MALAKHI 2:3 - Cho Bible Common Language 2016

³ Nami hta gui cu ka m’kyuk gui khai, Nami ghu tha nak ah seime ah ek awn nami hmai ka ning pet gui khai — nangmi cu ek ng’pum ah khan ah ning ghawh gui vai.

MALAKHI 2:3 Referans Kwoze

NAHUM 3:6

Nang cu gup shoh nak ning pe ne, Thüi nak awn ka ning uk khai. Chang gui naw ning shemshai ne ning päipih Khai gui.

MALAKHI 2:9

Nangmi naw ka ng’yak hlü kä nami läk ci, ka chang gui nami m’thei ung phi, chang päng ah ng’yak hlü ah kä nami m’thei ciah kyasei, kei naw, Israel chang gui naw ami ning päipih gui vai ah ka bik khai.

JOEL 1:17

Khomdek chawng sei geit m’shi gui sik ci. Khei ung thun vai htang kä om ci, khei gui ghawng ne ng’phye yawp ci nei.

1 GHANGPUGHANG GUI 14:10

Acun ah phäh ah kei naw na mangshon ah khan ah leigai law püi ne, na hta ng’shon ak hmaw angvai pami avan ngawn khai nei. Nang ah kyongkhui cu kei naw ka nawt heng khai, ngami cu eek-pyaw ah mäih ah pheih phai gui vai.

PHYAWN NAK 29:14

Cun ung phi vantang ah asa, avun la a eek gui cu, phung hmun ah k’pung ah mei awn m’khih vai. Cun cu taigü gui ah katnak m’hlawt nak ah kyak ci.

1 KORIN 4:13

Na yokshe na gui ci a om ung m’gein nak thu kami m’khäh ci. Keimi cu tuhbäichü m’dek khan ah k’shinshap, khomdek ung ng’awt ng’saup ah mäih ah kami kyak ci.

LUKA 14:35

Lai ah hmawk ah phi bäi, m’dek ani vai ah hmawk ah phi bäi, kä mang ba phyak ci. Cun ah kyasei chang gui naw, fit ghawt düt ci gui, akhngaa om ci naw ng’ya sä” cik ci.

JEREMIAH 8:2

Bum ne phuh nak vaisü ung ami guh gui cu eek ah mäih m’dek ung ng’zän khai gui. Cun gui cu ng’zaih düt u ne, hni ni, cha ni, aisi ni gui ah ma ah ng’pho khai gui, cun gui cu shin ah chang gui naw m’hni gui ne, abii bi u ne, ng’shi k’thah gui ne, ami khawihnah gui ah kyak ci.

SAM 83:10

Endora kho hmun ung nang naw tu gui ci sei, ami pumsa cu khomdek ung ng’dawn ci nei.

JOB 20:7

ai cu m’vut ah mäih ah pawng khai nei. Ani hmat ciah chang gui naw ani ah hteh nak ah phäh ah cäi khai gui nei.

TAIGÜTHUM 26:16

kei naw ka ning m’kyuk gui khai. Kei naw nami khan ah leigai ka law püi khai. Kä m’htei hlawt vai ah katnak, gawpai nak gui; a cun gui naw nami mik m’dauh sak khai, nami ghin nak kholä sak khai. Nangmi naw m’shi nami geit khai, cun ung phi cun naw kä ning ni sak gui khai, a i ah kyasei ci ung nami ga gui naw ning näng gui u ne, nami geit phi ei yawp khai gui.

THULÄÄN NAK 28:38

Nangmi naw m’shi akda nami phu khai, cun ung phi api hta nami khäm ba khai, a i ah kyasei ci ung khanpeh gui naw nami geit gui ei khai gui.

SAM 47:5

Khanpughi cu a mang kiang ung hang kai ci, Bawipa a hteh sangung, yei nak m’lau k’aw la phyung heng tum k’aw cu ng’shan ci.

JOEL 1:10

Lolai gui auh ci gui; khomdek thüikyap ci, a i ah kyasei ci ung htang gui di yawp ci, sapyit gui ket yawp ci, olive sing gui chawng yawp ci.