MALAKHI 1:10 - Cho Bible Common Language 2016

¹⁰ Hlüngtai ciah Bawipa naw, “Nangmi ungka tumat naw pum im shoh a khai vai ah ka ng’ya hlük ci, cun cu mang kyang ung mei, akholä ah a däi vai cu shungshet nak ah kyak ci. Kei naw kä ka ning yei na gui ci, nami na pek law phi kä ka dou khai.

MALAKHI 1:10 Referans Kwoze

1 PETER 5:2

Khanpughi naw a ning ap gui ah htomebum cu, htomeshäm ah kya ne nami ngäng vai nei. Bi vai kyasei bi ah kä kyak ciah, Khanpughi ah khuut ah kyasei ng’yak hlü nak awn nami bi vai nei. Nami bi cu ng’cheng gah hlü ah m’lung awn kä kyak ciah, bi nak hlü ah m’lung cang awn nami bi vai nei.

MIKHAH 3:11

Mang gaw uktu gui naw, khawh la ne uk ci gui, taigü gui naw pek vai ah thukhän m’than ci gui, prophet gui naw ngui ami gah vai ah phäh ah cängbang ci gui — cun ung phi ami van Bawipa naw om püi gui ciah pyen ci gui. Ngami naw, “Akshe keimi ung kä gawk lawk khai, Bawipa keimi awn om ci” cik ci gui.

HOSEA 5:6

Ngami naw ami htome gui la ami vantang gui la u ne, Bawipa cu khawihnah nak ci gui. Cun ung phi cun naw ngami kä ni sak gui ci. Ani naw ahteh tak gui ah kia ne ngami naw kä hmu hlawt ci gui.

JEREMIAH 6:20

Sheba ah ka ami law püi ah tui ng’ui ah phi kia, asho nak kho ah ka tui ng’ui gui ah phi kia, kei naw a i ah kä ka ngai ci! Ngami ah douthak cu kei naw kä ka dou khai, ami khawihnah nak ah phäh ah kei kä ka zeikia khai.

JEREMIAH 14:12

Ngami ei ami hlawi ung phi kei naw ka m’htei gui vai ah ngami naw ami k’thäh cu kä ka ngai khai; ngami naw m’khih ne douthak nak la htang-douthak nak ami na douthak law ung phi kei naw kä ka yei na gui khai. Cun nak vaisü ung ng’tuk nak, ei cawi nak la gawpai nak awn kei naw ka ngawn gui kei.

JEREMIAH 8:10

Cun ah kyasei ami lolai gui cu kaanak ciah ak thai gui am pe gui ne, ami chu gui cu ahei pami gui am ka pe gui khai. Akdämduh ak zawken chang nü naw kä ng’düng nak awn ngui gah vai ah k’tha nak ci gui. Prophet gui la taigü gui naw phi chang gui m’hleei gui ci gui.

HEBRU 10:38

Ng’düng ciah kakchang gui cu yum ne ghing khai gui nei; Cung ung phi ng’hlat ba ciah chang läi cu, kei naw kä ka yei nak khai nei,” ciah om ci.

PHILIPPIAN 2:21

A hei chang gui läi cu ami mät ah hmawk bäng ngaih-tüh u ne Bawi Jesuh Khrit ah bi cu kä k’tha nak ci gui nei.

1 KORIN 9:13

Pum im kyong ah bi bik ciah chang naw pum im kyong ah ei vai gah ci, Mang kyang ung khawihhah ciah chang naw, mang kyang ung khawihnah nak cu gah tuk ci, cicu akcang ah nami hmat ci nei.

JOHAN 10:12

Chang ghüh cu htoshäm ah kä kyak ci, hto gui ah ami mah ah phi kä kyak ci, cun ah kya ne, hngei a law ung hto gui cu nawng shüt gui ne dawng sei, hngei naw hto gui cu lo gui ci, hto gui phi püi ne dawng yawp ci gui.

JEREMIAH 6:13

Chang nü nü dämduh ci, zawken ci naw, kä ng’düng nak awn k’tha na ne ngui shui ci gui; prophet gui la taigü gui naw phi chang m’hleei ci gui.

JEREMIAH 14:10

Bawipa naw shin ah chang gui ah amawng pyen ci, “Ngami cu kei ungka dawng vai m’hni ci gui, ami mät naw ami mät kä m’htei hlawt khai gui. Cun ah kyasei kei naw ngami kä ka yei na gui ci. Kei naw ngami ah cheishoh nak cu shüm ba ne, ami katnak ah phäh ah ka m’kyuk gui khai.”

MALAKHI 1:13

Nangmi naw, ‘Shin ah hmawk ah kami cümbawng ci!’ cine, kei ungka nami hnga cu nami m’hlat ci. Nangmi naw nami na pektak law ung nami m’guk ah akghing gui la akshum, akgaw gui cu nami law püi ci. Cun cu ka dou khai ah nami ngai ne ang?

MALAKHI 2:12

Acun ah bik ci gui cu Israel pakhui ungka Khanpughi naw heng gui sä! Mi pakhui naw hlüngtai ciah Bawipa am pek vai ah ami law püi nak ung phi kä ng’caw tuba sak gui khai nei.

2 GHANGPUGHANG GUI 12:6

Cun ung phi Joash ah uknak akum m’ku lei thum güt ung taigü gui naw Taigüim a i phi kä pyang m’tham ci gui.

NG'THU K'THUUK~ 15:8

Bawipa naw changniah taigu cu ngai ci, cun ung phi chang shekha ah law pui ah khawihnah nak cu thui nak ci.

MALAKHI 2:13

Shin ung ahei nami bi om ba ci, Nangmi naw Bawipa ah mang kyang cu ng’phlitui la thüikyah nak awn nami lin ci. Cun ah kyasei nami law püi ah pek tak cu ani naw kä dou ba ci.