MALAKHI 1:9 - Cho Bible Common Language 2016

⁹ Tuhbäi tagü gui aw, mikmi ah khan ah ani vai ah Khanpughi cu ng’shi thäh vä. Ani naw nami taigü kä ning m’shang gui khai nei. Cun cu nami katnak ah kyak khai.

MALAKHI 1:9 Referans Kwoze

1 PETER 1:17

Chang ah yodäm kä teng ah, chang ah bilawh phäh phäh ah khan ah m’khoichaa nak bik ciah, Khanpughi ah nami taigü ung, Kapa ci ne khü ne nami taigü ci; cun ah kyasei khomdek khan ung nami ghin om yah ak chuih Khanpughi cu nami kyih aa vai nei.

JEREMIAH 27:18

Ngami cu prophet akcang ah kya u ne, kei ah ng’thu cu ngami ung om ciah a kyak ung, Taigüim la bawi mang im ung om ba ciah m’küm khawhgui cu, Babilonia ah kä htet püi vai ah kei, m’gäu cuag Bawipa cu na ng’shi law u sä.”

PHYAWN NAK 32:11

Moses naw Bawipa Khanpughi ah ng’coipa neta, “A i ah kyasei na chang gui ah khan ah na m’lungshe aih ang? Ngami cu dämduh ciah na m’gäi nak la na huham awn na gun gui ah kyak ci nei.

ROMAN 2:11

Khanpughi naw chang nüng nüng cu, kä m’khoi hnga ne, m’khoi m’cha gui khai.

JOHAN 9:31

Khanpughi naw katnak bik ciah taigü kä ngai ci, Khanpughi kyih-aa ne ang yak hlü ah bik ciah chang ah taigü vah ngaih pek ci.

JEREMIAH 26:19

Ghangpughang Hezekiah la Judah chang gui naw mikah cu sih nak kä pek ci gui. Cun nak vaisü ung Hezekiah naw Bawipa m’tamkhah ne, a hmawi ak kyang vai ah k’tha na ne bik ci. Cun kawn ah Bawipa naw ami khan ah leigai a law püi vai ah a pyen te cu ani naw amlung m’thawng ci. Tuhbäi mikmi naw mi mät ah khan ah kyih vai ah leigai cu mi law püi ci nei.”

JOEL 2:17

Taigü gui naw Bawipa ah bii bi u sä sonkyang la Taigüim ung luhnak ah ang lak ung, thüikyap ne taigü u sä. “Bawipa na chang gui dük gui ä. Chang khui hei gui naw, ‘Nami Khanpughi a hawi ang?’ ” cine kä na päipih gaih m’gin en gui u sä.

NG’ÄI KYAH 2:19

Amü pum pum, tho law ba ba ne, Bawipa ah ma ah kyap ci gui. Nami m’lung kyong gäsei u ne, nami htau nau gui ah khan ah chimgein gui vai ah ng’hui ng’pa vä. A hmaw hta gui cu lam ng’kit päng ung ei cawi ne si vai ci gui nei.

2 SHONTÄP NAK 30:27

Taigü gui la Levit gui naw chang gui ah khan ah Bawipa naw a phyuh theh vai ah k’thäh ci gui. Khanpughi naw khankhaw a im ungka naw ami taigü gui ng’ya ne dou pe gui ci.

JOEL 2:12

“Cun ung phi tuhbäi, Bawipa naw pyen ci, Ei hlawi nak la thüi kyah nak awn, M’lung neim sak ne ng’yuu ba ne, kei ah ng’hlat law ba vä.

AMOS 5:22

Nangmi naw m’khih ne douthak la htang-douthak nak nami law püi ung, kei naw kä ka dou khai. Plan ciah seime douthak vai nami law pü phi kä ka dou khai.