MALAKHI 1:7 - Cho Bible Common Language 2016

⁷ Nami na päipih nak cu — ka mang kyang ung ei-she nami na pek ah kyak ci. Cun kawn ah a i cha ah ang kä kami ning kyih aa? nami cik ci, Ka ning m’thein gui khai — cun cu ka mangkiang a i ah kä nami sui ah kyak ci.

MALAKHI 1:7 Referans Kwoze

MALAKHI 1:12

Nangmi naw ka mang kyang cu shemshai ciah nami pyen nak la nami päipih ah ei nami na pek nak awn kei cu kä nami na kyih aa ci.

1 KORIN 10:21

Nangmi naw Bawipa ah khap cu aw netah, khoshe ah khap cu kä nami aw hning ci; Bawipa ah tawnglang ung ei netah, khoshe ah tawnglang ung kä nami ei hning ci.

MALAKHI 1:8

Amik m’dauh, akgaw, akshum gui cu nami na khawihnah nak vai ah law püi u neta, nami katnak kä om ciah nami ngai ci. Acun ah mäih ah akghing gui cu uktu bawi am pe shüm vä, ning yei na gui khai aw! A i baw ning pe taak gui khai aw!”

EZEKIEL 41:22

Sing sonkiang ah mäih lawk ci om ci. Cun cu metre tumat la avang hlüng ci, metre tumat ng’shawng ci. Akit tung gui, ang nei la ak paang gui avan cu k’peen awn ami pyan ah kyak ci. Cun ah chang naw na pyen nak ci, “Shin cu Bawipa ah ma ah ng’düi ciah tawnglang ah kyak ci nei.”

THULÄÄN NAK 15:21

Cun ung phi sei me ung ak chei nak a om ah a kyak ung, shum ne, ng’khem ne, m’dauh ne, käcung a hei a leim bai a om ah a kyak ung, Bawipa nami Khanpughi cu, cun awn kä nami khawihnah vai.

TAIGÜTHUM 21:6

Ani cu a theingcim vai, kei ah ka ming ung kä a thüisei vai. Ani naw ei-douthak nak cu kei ung ana douthak vai, ani cu a theingcim vai.

TAIGÜTHUM 2:11

Htang douthak Bawipa am nami pek law phung cu, k’caw awn kä pyan en vai. Bawipa am douthak vai ah ei ung k’caw la khoitui kä nami shum phung vai.

TAIGÜTHUM 3:11

Shin gui avan cu Bawipa am ei-douthak ah sonkiang ah khan ah taigü bawi naw am khih vai.

TAIGÜTHUM 21:8

Chang gui naw taigü cu theingcim ciah ami k’bäi vai, a i ah kyasei ci ung ani naw ei-douthak nak cu kei am na pek ci, kei cu Bawipa, ka theingcim ci, ka chang gui ka theingcim sak gui ci.

EZEKIEL 44:16

Ngami bäng cu ka Taigüim ung lut u ne, ka sonkiang ung bii bi u ne, Taigüim ung khawihnah nak cu bik khai gui.

MALAKHI 1:13

Nangmi naw, ‘Shin ah hmawk ah kami cümbawng ci!’ cine, kei ungka nami hnga cu nami m’hlat ci. Nangmi naw nami na pektak law ung nami m’guk ah akghing gui la akshum, akgaw gui cu nami law püi ci. Cun cu ka dou khai ah nami ngai ne ang?