MALAKHI 1:13 - Cho Bible Common Language 2016

¹³ Nangmi naw, ‘Shin ah hmawk ah kami cümbawng ci!’ cine, kei ungka nami hnga cu nami m’hlat ci. Nangmi naw nami na pektak law ung nami m’guk ah akghing gui la akshum, akgaw gui cu nami law püi ci. Cun cu ka dou khai ah nami ngai ne ang?

MALAKHI 1:13 Referans Kwoze

MIKHAH 6:3

Bawipa naw, “Ka chang gui aw, a i ang ka ning bi pek gui man, a i ah ka ning khüikha sak gui man? Na m’shang vä.

MATTHE 6:16

‘Nangmi cu ei nami hlawi ah a kyak ung, mingthang hlük ci gui ah mäih ah müi ng’haam khai ah kä nami om vai. Ngami cu ei ami hlawi ah mawng ang dang vai ah ei cawi ciah müi hmai awn hteit hton ci gui. Kei naw akcang ka pyein cu, cun ah chang gui cu ami mät ah ng’yak hlü gah pyii ci gui nei.

MATTHE 6:5

‘Nangmi cu nami taigü ung mingthang hlük ciah chang gui ah mäih ah kä nami taigü vai. Ngami cu chang ah hmuh gui vai ah, pum im kyong ung la lam kyum gui ung ng’düi ne taigü ci gui. Kei naw akcang ka pyein cu, ngami cu ami mät ah ng’yak hlü gah pyii ci gui nei.

MALAKHI 2:13

Shin ung ahei nami bi om ba ci, Nangmi naw Bawipa ah mang kyang cu ng’phlitui la thüikyah nak awn nami lin ci. Cun ah kyasei nami law püi ah pek tak cu ani naw kä dou ba ci.

AMOS 8:5

Nangmi nami mät ng’thu u ne, “Theingciim ciah hnüüp ang pyi vai cu, keimi naw aktung ah kami ngäng ci nei, cun ung keimi naw kami htang cu kami yoi hlawt khai. Kyiin nak hnüüp cu a i yah ung ng’pyi khai ang? Cun ung kami yoihtuk vai kami tün ba khai nei. Cun kawn ah keimi naw kami shum khai, kä hman ciah nän nak gui, kä düng ciah khin nak gui.

EZEKIEL 44:31

Taigü naw amät sih phung ciah kha la khisa cu kä ami ei en vai, khisa naw a lawh phi kä ami ei en vai.”

EZEKIEL 4:14

Cun ung phi kei naw m’shang ne “ka nei, uktu Bawipa aw! Kei naw ka mät ai yah ung phi kä ka le lawi sak man ci ne! Kei ka hmaw yah ge ung amät sik ciah khisa la sah nget naw a lawh ah sa cu kä ka ei man ci nei. Kä theing ciah ngaih phung cu kä ka ei man ci nei” ka cik ci.

ISAIAH 57:6

Nangmi naw ng’mi ciah lung gui cu a cun ung ka la neta, khanpughi cine nami khawihnah ci. Nangmi naw sapyit tui cu k’phyuh ne nami douthak ci, htang-douthak phi nami lawpüi ci. Shin gui avan cu kei naw ka yei nak ciah nami ngai ne ang?

ISAIAH 1:12

Kei nami na khawihnah khai ah nami law yah ung, shin gui avan nami law püi vai ah a u naw ang aning k’thäh gui? Kei ah pum im ung tut aat ne nami kyak vai ah a u naw ang aning k’thäh gui?

1 SAMUEL 2:29

A i ah kyasei, kei naw ka chang gui ung ka thäh ah khawihnah nak la douthak nak cu nangmi naw ei hlü ne nami teng ang? A i ah kyasei Eli, kei ah ta na hta gui na m’taam gui pi ang, ka chang gui naw ami na douthak law ah khawihnah nak ah aknipi gui avan cu ei sak gui ne, na plan sak gui ci gui ne ma?

THULÄÄN NAK 15:21

Cun ung phi sei me ung ak chei nak a om ah a kyak ung, shum ne, ng’khem ne, m’dauh ne, käcung a hei a leim bai a om ah a kyak ung, Bawipa nami Khanpughi cu, cun awn kä nami khawihnah vai.

TAIGÜTHUM 22:8

Ani naw amät sik ciah khisa ah meh, sa naw a lawh ah meh cu kä a ei vai, acun naw ani cu kä theingthap sak khai. Kei cu Bawipa nei.

TAIGÜTHUM 6:4

chang tumat cu shin gui ungka, tumat mat a kat ah a kyak ung, ani naw kä düng nak awn a gah phung cu, a pek ba vai. Ani cheishoh ciah ang hmat hnüüp ung, kaa nak ciam avan a pek ba vai, cun kawn ah bum hma ung bum ät awn am khah vai.

2 SAMUEL 24:24

Cun ung phi ghangpughang naw, “Ka, a phu ka ning pek khai nei, kei naw Bawipa ka Khanpughi cu aphu kä ka pek awn kä ka khawihnah khai” cik ci. Cun kawn ah ani naw htang khlawng la seipat cu ngui hma-kip pe ne khleih ci.

ISAIAH 61:8

Kei naw taga nak cu ka m’hni ci, shedam nak la cheishoh nak cu ka thüi nak ci. Kei naw ka chang gui ung bekhüt ka m’cümhnah gui khai, Nangmi awn ng’täi ciah thukhän ka bik khai.

HOSEA 13:9

“Israel chang gui aw, kei naw ka ning m’di gui khai. Cun ung a u naw ning bawm gui khai aw?

MALAKHI 1:10

Hlüngtai ciah Bawipa naw, “Nangmi ungka tumat naw pum im shoh a khai vai ah ka ng’ya hlük ci, cun cu mang kyang ung mei, akholä ah a däi vai cu shungshet nak ah kyak ci. Kei naw kä ka ning yei na gui ci, nami na pek law phi kä ka dou khai.

MALAKHI 2:12

Acun ah bik ci gui cu Israel pakhui ungka Khanpughi naw heng gui sä! Mi pakhui naw hlüngtai ciah Bawipa am pek vai ah ami law püi nak ung phi kä ng’caw tuba sak gui khai nei.