MALAKHI 1:4 - Cho Bible Common Language 2016

⁴ Esau ah hta ng’shon Edomit gui naw “Mi gawnu gui cu di pyi ci, cun ung phi mi co ba khai” ami ci ung, Bawipa naw, “Co ba u sä — kei naw ka phyet pe ba gui khai nei. Chang gui naw ‘khawshe khaw’ ah khü gui khai, ‘Bawipa naw angtäi sei amlung she nak ah pakhui ah kyak khai gui nei’ ” cik ci.

MALAKHI 1:4 Referans Kwoze

EZEKIEL 25:14

Kei ah ka chang Israel gui naw kei ah phäh ah Edom ah khan ah phutuk khai gui, ngami naw Edom am kei ah sou ciah m’lungshe nak cu khan sak khai gui. Edom gui naw kei ah phutuk nak ah amawngma cu hmat khai gui.” Uktu Bawipa naw a pyen nei.

EZEKIEL 35:9

Kei naw khonglän ung ka ning shiu sak gui khai, nangmi ah mang gaw gui ung a u phi kä om ba khai. Cun kawn ah nangmi naw kei cu Bawipa ah nami na hmat khai.

JEREMIAH 31:17

Ngawi ah kaa vai ah phäh ah nami ngaih u vai om ci; Nami hta nau gui cu im ah law ba khai gui. Kei, Bawipa naw ka pyen ci.

ISAIAH 34:10

Cun cu amü a hnüüp ui sei, meikhu cu angtäi ah tho khai. Ang shon päng päng ung shin ah khaw ca aka law pi ah kyak khai. A u chang phi shin sun ne kä hteit ba khai.

ISAIAH 34:5

Bawipa naw akhimsem cu khankho ah pawng püi ge ci, ani naw m’di gui vai ah am kyuk pyi ah kho chang Edom kho cu tuhbäi tuk khai.

ISAIAH 11:14

Ngami naw atäng ah akhei tang ung Philistin gui cu tu gui u ne, ak kyang tang ung om ciah chang gui cu guttep gui khai gui, Ngami naw Edom la Moab chang gui cu tu ne naing khai gui, Ammon chang gui naw ngami cu läk gui khai gui.

MALAKHI 1:3

Esau la a hta ng’shon cu ka gen ci. Esau ah khogui hmun cu khaw tai ah kyak sak ne, cun ah khaw cu sa-ui gui am ka nawng pe gui ci.”

AMOS 6:2

Hteit ne Kalaneh mang gaw cu teng vä. Cun kawn ah däm ciah Hamath mang gaw ah hteit vä, Philistin mang gaw Kath ah phi hteit vä. Ngami cu Judah la Israel ah uknak khaw ah mä bä tuba u ne ang? Ami khawpäng cu nangmi ah mä ng’shawng tuba ne ang?

EZEKIEL 11:10

nangmi cu name mät ah khaw ung ng’tuk nak ung ning ngawn gui khai gui. Cun ung chang nü naw kei cu Bawipa ah nah mat khai.

NG’ÄI KYAH 3:37

Bawipa ah ang yak hlü cu angtäi sei kawh chan nei.

ISAIAH 10:4

Nangmi cu ng’tuk nak ung ning ngawn gui khai gui, käcung thawngkyum ah pha ne ning kaih gui khai gui. Cun ung phi Bawipa m’lungshe nak cu kä ng’pyi khai, ani naw a kut cu m’kyuk nak vai ah shäng lä khai.

NG'THU K'THUUK~ 21:30

Chang ah cüivai nak hmuhmat nak, ngaih-tüh nak, Cun gui cu Bawipa naw a hnungtuk püi ung akholä ah kyak ci.

SAM 137:7

Bawipa, Jerusalem cu tuh ne ami khäm yah ung Edomit gui ah bi cu shüm ba ä. “M’dek ah khüt khai ah tu ne m’cin vai nei!” ami cicu shüm ba gui ä.

SAM 127:1

Khanpughi naw im kä a cawh ung, Im co ciah bi cu a kholä ah kyak ci; Khanpughi naw gaw kä a ngäng ung, Gaw ngäng ciah ngäng cu a kholä ah kyak ci.

JOB 34:29

Khanpughi naw a i kä bik khai ah ak bäi ah a kyak ung, A u naw phi ani kä täitawk khai nei. Ani naw a hmai a thuh ei ah a kyak ung, chang gui cu am gein kaa ah kyak khai gui nei.

JOB 12:14

Khanpughi naw a phyeit cu a u naw co ba hning khai aw, Khanpughi naw thawng ung a chum cu a u naw m’hlaut hning khai aw?

