MALAKHI 1:6 - Cho Bible Common Language 2016

⁶ Hlüngtai ciah Bawipa naw taigü gui am, “A hta naw apa cu chang m’sui ci, ashäm naw abawi cu chang m’sui ci. Kei cu nami na pa — a i ah kyasei kä nami na chang m’sui ang? Kei cu nami na bawi — a i ah kyasei kä nami na kyih aa ang? Nangmi naw nami na päipih ci, cun ung phi a i hawkcha ah ang kami ning päipih? nami cik ci.’

MALAKHI 1:6 Referans Kwoze

LUKA 6:46

“Ka ng’thu kä ngai lang ne a i ah kyasei Bawipa, Bawipa cine nami na khü ang?

ISAIAH 1:2

Bawipa naw, “Khomdek la khomik, kei naw ka pyen law vai cu ngai vä! Kei naw ka m’ghin gui ah ak hmaw gui naw na hnu ng’tuk püi ci gui nei.

PHYAWN NAK 20:12

“Na nu la na pa cu na chang m’sui vai, cun ung ka ning pek ah khaw ung ghing shon ne na om khai.

1 PETER 1:17

Chang ah yodäm kä teng ah, chang ah bilawh phäh phäh ah khan ah m’khoichaa nak bik ciah, Khanpughi ah nami taigü ung, Kapa ci ne khü ne nami taigü ci; cun ah kyasei khomdek khan ung nami ghin om yah ak chuih Khanpughi cu nami kyih aa vai nei.

HOSEA 12:8

Ngami naw, “Mikmi cu mi bühmang ci, khawh akda mi tak ci. A u naw phi kä düng ci awn mi bühmang ciah kä na bün gui hning ci,” cik ci gui.

ISAIAH 64:8

Cun ung phi Bawipa, nang cu kami ning pa nei. Keimi cu k’am m’dek ah mäih ah kami kyak ci, nang cu k’am sheh ciah mäih ah na kyak ci. Nang naw na na tüisho gui ci,

EPHESIAN 6:2

“Na nu la na pa cu nak chang m’sui vai, Cun ung nang cu bämang ne khoding ung ak shou na ghing khai,” ciah cacim ung om ci, cun cu shaitaak nak ah ak htük bäih ah thukhän ah kyak ci.

NG'THU K'THUUK~ 30:17

Apa gaih m’gin ne ghi lawk ciah anu päipih ciah chang cu langta gui naw ei khai gui nei, kaap gui naw amik kawih khai gui nei.

MATTHE 7:21

‘Bawipa, Bawipa,’ cine na khü ciah chang van düt, khankho ah kä lut hlawt khai, khankho ah om ciah ka Pa ah ang yak hlü ah om ciah chang bäng vah gawk hlawt khai.

MATTHE 6:9

Cun ah kyasei nami taigü ung; ‘Khankho ah om ciah kami Pa; Na ming theing thang sä;

NG'THU K'THUUK~ 30:11

Apa plahtam ne anu kä yum ngak ciah chang amshah om ci,

THULÄÄN NAK 5:16

“Na nu la na pa na chang m’sui vai. Kei, Bawipa na Khanpughi naw ka ning thumkhän ci. Cun ung nang ung avan bä nak om khai. Kei naw ka ning pek ah khaw ung ghing shou ne na om khai.

TAIGÜTHUM 19:3

Nangmi a chang sing naw nami nu la nami pa cu nami chang m’sui vai. Kyin hnüüp cu nami k’pan khek vai. Cun cu thumkhän ka ning pek gui ah kyak ci. Kei cu Bawipa nami Khanpughi nei.

MAKUH 10:19

Chang kä ngawn vai, chang ah chu kä kat püi vai, käm guk vai, käng düng ciah kä saksi vai, kä hleeihlak vai, nupa m’htei vai, ciah thukhän gui cu na hmat ciah kä kya ne ang?” cine kiak nak ci.

MATTHE 19:19

Na nupa cu nak chang m’sui vai, nak chang paw cu na mät awn m’täng ne nam hni vai,” cine pyen nak ci.

HOSEA 4:6

Kei ah ka chang gui cu ng’yiin ci gui. A i ah kyasei ci ung ngami naw kei cu a i ah kü na ngai ci gui. Nami taigü gui naw kei ami na shüm vai ah na ngai ci gui, kei ah m’theithang cu hnungtuk ci gui, acun ah kya sei, kei naw ning hnungtuk gui ne, nami hta gui cu ka taigü gui ah kä ka ngai gui khai.

EZEKIEL 22:26

Taigü gui naw ka thukhän cu m’shet u ne, a theingcim cu kä kyih aa ci gui. Ngami naw theingcim ci la kä theingcim cicu kä m’khoi chak ci gui. Ngami naw theithang ci gui, kyiin hnüüp cu nawng ci gui. Ak hnu ah Israel chang gui naw kei cu kä na chang m’sui ci gui.

JEREMIAH 23:11

Bawipa naw pyen ci, “Prophet gui la taigü gui cu khanpughi kaa ah om ci gui; Taigüim kyong ah ngami naw akshe bi u sei ka hmu gui ci.

MATTHE 15:6

A cu cha ah nangmi cu Khanpughi ah thukhän nawng-en u ne, nami mät ah thungyo cu nami läk ci.

