MALAKHI 2:16 - Cho Bible Common Language 2016

¹⁶ Israel Khanpughi Bawipa naw, “Ng’cha nak cu kei naw ka thüi nak ci, Nangmi ungka tumat mat naw shin ah mäih akshe cu, ak chu ah khan ah abi ung kei naw ka thüi nak ci. Nami chu ung bekhüt ne, shaitak kä nami m’shet en vai ah ng’htei cha ne nami om vai nei” cik ci.

MALAKHI 2:16 Referans Kwoze

LUKA 16:18

Akchu nawng ne a hei chu na tu ba ciah pami cu, akchu ah khan ah kat nak bik ciah kyak ci. Chang ah ng’chaa püi ah hnumi chu nak ci cu chang ah chu kat püi ciah kyak ci.

NG'THU K'THUUK~ 28:13

Na hmakat nak cu k’tha na ne na thuh ah a kyak ung, na ghin nak ung ngawi ah phi ka na naing khai. Na ng’kiaa yawp vai na nawng yawp vai: cun ung Khanpughi naw ning m’gein khai.

ISAIAH 50:1

Bawipa naw pyen ci, “Pami tumat naw akchu ang chaa püi ah mäih ah, kei naw ka chang gui a hei ah ka tüi gui ciah nami ngai ne ma? Cun ung ng’chaa nak ah ca a hawi ang? Chang tumat naw a hta gui khlei htei ah a yoih gui ah mäih ah, nangmi cu chang pha ah ka ning yoi gui ciah nami ngai ne ma? Nangmi nami katnak ah phäh ah pha ne ami ning hteh püi gui ah kyak ci; Nami cawi m’sa ah phäh ah ami ning k’täm gui ah kyak ci.

ISAIAH 28:20

Nangmi cu ng’thu thuk ung om ciah chang ah mäih ah nami kyak khai, ani cu akhaw azäih ung kä cun ciah phak ung, kä kyuup ciah yih ng’khuih ne ip ciah kyak ci.

1 KORIN 7:10

Ng’chula ci gui am ng’thu ka khän hlük ci, cun cu kei ah thukhän ah kä kyak ci. Bawipa ah thukhän ah kyak ci: ak chu naw acei cu kä ang ng’chaa püi vai.

SAM 73:6

Chang ah ng’shei nak äh awi u ne, m’ghä m’ce nak ah suinu sui ci gui.

NG'THU K'THUUK~ 5:20

Ka hta, a i ah kyasei na m’hni nak cu ahei hnumi am na pek vai ang? A i ah kyasei chang hei ah chu ah suuk cu na yap tu vai ang?