MALAKHI 2:11 - Cho Bible Common Language 2016

¹¹ Judah chang gui cu Khanpughi awn ami shaitak m’shet u neta, Jerusalem la khaw avan ung akshekha cu bik ci gui nei. Bawipa naw am hni ah Taigüim cu lelawi sak ci gui nei. Pami gui naw a khaw hei khanpughi gui khawihnah ci gui cu chu nak ci gui.

MALAKHI 2:11 Referans Kwoze

THU PHLAAN 21:8

Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.

HOSEA 6:7

“Cun ung phi Adam khonglei ung ami luh law vai am kei naw ngami awn ka bi ah thukhän cu m’shet ci gui.

EZEKIEL 22:11

Amshah gui naw chang ah chu hta kat püi u ne, amshah gui naw ami hta ah chu la ami ng’nam be gui cu kat püi ci gui.

EZEKIEL 18:13

ngui ataw ah ng’pu ci. Ani cu ghing khai ang? Kä ghing khai. Ani naw shin ah shemshai ci gui avan bik ci, cun ah kyasei anisik khai. Ani cu amät ah sih nak vai awn m’kat nak gah khai.

JEREMIAH 7:10

Shin ah kei naw ka thüi nak gui bi u ne, kei ah om nak ah ka mät ah Taigüim ung law ne ng’düi u neta, “Hun nak kami gah pyi ci nei” nami cik ci.

JEREMIAH 2:3

Israel gui, kei bäng naw nangmi ka ning ka na gui ci; Nangmi cu theingcim ciah kei ah ka ah nami kyak ci. Kei naw nangmi ning natsak gui ciah chang nü ah khan ah, yai ca nak la leigai ka tui lawk khai, Kei, Bawipa naw ka pyen ci.

SAM 106:28

Cun kawn ah Peor ung Khanpughi ah chang gui cu Baala khawihnah ci gui ung ng’dawn tu u ne, sik ciah khanpughi gui ah ghu tha nak cu ei tuk ci gui.

EZRA 10:2

Cun kawn ah Elam pahta, Jehiela ah hta Shekaniah naw Ezra am, “Mikmi naw akhawhei hnumi gui awn ng’chungla ne, Khanpughi yum nak cu mi m’shet ci nei, Cun pang ung phi Israel gui ah phäh ah ngaih u vai om ba ci nei.

EZRA 9:12

Ngami naw ami na m’thein gui cu, shin ah khaw cu yeikyai sak u ne, hta nau gui am phi ngawi yä kami pek gui hning vai ah khuihei chang gui awn kä kami chungla vai, ami bämang m’khüt näng nak vai, kä kami bawm gui vai ah kyak ci.

SUKI GUI 3:6

Ngami cu acun gui awn ng’chungla u ne, ami khanpughi gui phi khawihnah tuk ci gui.

THULÄÄN NAK 14:2

Nangmi cu Bawipa nami Khanpughi naw ning khäm gui ci. Khomdek khan ung om ciah chang avan ungka, nangmi cu amät ah chang ah ning ghü gui ci.

TAIGÜTHUM 20:26

Nangmi nami theingcim vai, kei bäng ung nami ng’khäm vai. A i ah kyasei ci ung kei cu Bawipa, kei cu ka theingcim ci. Kei naw chang khuihei gui ungka ka ning k’pai gui ci, cun ah kyasei nangmi cu kei bäng ung nami ng’khäm vai.

MALAKHI 1:1

Shin cu Malakhi naw Israel chang gui am am thein gui vai ah Bawipa naw a pek ah ng’thu ah kyak ci.

JEREMIAH 3:10

Shing gui avan ah kawn ah Israel ah kä bekhüt ciah anau Jodah cu ng’she ne kei ah law ba ci, ani cu amlung kä theing ci, kei Bawipa naw ka pyen nei.”