JOB 9:4

Khanpughi cu cüivai ne huham mah ci nei; a u naw ani kä ng’tuk püi hning ci.

MATTHE 12:30

‘Kei täng ah kä om ciah chang cu na hnu ng’tuk püi ciah kyak ci. Kei awn a täng ah kä ng’bum tuk cicu ng’yaih-yam düt ciah kyak ci.

JEREMIAH 5:17

Ngami naw nami om ng’awi, nami buh ci ei khai gui; nami htapami gui hta hnumi gui cu ngawn khai gui. Ngami naw nami sei mak, htome mak gui cu ngawn ne ei khai gui, nami sapyit gui la thei gui cu m’di khai gui. Nangmi naw nami ngaih gep ah mang gaw khäng gui cu ami gakap gui naw m’di khai gui.

JEREMIAH 49:8

Sedan chang gui, ng’hlat ne dawng vä, ng’thup vä! kei naw Esau ah htangshon gui cu ka m’di law gui khai nei, a i ah kyasei ci ung ngami ka m’kyuk nak gui vai ah akhin cu gawk lawk ci nei.

JEREMIAH 49:20

Cun ah kyasei Edom chang gui hnungtuk püi gui vai ah ka pawng püi cu ngai vä, Teman mang gaw chang gui ung kei naw bi vai ah ka pawng püi phi ngai vä. Ami hta nau gui cu sawkaih gui khai gui, chang nü cu kyi kyawk khai.

EZEKIEL 25:13

Tuhbäi kei naw ka ng’shäu ci, kei naw Edom cu m’kyuk ne, chang la seime ang nü ka ngawn khai. Kei naw Teman mang gaw ung ka naw Dedan mang gaw ung khüt sei ka shiu sak khai, chang gui cu ng’tuk nak ung ngawn gui khai gui.

EZEKIEL 26:14

Ngashui gui naw ami ng’vai ami phuu nak vai ah lung pou gui bäng kei naw k’pawih nak khai. Mang gaw cu ba phung vai. Kei, uktu Bawipa naw ka pyen nei.”

EZEKIEL 35:4

Kei naw na mang gaw gui cu m’di ne ka nawng khai Na khaw cu ka shiu sak khai; Cun kawn ah nang naw kei cu Bawipa ah na na hmat khai.

AMOS 3:15

Kei naw cingkhaw im gui la chakhaw im gui cu ka m’di khai. M’vui ha awn ami pyan ah im gui cu she ne di khai, im am kawm gui phung cu m’di yawp vai.”

AMOS 5:11

Nangmi naw dukhaih ci gui nami yawshe na gui ci, ami geit phi nami guh pe gui ci. Cun ah kyasei nangmi cu lung awn nami cawh ah im akni ung kä nami om khai. Nami geit ah sapyit akni ungka a tui phi kä nami awk khai.

AMOS 6:11

Bawipa naw ng’thu a pyen law ung im kawm, im yaw ng’phye ne maih khai.

OBADIAH 1:1

Shin cu Obadiah ah ng’cäbang — Edom pakhui ah mawng, Uktu Bawipa ah ng’thu pyen ah kyak ci. Bawipa naw ang shächang cu pakhui nü ah tüi ci, cun kawn ah ang thu cu kami ng’ya pyi ci: “Pawng vä! Edom tuk vai ah mi hteit kaw!”

OBADIAH 1:10

“Nang naw Jakob ah hta ng’shon, na mätyah hniim ne na ngawn ah hmawk ah ngawi yä nang cu ning m’di ne kä ning chang m’sui ba khai.

SAM 33:10

Bawipa naw changpakhui gui ah tängpang cu haih ci; ami pawng püi gui phi m’hlat yawp ci.

JEREMIAH 49:7

Shin cu Edom ah mawng m’gäi ciah Bawipa naw a pyen ah kyak ci; “Edom chang gui naw nik ciah ami m’kheicha nak gui maih sak u ne ma? Ngami m’shüm thein ciah chang gui naw a i bi vai cicu kä m’thein ba gui u ne ma? Ami cüivai nak avan cu maih yawp ne ma?

AMOS 1:11

Bawipa naw, “Edom chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ngami naw ami phäi nau Israel gui cu yäi gui ci gui. Israel gui cu Esau ah nau Jakob ah hta ng’shon ah kyak ci gui, ngami cu Edomit gui ah pupa gui ah kyak ci. Israel gui naw m’gein nak kä m’dang ci gui. Ami m’lungshe nak cu kä ng’chüt ci, kä sih sak ci gui.