MALAKHI 2:12 - Cho Bible Common Language 2016

¹² Acun ah bik ci gui cu Israel pakhui ungka Khanpughi naw heng gui sä! Mi pakhui naw hlüngtai ciah Bawipa am pek vai ah ami law püi nak ung phi kä ng’caw tuba sak gui khai nei.

MALAKHI 2:12 Referans Kwoze

THU PHLAAN 19:20

Khiküi la ani ah maa ung cäi aih vai m’dang ciah purofet cu pha ne chum ci gui. (Cun ah purofet she cu khiküi ah m’hnüt nak gah ci gui la ani khawihnah ci gui-am cäi aih vai m’dang gui ne, cheishoh sak gui ciah kyak ci.) Khiküi la purofet she ani nik hnih cu, yam mei ah däi ciah meidäi ung yuk shum goi ci gui.

2 TIMOTHI 3:13

Chang shekha chang thuvi gui cu, shekha m’thüikhang law pi k’täi khai gui, chang naw phi phiui hnawk gui khai, chang phi phiui hnawk khai gui.

MATTHE 15:14

Cun ah kyasei ngami ah hmawk ah kä nami ng’ä vai, ngami cu amik käm dei ci lam shüm tuk ciah amik m’dauh gui ah kyak ci gui. Amik m’dauh naw amik m’dauh cu lam am shüm ah a kyak ung, ani nik hnih cu m’ghawng ah lut khai goi nei,” cine m’cäi gui ci.

MALAKHI 2:10

Mikmi mi van cu mi pa täng ciah kä kya ne ang? Mi van Khanpughi a mät naw na tüi gui ciah kä kya ne ang? A i ah kyasei tumat la tumat mi shaitak mi m’shet ang? A i ah kyasei mi pupa gui am Khanpughi naw shai a tak mi päipih ang?

MALAKHI 1:10

Hlüngtai ciah Bawipa naw, “Nangmi ungka tumat naw pum im shoh a khai vai ah ka ng’ya hlük ci, cun cu mang kyang ung mei, akholä ah a däi vai cu shungshet nak ah kyak ci. Kei naw kä ka ning yei na gui ci, nami na pek law phi kä ka dou khai.

ZEKHARIAH 12:7

“Kei, Bawipa naw, Judah gakap gui am näng nak ka pe gui ma khai. Cun ah kyasei David ah htangshon la Jerusalem chang gui naw ami gah vai ah m’tamkhah nak cu k’pawih ba ciah Judah gui ah mä kä däm pi khai.

AMOS 5:22

Nangmi naw m’khih ne douthak la htang-douthak nak nami law püi ung, kei naw kä ka dou khai. Plan ciah seime douthak vai nami law pü phi kä ka dou khai.

EZEKIEL 24:21

nangmi Israel gui am shin ah ng’thu ning m’thein gui vai ah kyak ci. Nangmi cu Taigüim ah khän htek nak awn nami khäh ghah ci. Nangmi naw acun nami teng hlük ci, acu ah nami hteit hlük ci, cung phi Bawipa naw cun cu lelawi law sak khai nei. Jerusalem ung k’pawih ba shüt ciah nami kyong chang ung ak hmaw ba gui cu ng’tuk nak ung ngawn gui khai gui nei.

EZEKIEL 14:10

Prophet la ani ng’shi thäh ciah Chang ani nik hnih naw m’kyuk nak a täng ah gah khai goi.

ISAIAH 66:3

“Chang gui naw ami mät m’hni ah bi bik ci gui. Cun cu, seipat ngawn ne ami khawihnah cu chang ngawn ne ami khawihnah ah’n täng ci; htome hta awn ami khawihnah cu ui ah gawn ami douthak awn täng ci; tui ng’ui ami douthak cu, agup ah ami taigü awn täng ci. Ngami cu shemshai ciah khawihnah nak ung lün lawi ci gui.

ISAIAH 61:8

Kei naw taga nak cu ka m’hni ci, shedam nak la cheishoh nak cu ka thüi nak ci. Kei naw ka chang gui ung bekhüt ka m’cümhnah gui khai, Nangmi awn ng’täi ciah thukhän ka bik khai.

1 SHONTÄP NAK 25:8

Bii ami bi nak vai ah ngami ami van, ak hmaw angvai, bi thei ci la bi law tu thai ci, ami van naw m’shüih tawk ci gui.

1 SAMUEL 3:14

Cun ah kyasei Eli ah kyong ung aktung ah ka m’dang cu, a i khawihnah nak, a i douthak nak naw phi, shin ah kyih vai ah katnak ah a phu cu kä heng hlawt khai,” cik ci.

KHEI NAK 24:5

Israel gui ah ami pyu gui cu kyom ci gui nei.

TAIGÜTHUM 20:3

Chang tumat mat naw a hta tumat mat cu Molek am pe ne, khawphung theing cu kä theingthap khai ah bi ne, ka ming theing a thüisei sak ah a kyak ung, kei naw hnungtuk ne ka ng’hlah tak khai, ani cu ka chang tumat ah kä ka k’bäi ba khai.

TAIGÜTHUM 18:29

Nangmi nami hmat ci, shin ah kä akni bik ciah chang phung cu, Khanpughi naw a chang tumat ah kä k’bäi ba khai.

HOSEA 9:12

Ami hta nau om sei ami däm ng’vai sak ung phi, kei na ka lak pe gui khai. Tumat phi ghing ne kä om khai gui. Kei naw shin ah chang gui ka nawng gui ah akiak ung ngami ah khan ah kyihkyawk vai gui gawk lawk khai.”

MALAKHI 1:13

Nangmi naw, ‘Shin ah hmawk ah kami cümbawng ci!’ cine, kei ungka nami hnga cu nami m’hlat ci. Nangmi naw nami na pektak law ung nami m’guk ah akghing gui la akshum, akgaw gui cu nami law püi ci. Cun cu ka dou khai ah nami ngai ne ang?