MALAKHI 1:12 - Cho Bible Common Language 2016

¹² Nangmi naw ka mang kyang cu shemshai ciah nami pyen nak la nami päipih ah ei nami na pek nak awn kei cu kä nami na kyih aa ci.

MALAKHI 1:12 Referans Kwoze

ROMAN 2:24

Cacim ung, “Jew chang gui ah om ah chang khui hei gui naw, Khanpughi ah ming cu päipih ci gui nei,” cine om ciah mäih ah kya lawk ci nei.

MALAKHI 2:8

“Cun ung phi tuhbäi nangmi taigü gui cu, lam ng’düng ungka nami ng’phleng ci. Nami m’theithang naw akshe akda bi vai ah lam shüm ci. Nangmi ung ka ng’thumkhän cu nangmi naw nami gäi ci.

MALAKHI 1:13

Nangmi naw, ‘Shin ah hmawk ah kami cümbawng ci!’ cine, kei ungka nami hnga cu nami m’hlat ci. Nangmi naw nami na pektak law ung nami m’guk ah akghing gui la akshum, akgaw gui cu nami law püi ci. Cun cu ka dou khai ah nami ngai ne ang?

AMOS 2:7

Ngami naw aktha ken ci la amgein kaa gui cu k’thüng gui u ne, dukhaih ci gui cu lam ungka buh tawn gui ci gui. Apa la ahta naw changshäm hnumi hta cu ng’lak na ne chu nak ci goi. Cun ah kya ne ka ming theing cu m’shet ci gui.

2 SAMUEL 12:14

Cun ung phi, a i ah kyasei ci ung, nang naw shin ah mäih bi ne Bawipa na thui ng’a sak ah phäh ah na hta sik khai” cik ci.

TAIGÜTHUM 18:21

Molek khanpughi khawihnah nak ung mang vai ah, na hta nau cu kä na ap gui vai. Acun naw Bawipa Khanpughi ah a ming ah thuui nak vai cu law püi khai nei.

EZEKIEL 41:22

Sing sonkiang ah mäih lawk ci om ci. Cun cu metre tumat la avang hlüng ci, metre tumat ng’shawng ci. Akit tung gui, ang nei la ak paang gui avan cu k’peen awn ami pyan ah kyak ci. Cun ah chang naw na pyen nak ci, “Shin cu Bawipa ah ma ah ng’düi ciah tawnglang ah kyak ci nei.”

EZEKIEL 44:16

Ngami bäng cu ka Taigüim ung lut u ne, ka sonkiang ung bii bi u ne, Taigüim ung khawihnah nak cu bik khai gui.

HOSEA 13:9

“Israel chang gui aw, kei naw ka ning m’di gui khai. Cun ung a u naw ning bawm gui khai aw?