MALAKHI 2:5 - Cho Bible Common Language 2016

⁵ “Ka thukhän ung ghin nak la bämcam nak cu ka shaitak ci, cun cu ka pek gui ah kyak ci. Cun ah kyasei ami na kyih aa vai kyak ci. Acau läi ngami naw na chang m’sui ne na kyihkyawk man ci gui.

MALAKHI 2:5 Referans Kwoze

EZEKIEL 37:26

Kei naw ngami awn thukhän ka bik khai, acun naw ngami cu khan gui sei ngawizä ngaih gep ne om khai gui. Kei naw cokyang ba gui ne, ami chang ka da sak gui khai, ami khaw ung ka Taigüim ka tha khai, cun cu ngawi yä a cu ah om khai.

EZEKIEL 34:25

Kei naw ngami awn thukhän ka bik khai, acun naw ami ngaih gep nak vai ah ng’kham pe gui khai. Kei naw kyihkyawk vai kyak ciah khisa gui avan khaw ungka ka k’täm gui khai, cun ung kei ah ka htome gui cu phyawng m’htein ne lolai ung lum u ne, bung hmu ah ip khai gui.

KHEI NAK 8:15

Nang naw Levit gui cu ng’gängsei sak gui ne na ap gui kawn ah ngami cu Phung ung bii bi hning khai gui ah kyak ci.

KHEI NAK 3:45

“tuhbäi, Israel gui ah ami hta htük gui avan ah hnün ung Levit gui cu kei ah chang ah kyak khai gui ah ap vä. Israel gui ah vuhchah gui ah ami hta htük gui ah hnün ung Levit gui ah vuhchah gui cu ap ä.

KHEI NAK 25:7

Cun cu Eleazar ah hta, taigü Aaron ah tu Phinehas naw hmu neta, ng’düi law ne chang bum cu hteh tak ci. Ani naw ak htei la neta,

KHEI NAK 25:8

shaum kyong ah pami la hnumi cu läk law goi neta, ani nik hnih htei awn vawi goi ci. A cu cha ah

SAM 61:5

O Khanpughi, ka shaitak cu na ng’ya pyi ci nei. Nang ning m’tam ngak ci gui ah ami mang vai cu nang naw na na pek ci nei.

NG'THU K'THUUK~ 14:2

Nami htingling vai. Htingling ci naw Bawipa a kyih aa nak dang sak ci. Kä nami htingling ung kä nami kyih aa ciah kyak ci.