MALAKHI 1:3 - Cho Bible Common Language 2016

³ Esau la a hta ng’shon cu ka gen ci. Esau ah khogui hmun cu khaw tai ah kyak sak ne, cun ah khaw cu sa-ui gui am ka nawng pe gui ci.”

MALAKHI 1:3 Referans Kwoze

OBADIAH 1:10

“Nang naw Jakob ah hta ng’shon, na mätyah hniim ne na ngawn ah hmawk ah ngawi yä nang cu ning m’di ne kä ning chang m’sui ba khai.

JOEL 3:19

Egypt cu khaw ng’gau ah kyak khai, Edom cu di pikbäih khai, a i ah kyasei ci ung ngami naw Judah khaw tu ne, changnigui ami ngawn ah phäh ah kyak ci.

EZEKIEL 36:9

Kei cu nangmi täng ah ka om ci, nami khaw ung lai thawn ba ne acun ung m’shi phu vai ah kei naw akcang ah ka bik khai nei.

EZEKIEL 36:7

Kei, uktu Bawipa naw aktung ah shaitak ka bik ci, aveing ung pakhui gui cu m’shedam gui vai nei.

JEREMIAH 51:37

Cun ah khopäng cu di ne ng’pum khai, khisa gui ah om nak ah kyak khai. Cun cu ten gung kyihkyawk vai kya ne, a cun ung a u phi kä om khai, cun hmuk ciah chang avan cu cäicat khai gui.

JEREMIAH 49:10

Cun ung phi Esau ah htangshon gui cu kei naw ng’pyi khai ah ka ci gui khai, ami ng’thuh ba hlawt khai gui. Edom chang gui ami van m’di gui nei, tumat phi kä pawih ba ci gui nei.

JEREMIAH 9:11

Bawipa naw pyen ci, “kei naw Jerusalem cu, im ng’phrek ciah ng’awt ng’bum, sa ui gui ah om nak ah hmun ah ka pyang khai; Judah mang gaw gui cu chang ah kä om nak bung ah kyak khai gui.”

ISAIAH 35:7

mei ah ui ciah salai cu tui ah li khai, ket ne chawng ciah khaw cu tuihta gui awn be khai. Sa ui gui ah om nak man ung m’long kyai gui phung ghing khai.

LUKA 14:26

“Kei ah alaw tu pang ung phi, kei ana m’hni ah mä, anupa, achu hta, aphäi nau la amät m’hni pi ciah chang cu, kei ah ng’düihpüi ah kä kya hlawt khai.

ATÜNNAK 25:23

Bawipa naw ani am, “Na puk kyong ah chang pakhui hnih om ci, Nang cu ng’lakmah ciah chang pa hnih ah na hta khai. Tumat cu gai pi khai, Ang vaipi cu ak hmaw pi ah täkphan ah om khai” cine pyen nak ci.

JEREMIAH 49:8

Sedan chang gui, ng’hlat ne dawng vä, ng’thup vä! kei naw Esau ah htangshon gui cu ka m’di law gui khai nei, a i ah kyasei ci ung ngami ka m’kyuk nak gui vai ah akhin cu gawk lawk ci nei.

JEREMIAH 49:20

Cun ah kyasei Edom chang gui hnungtuk püi gui vai ah ka pawng püi cu ngai vä, Teman mang gaw chang gui ung kei naw bi vai ah ka pawng püi phi ngai vä. Ami hta nau gui cu sawkaih gui khai gui, chang nü cu kyi kyawk khai.

JEREMIAH 49:33

Hazor cu ngawi yä bung ah kyak khai nei, saui gui bäng ami om nak ah hmun ah kyak khai nei. A cun ung ngawi ah phi a i ka om ba khai nei. Kei, Bawipa naw ka pyen nei.”

NG’ÄI KYAH 4:22

Zion naw akat nak ah phu cu pe pyi ci nei, Bawipa naw mikmi cu omktu khaw ah kä na tha ba gui khai nei. Cun ung phi Edom, Bawipa naw ning m’kyuk khai nei. Cheishoh ne na hnünthawh gui cu ani naw m’dang khai nei.

JEREMIAH 49:7

Shin cu Edom ah mawng m’gäi ciah Bawipa naw a pyen ah kyak ci; “Edom chang gui naw nik ciah ami m’kheicha nak gui maih sak u ne ma? Ngami m’shüm thein ciah chang gui naw a i bi vai cicu kä m’thein ba gui u ne ma? Ami cüivai nak avan cu maih yawp ne ma?