MALAKHI 2:8

“Cun ung phi tuhbäi nangmi taigü gui cu, lam ng’düng ungka nami ng’phleng ci. Nami m’theithang naw akshe akda bi vai ah lam shüm ci. Nangmi ung ka ng’thumkhän cu nangmi naw nami gäi ci.

LUKA 10:29

Thukhän saya naw amät ah hmuhmat nak m’dang hlü netah, “Kei ah ka ng’kho chang cu a u ang?” cine ng’shi ba ci.

LUKA 6:36

Nami Pa Khanpughi naw a ning m’gein gui ah mäih ah nami ng’gein tu vai.

MAKUH 7:10

Moses naw ang thukhän ung, “Nanu la napa cu nak chang m’sui goi vai, anu pa yüigen ciah chang cu sih nak ung hteit sä,” cine pyein ci.

JEREMIAH 31:9

Kei ah ka Chang gui cu kyap u ne, taigü u ne, kei naw lam ka m’shüm gui nak awn law ba khai gui. Kei naw tuihta gui ah om nak ung khah püi gui ne, kä ami kiuk ng’täät vai ah lam k’ni ung ka khah püi gui khai.” Kei cu Israel ah pa ah mäih ah ka kyak ci, Epharaim cu ka hta ng’vaipi ah kyak ci.

LUKA 18:20

Thukhän gui na hmat pyi ci kya ne; changah chuhta kä kat püi vai, chang kä ngawn vai, kä m’guuk vai, hleei pyein ne kä saksi vai, nupa chang m’sui vai, ci gui cu na läk vai” cine kyak nak ci.

MATTHE 15:4

Khanpughi naw, ‘Nanu la napa cu nak chang m’sui vai, anu pa yüi gen ciah chang cu sih nak gah sä,” cine thu khän ci.

HOSEA 5:1

“Taigü gui aw, shin cu ngai vä, Israel chang gui ngaih na vä! Ngai vä nangmi mang im kyong chang gui! Nangmi cu taga khai ah nami m’khoichak khai ah nami kyak ci. Cun ah kyasei nami khan ah m’khoicha nak gawk lawk khai. Nangmi cu Mizpah ung m’hling baan Tabor m’htung ung ng’vai cuun,

THULÄÄN NAK 1:31

bungpuk ung nami hmuh ah mäih ah kyak khai. Ani naw lam pum ung shin ah hmun ung khüt lawk khai ah apa naw a hta apäm ah mäih ah ning law püi gui ci.’

SAM 123:2

Changshäm naw a bawi a teng ah mäih ah, changshäm hnumi naw abawinu a teng ah mäih ah, O Bawipa kami Khanpughi, Na m’gein nak kä kami hmuh pha ah chuih kami ning dan khai nei.

NG'THU K'THUUK~ 17:6

Ghipa gui cu ami tu hta gui ah lukhu ah kyak ci, ak hmaw gui cu ami nupa gui ah lukhu ah kyak ci.

ISAIAH 43:23

Nangmi naw m’khih ne douthak ah htome cu kä nami na thak law ci nei; Nami khawihnah nak awn kei cu kä nami na m’tamkhah ci nei. Douthak vai gui k’thäh ne nami phuih kä ka gih sak ci, ang ui gui k’thäh ne kä ka ning yaica sak gui ci.

JEREMIAH 3:4

“Tuhbäi nang naw kei na na pyen nak ci,” Nang cu ka ning pa nei, kei ka hmaw yah ge ung nang naw na na m’hni ci.

JEREMIAH 35:16

Jonadabah htangshon gui naw ami pupa ah pek ah thumkhän cu läk ci guim cun ung phi nangmi naw kei kä na nami na ngai ci.

ZEPHANIAH 3:4

Prophet gui cu a i kä bik ci gui, hleeihlak ci gui, taigü gui naw thu theing cu m’shet u ne, Khanpughi ah thukhän cu amimät ah ng’thu awn k’caw ci gui.

MALAKHI 2:1

Hlüngtai ciah Bawipa naw taigü gui am, “Shin ah thumkhän cu nangmi ah hmawk ah kyak ci nei:

MALAKHI 2:10

Mikmi mi van cu mi pa täng ciah kä kya ne ang? Mi van Khanpughi a mät naw na tüi gui ciah kä kya ne ang? A i ah kyasei tumat la tumat mi shaitak mi m’shet ang? A i ah kyasei mi pupa gui am Khanpughi naw shai a tak mi päipih ang?

THULÄÄN NAK 32:6

Nang naw Bawipa na om ih püi cu a shik cha ah ma? Nang chang gu taak, chang awng ang, Ani cu nami pa, ning tüisho gui ci. Ani naw changpakhui ah ning pyang gui ci.

ISAIAH 45:10

A nupa gui am, “A i ah kyasei shikcha ah na na hta nak ang” ci dat khai ah chang om ne ang?”

ISAIAH 64:7

A u phi taigü ne nang ah kä ng’hlat lawk ci; a u phi nang naw na m’htei vai ah kä hteit ci. Keimi kami hmakat ah phäh ah, nang naw na na nawng gui ci, kei mi ung ka na ng’thup ci.

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.