä ka ngai gui khai.

ZEPHANIAH 3:4

Prophet gui cu a i kä bik ci gui, hleeihlak ci gui, taigü gui naw thu theing cu m’shet u ne, Khanpughi ah thukhän cu amimät ah ng’thu awn k’caw ci gui.

2 GHANGPUGHANG GUI 16:11

Uriah naw a cun ah mäih bä ah sonkiang cu pyang ne Ahaz kä a law ba pha ung ana pyi ci.

2 GHANGPUGHANG GUI 16:16

Uriah naw ghangpughang ah thumkhän ah mäih ah bik ci.

THUSHÄUTU 5:5

Shai tak bi neta kä k’pan ah ta, shai kä tak ling cu bä tuba ci.

EZEKIEL 22:26

Taigü gui naw ka thukhän cu m’shet u ne, a theingcim cu kä kyih aa ci gui. Ngami naw theingcim ci la kä theingcim cicu kä m’khoi chak ci gui. Ngami naw theithang ci gui, kyiin hnüüp cu nawng ci gui. Ak hnu ah Israel chang gui naw kei cu kä na chang m’sui ci gui.

ZEKHARIAH 7:3

taigü gui la prophet gui am phi shin cu ng’shi sak goi ci gui “Cau tün ne bi man ah mäih ah a cha hma nak ung ei hlawi ne, Taigüim adi ah phäh ah mi thüisei lä khai ang?”