MALAKHI 2:2 - Cho Bible Common Language 2016

² Nami bilawh nak phung ung kei cu nami na kyih aa vai. Kei ah ka ng’thu cu kä nami ngaih ah a kyak ung, nami khan ah plah tam nak ka law püi khai. Nami ng’dühshon nak vai ah nami gah ah khan ah phi plah tam nak ka chah khai. Nangmi naw ka thumkhän cu a i ah kä nami sui ci kyasei, nami gah gui ah khan ah plah tam nak cu ka chah pyi ci nei.

MALAKHI 2:2 Referans Kwoze

THU PHLAAN 14:7

Cun ah khankho chang naw, “Khanpughi cu m’tamkhah vä, a hlüngtai nak cu m’kümtou vä! Chang am khoichaa nak vai ah akhin cu gawk law pyi ci nei. Khankho khomdek, tuinu tuihta avan, tüisho ciah Khanpughi cu khawihnah vä” cine m’lau ci.

LUKA 17:18

Khanpughi m’hlüngtai khai ah shin ah chang khui hei ah kawn ah a u kä om ba ne ma?” cine ng’shi gui ci.

SAM 69:22

Ami näng ei cu ami di nak ah kya sä; ami ei theing cu ami zu ng’kyak nak ah kya sä.

1 PETER 4:11

Thu pyein ci phung naw Khanpughi ah ng’thu ng’shäu ne pyein ah mäih ah a pyein vai; khuut bik ci phung naw Khanpughi ah peit ah k’thagui awn abi vai. Cun ung vah a mawng a ma avan ung, Bawi Jesuh Khrit ung Khanpughi cu m’kümto hlawt vai. Cun ah Bawipa ung bämang nak la hlüngtai nak cu ngawiyä khäng ne om sä. Amen.

MALAKHI 3:9

Nami van ah khan ah plah tam nak om ci, a i ah kyasei ci ung changpakhui avan naw nami na gut tep ci nei.

EZEKIEL 3:7

Cun ung phi Israel Chang gui a u naw phi kä ngai hlük khai nei; Ngami naw kei phi kä na ngai khai gui nei. Ngami ami van cu ami m’lung ling sei ai kä tä ci gui ah kyak ci.

THU PHLAAN 16:9

Chang gui cu cun ah ng’ling aih ci naw ui law gui khätah, leigaai gui ah khan ah a huham om ciah Khanpughi cu m’shetkat ne ng’thu ci gui. Cun ung phi ngami cu ami katnak ung phi kä ng’yu ba u ne, Khanpughi phi kä m’kümto ci gui.

HAKKAI 1:9

“Akda nami khäm khai ah ngai u ci sei phi, api ah taang ci. Im ah nami law püi ung kei naw ka muh phyit ci. A i ah kyasei cun ah ka ci ang? A chang sing nami im ah ng’ä ne co u ci sei, ka Taigüim seka ne a kyak ah phäh ah kyak ci.

HAKKAI 1:6

Nangmi cu akda geit u ne phi api hta nami khäm ci. Nami ei vai om sei phi kä nami phü ci, nami awk vai om sei phi kä nami ng’büh ci. Nami sui vai om sei phi oh khai ah kä nami sui ci. Bii bik ci naw ang cheng awn a hnun a m’ghin nak vai ah kä ng’büh ci.

JEREMIAH 34:17

Cun ah ki asei tuhbäi, kei Bawipa naw ka pyen cu, nangmi naw kä nami na ngai ci, nangmi naw nami Israel paw gui ami phiawn nak vai kä nami pek ci. Ak bä ah kei naw phiawn nak ka ning pe gui khai; cun cu phyawng ne ng’tuk nak gawpyam nak, ei cawi nak ung sih nak ah kyak ci nangmi ah khan ah ka bi nak awn khomdek khan ah chong pakhui nei kyikyawk khai ah ka bik khai.

ISAIAH 57:11

Bawipa naw pyen ci, “Keina m’hnih sagei u ne, nami hleei pyen ne nami na m’thein ü awng vai ah, nami kyih ah khanpughi gui cu a u gui ang? Kei cu ak shounu a düm ah ka om ci kyasei, nami na m’tamkhah vai cu nami düm ei ne ma?

ISAIAH 47:7

Nang naw angtäi sei, ghangpughang ah na kyak khai ah na ngai ci, shin gui cu nang naw na m’lung ung kä na tha ci, shin gui avan ng’pyi khai ciah phi kä na ngaih tüh ci.

ISAIAH 42:25

Cun ah kyasei am lungshe nak ah aktawt cu mi gah ne, ng’hnüüt ciah ng’tuk nak ung mi yai ca ci. Ani ah m’lungshe nak naw Israel khaw avan cu mei ah mäih ah ui ci. Acun ungka, mikmi naw mi ng’thei nak a i phi kä om ci.

JOSHUA 7:19

Joshua naw ani am, “Ka hta aw, Israel gui ah Khanpughi Bawipa ah ma ah akcang na pyen vai, na ng’yu ba vai. A i na bi cu tuhbäi na na m’thein vai. Kei ah ma ah na m’yih vai ah kä na tha nak en vai” cik ci.

NG'THU K'THUUK~ 3:33

Bawipa naw changshe gui ah im cu plah taam ci. Cun ung phi düng ciah chang gui ah im cu hrilham pe gui ci.

MALAKHI 2:1

Hlüngtai ciah Bawipa naw taigü gui am, “Shin ah thumkhän cu nangmi ah hmawk ah kyak ci nei: